خليكي واثقه في نفسك ويولع كلام الناس انت حلوه زي ما انت

بصى كلام الناس مش هيقدم ولا هيأخر ولكن منقدرش نقول انه مش بيجرح لا ده ممكن يكون قاتل كمان فا ربنا يبعد الناس دى عنك ثانيا وده الاهم انك تبقى عاوزة تخسي عشان نفسك مش عشان حد طب ازاى هنعمل ده محتاجين نعمل نظام غذائى يكون مشبع وفى نفس الوقت قليل فى السعرات وتتبعى عاداتك الغذائية وتبداى تغيريها واحده واحده لان ببساطه لو باكل شيبسي وجبنه بشرب مشروبات بسكر وفى المقابل مش بتحرك كتير ده كفيل يعمل زيادة كبيرة فى الوزن فا محتاجين نعمل تتبع لعادتنا الغذائية نعرف محتاجين نخس قد ايه توزنى بشكل اسبوعى عشان تعرفى فيه تقدم ولا لا ده لسه بنزيد فا محتاجين نعدل حاجه فى النظام وهكذا

بصي بصراحة لو قولتلك حبي نفسك زي ما انت هبقى بضحك عليكي، مش قصة انك وحشة، لا. قصة انك مش متقبلة نفسك وصعب جدا تغيري تفكيرك، جربي تتمرني، جربي تمشي علي دايت منتظم، ممكن الاكل مرة واحدة بس غير منتظم برضه يكون سيئ بالذات لشخص حرقه ضعيف... يعني متيأسيش حاولي تتغيري لنفسك مش لكلام الناس، صحتك هتبقي افضل وده اهم حاجة، ثقتك بنفسك هتبقي احسن، والي بيعايرك دول مرضى نفسيين عندهم نقص سيبك منهم... اسف انك بتمري بالمواقف دي بس انتي قادرة تتخطيها.

طول ما جسمك مش بيأثر على صحتك سواء مرض مزمن او اي حاجة يبقى فعلا يولع كلام الناس الناس سواء حلوة أو وحشة هتتكلم طويلة ولا قصيرة هتتكلم "شوفتي البت جارتنا الزرافة دي مين هيبصلها شوفتي مديحة طخنت ازاي ...الخ" اتعودوا ينتقدوا عشان يقدروا يعيشوا ومايحسوش بنقصهم ف بيدوروا على النقص في غيرهم رغم انه مبسوط في حياته وراضي باللي هو فيه ف أولا البيئة مريضة والتفكير مريض ما تتأثريش بيهم واهتمي بنفسك من جوا وحبيها لو مش هتحبيها انتي محدش هيحبها ولو عايزة تخسي ومصرة ممكن تشوفي ع النت لحد ما ربنا يرزقك وتروحي لدكتور واعملي رياضة حتى في البيت ثانيا جزء الجواز والخطوبة دا اكبر دليل على أن التفكير محتاج يتظبط عمر ما كان الارتباط إنجاز ولو حد عمل حاجة زي كدا مش المفروض يتفاخر بيها ماهو ممكن يكون ابتلاء في الآخر وبشوف ناس كتير بتتجوز بس عشان الناس متقولش عليها عنست وبتفشل الجوازة بس بتكمل عشان العيال ليه بجد ...لو الشخص مناسب خير وبركة مش مناسب مع السلامة دا مش انجاز والله ومحدش هيشيل شيلتك

طب حاولي تعملي رياضة حتي في البيت بجانب موضوع الاكل ده انا بصراحة مش عارفة اقولك ايه بس انت قمر و ان شاء الله هتكوني قمرين و بعدين ما تزعليش من موضوع مدام ده انا لسة 20 سنة و بيتقولي كده 😂

اساسا حاجه حلوه انك تبقي سنجل ومستقله لوحدك ومش مهم فعلا كلام الناس بلاش توجعي راسك بالحجات دي

انا اتخنقت تعبت حتي اي عريس يجي خسي انتي طخينه انتي مش هتنفعي تبقي ام انتي انتي وكلام زاي السم 😭😭😭😭💔