الغريب.. إن كل ما بجري ورا أحلامي وطموحاتي باكتشف في الآخر إن أجمل حلم بجد هو البيت. مش بيت كبير ولا عربية ولا فلوس... كل ده مهم أكيد بس أجمل حلم إن ربنا يرزقني بزوجة صالحة لأن الدنيا كلها متاع وخير متاعها الزوجة الصالحة. جميلة تفرّح القلب والعين لكن الأجمل أخلاقها وروحها. تكون لي سكن بعد التعب وسند قبل أي حد وصاحبة عمري قبل ما تكون مراتي. أرجع من دوشة الدنيا ألاقي في كلامها راحتي وفي قربها سكينتي. أشاركها نجاحي قبل تعبي وأكون أول واحد يحتويها وتكون هي أول مكان أرتاح فيه. الرجولة مش قوة وبس... الرجولة كمان رحمة واحتواء وتحمل للمسؤولية. وإنك تحسن اختيار شريكة عمرك تصونك وتصونها وتبنوا مع بعض بيت يرضى عنه ربنا. اللهم ارزقنا أزواجًا وزوجاتٍ صالحين واجعل بيننا مودةً ورحمة واكتب لنا الخير حيث كان واجمعنا بمن يعيننا على طاعتك في الدنيا والآخرة. ﴿رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا﴾ 🤍