يا أهلاً بيكِ.. اللي حاساه ده فطرة طبيعية جداً، خصوصاً بعد تجربة انفصال أهلك اللي خلتك تدوري على الأمان. لكن لازم تعرفي إن البيت "المتبهدل" مش عيبك ولا هيمنع نصيبك، لأن اللي هيشتريكي بجد هيهتم بمعدنك انتِ مش بالحيطان. حاولي تستغلي سنك الصغير ده في إنك تطوري نفسك وتملي فراغك بنجاح شخصي يخليكي أقوى، وموضوع "المتطلبات العالية" ده مجرد خوف من تكرار الوجع، فاهدي على نفسك وبالتوازن والدعاء كل حاجة هتتحل في وقتها الصح.. انتِ غالية ومستقبلك لسه قدامك.

بجد بلاش الضغط النفسي يخليكي تتسرعي في اهم قرار في حياتك الاحتياج هيخليكي تختاري شخص غلط و هيكون تعلق مرضي لازم تكوني عايزة مش محتاجة استني شوية و طلعي الأفكار دي من دماغك لحد ما تكبري اكتر و تنضجي و تعرفي تختاري صح مع العلم انا بنت زيك و اهلي منفصلين و نفس سنك بس انا عايزة ابني نفسي الاول و اكون واعية اكتر لان اي كان احنا لسة صغيرين

جربي اشتغلي واملي وقتك كل حاجة ف عينك هتتغير

آه نفس معاناتي بجد .. كانك اتكلمتي عني بخلاف موضوع انفصال اهلي همه مش منفصلين بس احنا مش عايشين مع ابويا عموما وبحس بكده برضو اني في حاجه ناقصه جوايا واللي هو شعور الاحتواء الي بحتاجه بس مش موجود وبحسه برضو مش هيجي ودايما احاول اقنع نفسي ابطل استنى احتواء ابطل استنى حد يدخل حياتي وابطل وابطل مع اني مش بعرف بس حتى انا عايشه فتره وحشه جدا بسبب كده وبجد كارهه نفسي وحياتي بشكل ... لاني لا عارفه اتقبل نفسي ولا عارفه اغيرها عايشه في حيره

نعتقد اننا لو فعلنا كذا ستكون حياتنا افضل لكن.. هو وهم.. الحياه جمالها ف سيئها وحلوها

ربنا يرزقك بالحلال

بلاش احساسك بالفراغ ومشاعرك المحبوسه تخليكي ترمي نفسك في أي حاجة الإنتظار احسن من انك تنزلي محطه غلط، اشتغلي او نمي نفسك في اي حاجه اسحلي نفسك متفكريش في الكلام ده، قربي من ربنا صلي و صومي هيمنع كل ده بإذن الله

علي ايه بس اهم حاجة خلي دا دافع ليكِ ان شاء الله وان تكوني ف مستوي المعايير اللي انتي حاطاها لغيرك علشان تتحركي لقدام بس بدون ما تبخثي حق نفسك او تحسي انك قليلة