احتياج

انا بكره اللحظه اللى بكون محتاجه فيها لحد عشان أحساس الوحده اللى قاتلنى عارف ومتاكد أن الناس دى بطريقه ما هتاذيك أن حاولت بكل الطرق أنك تعافر عشان تبعد وتلاقى وسيله تانيه تملى بيها وحدتك هترجع لنفس النقطه انك محتاج ونس أو شخص معين واثق أنهم ممكن يخلوك تعمل وتحس بإحساس انت مش عايز تحسه بس برده هتفضل طالب انك تملى الاحساس ده الاحساس ده صعب اوى

الواحد حاسس أنه وحيد محتاج حد يشاركه تفاصيله و أحلامه .. محتاج حد يشاركه طريقه و مشاكله.. حدر رحيم كفاية قسوة الحياة علينا..حد بسيط و مش متكلف .. حد زيه محتاج الوطني و محتاج الي يساعده في طريقه .. حد يعرف يظهر نواقصه و ضعفه و احتياجاته .. حد عاقل ف وسط الجنون الي عايشين فيه

ده أول بوست هشاركه هنا، والسبب اني عايزة أكون فعلاً حرة، حرة أقول اللي انا عايزاه من غير نقد وحتى لو فيه نقد اقدر ارد عليه، جماعة بجد دي حاجة اي حد بيبقى محتاجها، قيود كتير حتى مخلياك مش قادر تنصح حد في حياتك الواقعية، كنصيحة، انت مش قادر تتكلم ولا ترد علشان ماتفسدش صورة الناس رسمتهالك في مخيلتك، ولا حتى قادر تعمل حاجات كتير هتبقى وش مامتك وباباك مش انت لوحدك اللي هتبقى متحمل مسئولية الفعل ده، احتياجي للحرية بيزيد يوم بعد يوم، طالما مابأذيش حد مايتاهلش الأذية ولا بكلمة ولا بفعل🎀

طلعت ما حبيتش اي حد كان مجرد وهم و فراغ و احتياج لاني احس ان في حد جنبي و بيحبني و بيهتم بيا حتي كان كلام الدكتور صح انا بحب حلاوة البدايات بحب الاهتمام بتاعها و وجود الشخص ده معايا و اهتمامه المبالغ فيه مش بستحمل لما العلاقة تبدأ تستقر و تبقي طبيعية

شكلي والطريقه اللي بتعامل معاها مع الناس حاجه والحياة اللي انا عايشاها حاجه تانيه حياة الفقر وحياة الاحتياج دي دايما حياتي الحقيقيه مش زي مابتعامل ومش زي مابلبس شعور ان مظهري عاطي انطباع تاني للناس عني شعور حلو بس عارفين اي بيعكنن كل ده؟؟؟؟ ان الناس اللي شيفاني مبهره يشوفو عيشتي الحقيقيه يشوفو حد من اهلي يشوفو انا باكل اي وبشرب اي محدش يحكم ويقول انتي بتستعري من عيتلك او من عيشتك محدش هيفهم الاحساس اللي بمر بيه غير اللي مجربه زهقت اشوف نفسي اقل من كل اللي حواليا زهقت وانا بحاول اخفي حياتي الحقيقيه عن الناس انا بجد بجد تعبت ولازم متكلمش قدامهم عشان هعمل اي يعني مهي دي عيشتي ومفيش حاجه هتتغير!!!