عائلة منفصلة

نفسي اتجوز اوي بقالي سنين مع العلم انا ١٩ سنه وابويا منفصل عن امي ودايما حسه بفراغ بحس مفيش حاجه ممكن تعوضه غير راجل ومش عايزه اي حاجة حرام بس الموضوع يكاد يكون مستحيل كل حاجه بايظه حواليا حتي البيت الانا عايشه فيه بتكسف منه من كتر ما هو متبهدل مفيش حد حواليا لو قريبي او الكلام دا مفيش اي اسباب دنياويه خالص مع ذلك بدعي بس حسه انو مفيش امل مش عارفه اتخطي ازاي ..او اعيش ازاي مع الاحتياج دا حسه مش قادره اتاقلم مع ذلك حسه لو حد اتقدملي مش هقبله عشان متطلباتي عاليه اوي و مش عارفه اقللها او اوازنها

موضوع بجد عايزة رأي حد بيفهم انا مضايقة جدا من ماما كان في حد دخل كلمني على موضوع خطوبة انا سمعته للآخر و حسيت انه مش مناسب ابدا و رفضت و الموضوع انتهى انا كدة كدة ما كنت ناوية اوافق بس فضولي هو اللي خلاني اسمعه و اعرف تفاصيل بس و خلاص و انا طبعا عشان مش برتاح و اسكت حكيت ليها عادي اتصدمت من رد فعلها قالت حتى لو كان مناسب انتي مش مسموح ليكي اصلا تتخطبي قبل ما تخلصي جامعة و انا في أولى جامعة اصلا الوقتي و انه كمان عشان الخطوبة ما تكون طويلة لان احنا مافيش في بيتنا راجل لان اهلي منفصلين انا زعلت من كلامها و مضايقة من تحكمها يعني انا الصراحة مش عايزة اتخطب فعلا الوقتي اصلا و ناوية أركز كدة كدة على الكلية حتى نفسيا مش جاهزة اصلا اكون في علاقة بس انا مضايقة أنها قررت كدة لوحدها بتقرر حياتي تمشي ازاي و انا كمان عندي افكار مقتنعة بيها زي ان الخطوبة مستحيل تكون اقل من سنتين هي بقى رافضة الكلام ده و حكمت انه لأ دي مدة كبيرة و مش هينفع حد يفضل داخل خارج علينا و انه خلاص هتجوزني على مزاجها بقى و انا بقولها انا عايزة حد انا اختاره و يكون على مزاجي تقولي انتي كمان عايزة تختاري مافيش الكلام ده انا غصب عني قولتلها انها اخر حد اصلا ممكن اخد منه نصايح عن العلاقات عموما انا قفلت الموضوع معاها عشان بس اريح دماغي لان كدة كدة الكلام مالوش لازمة الوقتي و اني عندي هدف تاني بس ما ده كدة هيعمل مشاكل تانية بعدين و كمان هي عندها افكار غريبة زي انه عادي الست تضرب و انه عادي الراجل يخون و كلام غريب اصلا و انا شايفة كل واحد حر في افكاره بس ليه تحددي حياتي افرضي طيب انا كنت عايزة اصلا اتخطب بجد ايه هتضربيني طيب افرضي انا حبيت حد فجأة و هو عايز نكون رسمي ايه التحكم ده حتى لما بقول كدة تقولي لأ افرضي انتي عايزة حد احنا مش موافقين عليه طيب مش هتوافقي ليه اظن اني مش هختار حاجة وحشة و عارفة ايه المناسب ليا لو حد كويس ليه هترفضي اصلا بجد اتخنقت مصممة تخليني احس ان مستحيل اعيش طبيعي عشان اهلي منفصلين