دا اختبار ربنا حطك فيه فا ديما صبري نفسك كل ما تضعفي افتكري كويس جدا انه اختبار و نتي قده ونص كمان وهتقدري تجيبي احساسك و رغبتك تحت رجلك كل دا عشان ربنا ولازم تكوني عارفه كويس جدا انه ليكي عوض ع كل لحظه كنتي لوحدك وفضلتي متماسكه عشان ربنا فا اكيد ربنا مش هيسيبك المهم تصبري نفسك و تغزي شطانك وربنا اعانك عليه وبداتي تقربي وتلتزمي اهو ما شاء الله فاضل بقي التكه دي اعتبريها الاختبار النهائي ربنا يحفظك ويثبتك

حاولي حبي نفسك آكتر الفترة دي واشتغلي علي هوايات بتحبيها واشغلي وقتك في حاجات تنفعك ، وصدقيني من راجل مفيش حد بيبقا محتاج حد سعات الفراغ بيخلينا نحس بكده ده غير إن الإنسان لما بيحب ويكتفي بي نفسه ،بيلاقي العلاقة إلي تناسبه والي بتجيلو عشان يبسطو بعض مش عشان احتياج فراغ ، وربنا معاكي ويقويكي🙏

مش هقولك نصيحة ولا هقولك كلام سلبي باختصار الي انتي فيه ده طبيعي وقمة الطبيعي كمان ربنا خلق سيدنا آدم ف الجنة و بغض النظر هي جنة الخلد ولا جنة جميلة مؤقتة ف هو استوحش وربنا خلقله حوآء منه ، ف ربنا خلق فينا الاحتياج للونس من نفسنا مش من كائنات تانية.. حل الموضوع هو تعويض الونس ده من اصحابك البنات و تحاولي تصلحي علاقتك باخواتك الولاد لحد ما تكبري كام سنة ويجيلك الشخص المناسب ان شاء الله، للأسف ٢٠ سنة دي قمة الأنوثة والذكورة لكن احنا ك مجتمع مش معترف بده وسايبين الدنيا لحد ما تبوظ

كلنا عندنا الفراغ العاطفي ومفيش حاجة هتملاه حتى قريك من ربنا لأن دا فطرة وسيدنا النبي عليه الصلاة. والسلام بيقول حبب إليا من دنياكم الطيب والنساء بس هو يتنظم ليه وقت وهيطلع هو فراغ حاليا بس يتملي بالحلال في وقت معين فاحنا مش هنردمه احنا هنقول لنفسنا هنصبر لحد ما ييجي ابن الحلال اللي يستحق يبقى في حياتنا

فاهمك دايمآ الشخص بيبقا زهقان عايز اهتمام يتكلم يفضفض + انك بتقولي والدك متوفي رحمه الله . فانتي كمان محتاجه سند شخص يقف جنبك في كل الأوقات فاهمك والله.

عايز اقولك أن دة بجد احسن وقت تعرفي تركزي فيه على نفسك و تطوير نفسك سواء بقى لغة، كورس للتخصص بتاعك، الخ. بجد الوقت الاحنا بنبقى فيه الوحدنا و مش حوالينا حد بيبقى اكثر وقت نطور فيه من نفسنا، اه الوحدة بتبقى صاعبة جدا و بيأدي حاجات مش احسن حاجة، بس استحملي و اشغلي نفسك باي حاجة، حتى لو حاجة ترفيهية، و صدقيني مع الوقت هتلاقي أن ديه افضل فترة في حياتك

أنا برضو نفس المشكله و يمكن اكتر حد حاسس بيكي دلوقتي بس انا ولد و سني 20 برضو بس يمكن ربنا شايل حاجه حلوه لينا اصبري صبر جميل 🤍

اصبري وادعي ربنا كتير يرزقك بالزوج الصالح ولا تجزعلي فقد قال الله لكل اجل كتاب يعني موعد مخصص لقدوم الاشياء واحنا كبشر بنظره قاصره بنبص من ناحيتنا احنا بس بس ربنا ليه توقيته المناسب الجميل 🤍

والله انا زيك الله يا بنتي بعاني من نفس المشكله

بصي الموضوع ده صعب فعلا وانا في سنك وحاسس بنفس الشعور... بس ف الاخر خايف اقع في حد مش كويس بسب اني استعجلت ودخلت علاقة حرام من بتاعة المراهقين دي، مفيش حل غير الصبر وان شاء الله ربنا يرزقك شخص ابن حلال طيب يستاهلك وتستاهليه انتي ماشاء الله بنت محترمة في زمن 99٪ من البنات اختاروا يكونو في طريق مش كويس بسبب الاحساس الحلو المؤقت، خليكي زي ما انتي، ابدا متفكريش ف انك تكلمي حد ومتفتكريش حياتك هتبقي احسن، ولله عن تجربة مش هتبقي احسن، اه في شعور خلو مؤقت بس كل حاجة ليها عواقبها

لو تعرفى يكون ليكى علاقات مع بنات ملتزمات متزوجات ممكن تتكلمي معاهم فى الموضوع دا وهما ممكن يدوروكلك على عريس عن طريق ازواجهم الرجالة ممكن يعرفو شباب ملتزمين بردة بيدور على عروسة، وبيكون فاهم دماغك اهم حاجة مش من باب الزواج بأسرع ما يمكن لمجرد الزواج وخلاص

الاحساس ده طبيعي جدا سؤا عند ولد او بنت بزات لو الواحد في عيله متشتته و ده بيبقا اختبار من ربنا و احنا علينا الصبر بس لو هنصحك بحاجه هتكون الصبر و انك تقربي من اهلك تحديدا اخواتك الوالاد هما هيملو عليكي الفراغ الي في حياتك

استحملى وانتى حاطه ف بالك انك كده كده هتتجوزى وهيبقي عندك زوج وذرية تملى عليكى البيت وافتكري ان مش كل حاجه نعوزها نطولها في ساعتها انتى قدامك عمر انتى لسه صغيرة وشدي حيلك والبقاء لله ربنا يرحم الوالد بس شدى ع نفسك وكل ماتفكري تروحى للكلام مع ولد قولى ملهاش لازمة كلها كام سنه واتجوز

قربي من ربنا اكتر هو هيملي اي فراغ و قربي كمان من اخواتك هما ضهرك و سندك وانتي لحمهم لو كارهينك حتي مش هيطيقوا حد يبصلك

قربي من ربنا أكتر ،ممكن تنزلي دروس دينية أو كتاب تشغلي وقتك

حاولي تلاقي حد من اهلك عاقل وتقدري تكلميه خصوصا لو فيه حد مناسب بيتقدم وانك تعرفيهم انك محتاجه دا وانك هتكملي دراستك عادي وربنا يوفقك

مش صغيرة خالص ،ممكن نبقي نشد بعض للاحسن

بصي انتي ممكن بشكل مؤقت تتعاملي بس اهم حاجة متدخليش الشهوة ما بينكم لكن كنصايح وكدا مشي دنيتك لحد ما تلاقي نفسك تقدري تتزوجي وساعتها اعملي دا فالحلال .. طبعا النصيحة دي مش دينية لان دا حرام طبعا واكيد عارفة دا