منذ 12 ساعاتيشعر بـ مكسور القلب
بجد مش فاهمة إزاي قدرت تمشي كده… من غير ولا كلمة، ولا حتى تبرير بسيط يهون عليا اللي أنا فيه. كل حاجة فجأة بقت فاضية من غيرك، حتى الأماكن اللي كانت عادية بقت تقيلة ومفيهاش روح. أنا مش زعلانة بس… أنا موجوعة. كل يوم بصحى على أمل إنك ترجع، أو حتى تسأل عليا، بس ولا كأن كان في حاجة بينا. إزاي قدرت تنسى بسهولة وأنا لسه عايشة على ذكرياتك؟ صوتك، ضحكتك، كلامك… كل حاجة فيك لسه جوايا. أنا مش عارفة أعيش من غيرك، ومش عارفة أرجع زي الأول. حاولت أقنع نفسي إن عادي، إنك مش نصيبي، بس قلبي رافض يصدق. أنا بس كنت عايزة منك كلمة… كلمة تودّعني بيها بدل ما تسيبني تايهة كده. وحشتني أوي… أكتر ما تتخيل.
انا مش عارفه قصتك ايه عشان انصحك بس كلامك لمسني من كام شهر كنت في حالتك دي كنت بعلاقه اوف واون وكان صديقي المفضل والمقرب اللي بستعين بيه في كل مشاكلي وحامل كل اسراري واللي ثقتي فيه بلا حدود واللي بتقولك الكلام ده مش صغيره يعني عشان تحكم ع الناس غلط ده عشره سنين بيننا مش بتكلم ع مشاعر ولا حب دي بتروح وتيجي بتكلم ع عشره وعيش وملح ومواقف واها كان فيه مشاعر كمان بس اللي بيوجع بعد الخذلان مش الحب لا اللي بيوجع اوي العشره وطريقة الانسحاب وبنتخذل وبنهون وبيعيشوا حياتهم بعدنا عادي علي فكره المشكله فينا احنا عشان مبنعرفش نتخطي وبنقف عند اشخاص معينه ونضيع عليهم وقت وحزن ووجع وصدمه هما اصلا مش شايفنها صدقيني اللي بيعمل كده بيعملها بدم بارد ومبيفرقش معاه حنضيع احنا كمان اللي باقي من طاقتنا عليهم المشكله في اني العقل بيتلاعب بيكي فتره عشان مبيقدرش يواجه الحقيقه بتكون مؤلمه انا عارفه انه اها تجاوز ونساكي ومفرقتيش معاه وتخطي كمان بس احنا بنحاول نبرر ونخلق سيناريوهات في دماغنا عشان بس منواجهش وجعنا ومبنقدرش ع التخطي ولو رجع صدقيني حيعملها فيكي تاني بأبشع الطرق نصيحتي واجهي نفسك وكوني صريحه معاها
بدك نصيحتي اهتمي بنفسك و بس رجع ولا عمره لا رجع حبي نفسك و شوفي نفسك و حتلاقي كل هاد حكي فاضي صدقيني
عندي احساس اني اعرفك .. بس ربنا يعون عليكي يارب و يريح قلبك
حوار صعب شكله