اللى انت بتقوله مش حاجة عبثية بدليل انك بتشاركنا اكتر حاجة الناس اللى حواليك ميعرفوهاش عنك اكتر حاجة انت خايف منها متكلمتش عنها إنت مش خايف من المستقبل انت خايف من نفسك فى المستقبل لو تسمحلى اعيد صياغة كام مصطلح إنت قلتهم (المستقبل مشرق، مخطط لكل حاجة، ربنا ياخدنى) المستقبل مشرق / أحلامك اللى نفسك توصلها مش دليل على إن المستقبل مشرق، إنت مش عارف ازاى هتحقق اللى فى بالك وسط الواقع اللى انت عايشه مخطط لكل حاجة / إنت شاطر اوى فى إنك ترسم ٩٩ سيناريو للى هيحصل من كتر تفكيرك وقلقك من اللى جاى ربنا ياخدنى / الكلمة دى هزار بس دى دليل على قلة الحيلة اللى عندك - جميل طيب اية اللى انت محتاج تفهمه ؟ اسف، التخطيط كله ملوش قيمة من غير مايكون عندك إيمان قوى بإن مستقبلك بإيد ربنا مش بإيدك من كتر ما الانسان بيسرح ويتوه فى دماغه بينسى إن فيه حاجة أكبر من ده كله… ومستحيل تفكيرك يجيب نتيجة قصاد أمر ربنا (كُن فيكون) إحلم براحتك، وخطط عالآخر، بس متنساش إن المُدبر هو الله 🌎

على موصلت للاخر نسبت اول🙂😂

هو بيتهيألي الفكرة ان انت بتحاول بس تبعد عن الضغوطات، اللي هو لأ كفاية مش قادر اكمل فاهم؟ ومعتقدش انها حاجة عبثية، الفكرة بس ان انت واحدة واحدة لما تبعد عن الضغوطات هتلاقيك مكمل ومبسوط وعادي ومتقبل. هي البوينت بس ان بتبقى طاقتك خلصانة ف حتى الفرحة انت مش قادر عليها، اللي هو لأ كفاية. فاا انت محتاج تعمل recharge، وف نفس الوقت تشوف ايه اللي بيضايقك بشكل عام وتقلله، واللي بتحبه تزوده، وهكذا لحد ما تحس نفسك مش مضغوط وعندك قدرة انك تفرح بفكرة زي دي، كده انت وصلت للمرحلة العادية، ولو استمريت عليها ف انسى بقى حوار الثيرابيست وكده. المهم بس تلاقي الطريق ليها (سايبالك ٩٠ ف المية من النصيحة اصلا تفكر فيه انت 🤡).

انا مفهمتش ايه اسباب احباطك بالضبط؟ هل في ظروف اكبر بتخليك تتمنى الموت؟ في شيء انت مش شايفه؟ في ازمات او ضغوط مأثرة على تفكيرك؟؟