منذ 20 أياميشعر بـ غبي
عندي مشكلة مع الانجليزي والله بجد حاولت كتير اتعلمه و مش عارفه يعني جربت اخد كورس برايڤت برضو منفعش جربت اتعلم لوحدي من علي اليوتيوب و شويه برامج كدا و برضو لا مش عارفه اعمل ايه تاني صلو علي النبي 🤍 يا جماعه انا خليت البوست برايڤت و معرفش ايه اللي حصل المهم انا بجد تبعت من الاب دا اقسم بالله
احفظي كلمات كويس وشوفي النطق الصح ده ك لغه يعني ك منهج بردو اعملي كدا وذاكري الجرامر كويس ولو مش بتعرفي تحلي شوفي الحل يوتيوب شوفي المستر بيحل ازاي
لو انتي من الناس الي بتتكلم مع نفسها كتير او مثلا لما بتجيكي تلبسي او تروحي تعملي اكل او كده بتتكلمي مع نفسك وبتتخيلي انك بتعملي فيد والهبل ده جربي اعملي الهبل بالانجلش هتبقى صعبة في الاول بس حاولي وكل ما تقف معاكي جملة عايزة تقوليها بس مش عارفة تقوليها بالانجلش ازاي روحي شات جي بي تي واسأليه عن معناها وبعدها ارجعي استخدميها وقوليها زي ما كنتي عايزه ولما تتعملي حاجه اهم حاجه تفضلي تقوليها عشان متنسيهاش
اكتر حاجه بجد هتساعدك تتعلمي انجليزي كويس او عالاقل تتكلميه انك تسمعيه و تتكلميه حتي لو مش قد كده بس المهم تتكلمي شوفي انتي بتحبي تعملي ايه مثلا قراءه هاتي كتب اقرايها والكلمه اللي تقف معاكي ترجميها و استخدميها فجمله عندك فالنوت و مش هتنسيها تاني ولو بتحبي الاغاني اسمعي بعيد عن رمضان او حتي من غير موسيقي اي حاجه و حاولي تركزي فالكلمات وكده و كذلك الافلام و الاهم من ده كلو انك تتكلمي مع حد شواء شات او فويس اللي يريحك بس ضروري تعرفي الاتنين انا اللي علمني انجليزي بصراحه كان الميمز علي الانستا او تيك وكده و الكلام مع الناس فالتعليقات وغيره و هيفيدك فالدراسه لو لسه بتدرسي لان لما تسمعي الكلام هتحسي الجمل بقت متسستمه فدماغك ومعاها القواعد هتطلع بنفس الطريقه ف مش هتعاني فيها كتير
اللغه محتاجه ممارسه و دائما تتكلمي وحاولي تشغلي اي فيديو يكون انجليزي بس مترجم انجليزي بردو و اقري الكلام و اسمعي النطق . انا سافرت دبي وكندا كان انجليزي بتاعي انجليزي مصري في خلال شهرين كنت بتكلم فل
اسمعي بودكاست مستوى A1 من اليوتيوب تعلم أي لغة في الأصل بيبدأ من السماع الكتير اسمعي كتير جدا أي لغة ليها أربع جوانب السماع القراءة دول مدخلات التعلم الكتابة والتحدث دول مخرجات التعلم لازم تشتغلي على الأربع جوانب
(عسى أن تكرهوا شيئًا وهو خيرًا لكم) جايز يكون حد بيشتكى من نفس معاناتك مع الإنجليزى ولما يفتح الكومنتات هنا يلاقى حل لمشكلته فيستفاد وانتى تستفادى تعلّم اى لغة جديدة بيحتاج ممارسة اكتر من الدراسة، فـ تقدرى تقوليلى اشتغلتى على نفسك فى الـpractice ازاى ؟