أنا عندي مشكلة بجد ومش عارف أتعامل معاها. أنا بقيت مدمن إحساس إني أبقى مستمتع ومبسوط طول الوقت، وده خلاني ألجأ لحاجات غلط زي الحشيش وغيره، عشان بس أحس بإحساس مختلف أو أقوى. المشكلة إن الحاجات الطبيعية اللي المفروض تبسط أي إنسان، زي إني آكل أكلة بحبها أو أقعد في مكان بحبه، بقت بالنسبالي مملة جدًا ومش بحس منها بأي متعة. أنا كمان عندي ADHD، وده مخليني مش بعرف أركز في حاجة لفترة طويلة، ولا حتى أقدر أقعد من غير ما أعمل حاجة. بحب الهزار والجو ده، بس الموضوع كبر مني وبقى فيه خلل واضح في حياتي. بقيت حاسس إني مش طبيعي، وبعمل حاجات كتير غلط، وضميري طول الوقت بيأنبني ومش مخليني أعرف أنام كويس، وده أحيانًا بيخليني أهرب أكتر وأشرب. الموضوع كبير ومش سهل، وأنا مش عارف أتصرف إزاي. لو عندك حل أو طريقة تساعدني أخرج من اللي أنا فيه أتمنى تقولّي، ولو معندكش، ادعيلي بس.