تركيز

بقيت حاسه بالبلاهة اوي و حاسه ان اهتماماتي اتغيرت و بقيت انجرف للتفاهات اكتر و انشغل بتفاصيل ملهاش لازمه ازاي اطلع نفسي من الوضع ده و ابدأ ارجع اعتمد على نفسي و أستخدم دماغي. وهل ممكن ده يكون ليه علاقة باستخدام السوشيال ميديا حوالي ٤ او ٥ ساعات فاليوم؟

عندي مذاكره كتير اوي و فصول تتراكم عليا و الدكاتره طبعا مش موقفين شرح و المشكله ان امتحان الميد قرب و انا تايهه و مش عارفه ابدأ منين ولا ازاي واقفه كدا ف النص و الوقت بيعدي مش فاهمه مالي كدا عملت كل حاجة تجددلي الشغف بس برضو مش عارفه اركز ولا عارفه اذاكر و فعلا عاوزه حل

سلام عليكم، اخوتي جيت اليوم احكي عن مشكلتي بالدراسة كنت تلميذ مجتهد وكل علاماتي جيدة حتى العام الماضي صرت اتعب كثير من الدراسة وما استطيع ادرس ولا اركز دائما مشتت وما عندي هدف رغم انها اهم مرحلة في مسيرتي الدراسية الا انو ما عرفت المشكلة وماني احاول حتى حد يساعدني؟

الحمدالله الواحد بقي واخد تصنيف عالمي ف تعفن الدماغ وبقي بينافس علي اقل مده تركيز عالميا وانه يعمل اي حاجه غير الوراه زي البوست ده كده ف لو اي حد عايز نصايح ازاي يظبط تركيزه زي كده انا ف الخدمه طبعا هروق عليكم

انا بحب حد فشخ ولظروف ما مبقناش نتكلم كتير وكونى over thinker الموضوع مسببلى ضغط كبير ومبقتش مركز فحاجه وبقيت اعمل كل حاجه بكفائه أقل مشاكل حياتى اكبر من سنها بكتير أنا فاهم دا اعمل اى انا 21 وهيا 17 لو الموضوع يفرق يعنى

اليومين دول الواحد حاسس انه محتاج حد يشاركه كل حاجه يحكيله اي اللي مضايقه يرجع ف اخر اليوم يحكي اي اللي حصل ف يومه يعني شخص يكون ونس ليك ويطمن عليك وكدا وطبعا مفيش الشخص دا ف حياتي حاسه الموضوع مأثر عليا أوي ومخليني حاسه اني مش مبسوطه وكدا مش عارفه اتعامل ازاي الموضوع شاغل تفكيري ومش عارفه اركز ف أي حاجه وعندي امتحانات بس تركيز صفر انصحوني اعمل اي

محتاجة اي وسيلة تشجعني ادرس لو عنكن لا تقصروا لو سمحتوا انا حاليا عم ادرس اونلاين هلق بعطلة عيد المسحيين عل الاسبوع والأسبوع الجاي وبعدين برجع دوام حضروي خميس جمعة وسبت باقي ٩٠ يوم على القد مشتتة مراكمة شوي رسبت بأمتحان نص السنة ما عندي حدا يشجعني عم حاول كتير ما عم اقدر التزم

ازيكم عاملين ايه انا حاسة ان المفروض الصح الكتمان بس انا فعلا مش بعرف و بحب احكي كتير فكنت حابة احكيلكم علي كذا حاجة اولا حابة اشكركم كلكم بجد و اي حد ساعدني و اتكلم معايا امبارح بجد فرق معايا جدا وانا الحمد لله امبارح لما رحعت من الامتحان قولت اعمل رياضة و اسمع قرآن و لغيت اوردر الفيب الحمد لله و كان في موقف حصل كان ممكن يخليني اضعف و اعمل حاحة غلط لكن الحمد لله عملت بلوك و كل شةية يطلعلي اعلانات فيب بجد 😂😂🤦‍♀️ حاسة اني مش بفكر كتير اوي زي قبل كده (عارفة التفكير هيرجع تاني ده يعتبراول يوم) لكن بردو لسة مشكلة الموبايل قاعدة بردو ماسكة الموبايل امبارح طول اليوم و صاحية من الساعة 7 ماسكة الموبايل و كل ده قاعدة بأجل المذاكرة و انا الامتحان عندي كمان ثلاث ساعات منهم ساعة علي ما اجهز و الطريق و كده و قدامي ساعتين او اقل كمان و يدوبك قرأت ملخص لأول محاضرتين من ال 6 و المادة ديه اصلا بجد كلها رغي و حاجة بجد رخمة اوي مش عارفة اعمل ايه انا عارفة ايه حلي بس مش قادره اعمله و اهلي مش بيشجعوني عليه انا مش بعرف اركز في البيت لاني بفضل نايمة علي السريرو لو ذاكرت علي السرير بردو فببقي مهمة او بنام او بلعب في الموبايل او بفكر في الاكل و اقوم ارزح كل شوية المطبخ لكن الحل اللي بيفرق معايا انزل اقعد في كافيه او working space بحيث يكون هادي و اقدر اركز و اذاكر من زمان كنت بروح تقريبا بذاكر طول الوقت ماعدا شوية صغيرين بريك مؤخرا ممكن اضيع وقت حتي لما اروح بس علي الاقل بحط تارجت و اخله حتي لو صغير و بردو ممكن بذاكر علي الاقل نصف الوقت لكن في البيت بجد لو ذاكرت نص ساعة ولا حاجة ده انجاز و اهلي يقعدوا يقولولي مثلا البيت فاضي او ايه مشكلتك فيه و اقعدي عادي و كل الكلام ده لكن بجد مش بعرف و بتشتت جدا و هما شايفين ان مش علي طول اروح اذاكر برا البيت انا هقرأ كل اللي هتقولوه بس الاكونت لسة restricted فمش هعرف ارد عليكم و ما تنسوش تدعولي بقي شكرا ليكم 🖤

انا ثانويه عامه وفي اول السنه كنت بذاكر كويس وانا طول عمري شاطره بس اخر تلت شهور انا فعلا بقيت حد تاني بسبب كل المشاكل اللى انا فيها ومبقتش اذاكر ولا بقيت مركزه في اي حاجه غصب عني وناقص شهرين حرام بعد سنين بذاكر اجي في اهم سنه احس اني بضيع مش عارفه ابدا تاني منين ولا اعمل ايه (لحد النهارده المشاكل عندي بتزيد وتعبي بيزيد ومش قادره اتخطى حاجه ف عشان كده كل ده بيأثر عليا)

مفروض اذاكر كيمياء قولت اخد بريك ودخلت في النص ساعة وبجد يعني مش عاوزه حاجة من الحياة غير اوضة كلها كتب اي ما كانت انواعها شعر سياسة تاريخ علم نفس اي حاجة واقعد اقراءة هو ليه فكرة اني امسك كتاب وأقرأ حاجة برا المنهج بقيت صعبة كده ياجدعان انا مش عارفة ادخل رواية البيت بيتعملي كمين ولا كان معايا حرز

أعمل إيه لما أحس اني محتاج ونس محتاج حضن دافي محتاج مساحة أمان مساخة صدق مساحة قرب واهتمام وشعور عاطفي.. لما الإحساس دا دايما يسيطر عليا بشكل يخليني معرفش أركز في أي حاجة في حياتي لأن شعور الاحتياج مسيطر عليا وقافل عليا مساحات التركيز في أي حاجة تانية

ليه بحس اني مش قادره اذاكر مع اني بكون عايزه ادي للكليه دي حقها لانها فعلا كليه احلامي بس بقيت بحس اني مش قادره اذاكر أو أن فيه حاجه منعاني من أني اذاكر عايزه علطول افضل نايمه و ماسكه التليفون ف ياريت لو حد جرب حاجه و نفعت معاه يقولي للعلم انا بدرس طب بشري

عندي امتحان بكرة كالعادة الميدترم دايس علينا المفروض المادة ديه محاضراتها فيها رغي كتيييير جدا و انا مش بعرف احفظ و لسة في اول محاضرة المفروض الامتحان داخل فيه 6 محاضرات وبجد كل شوية امسك الموبايل و مش قادره اذاكر خالص ادعولي بجد يا جماعة

يمكن دي لاول مرة هتكلم عن مشكلتي بجد وهي ان انا ديما بحارب لوحدي في اي حاجة مفيش حد بيقف جمبي او يساعدني او حتي يشجعني بكلمة حلوة وتديني امل جربت اكتر من مرة ان ادور علي صحاب جديدة تكون نفس الدماغ وتفهمني لكن كل مرة بتبقي نفس النتيجة وهي ان بنيجي عند نقطة معينة وبنختلف لاني ببقي مستني كتير منهم ولكن برجع بخيبة امل حتي الحب فشلت فيه مفتكرش في مرة ان في واحدة اتعلقت بيا ولما جيت اخطب خطبت واحدة مكنتش شبهي واضطريت اسيبها الاهل مبيسندوش وانا اترميت في وش المدفع لوحدي ديما قلبي مكسور وخايف وقلقان وبحس ان الوقت بيجري وعمري بيضيع في خيبة الامل والزعل وكل ده بيأثر علي تركيزي واني عايز انجح وابقي متقدم ديما

كلها شهر ونص وادخل تالته ثانوي انصحوني من خلال تجربتكم انا مضطربه جدا من اول دخولي للثانوي اكلي م متظبط ولا نومي ولا دراستي كل حاجة فيا حساها غريبه انا مكنتش كده انا كنت زمان بحب اقرأ و اشارك ب رأي لكن دلوقتي انا مبقتش حابه اكون مع حد ولا اجادل حتي م عارفه اتكلم زي زمان انا مؤمنه اني هقدر اوصل ل حلمي بس جوايا صراع داخلي جزء بيحبطني وجزء بيشجعني انا م عارفه ولا اهتم بصحتي ولا بمذاكرتي مبقتش احب اذاكر ووقتي كله ي عل الميديا ي نايمه ي باكل وبتفرج عل مسلسلات وافلام بجد حاسه ان حياتي مقرفه وملهاش معني

احس حاليا ان كل العقد التي كانت في طفولتي، كل موقف سيء، كل الم عشته تراكمت، ف اصبحت حساسة جدا و لم اعد اعرف كيف اتعامل مع الناس او مع نفسي و ف نفس الوقت الوحدة من اكبر من مخاوفي، احس انني اريد الهربمن نفسي و من محيطي كله ولكن لا ملجأ لي ف اصبح الهرب الى scrolling و العاب اونلاين و لم اعد اعرف كيف ادرس او اركز ف اي شيء ف حياتي ليس مصدرا سريعا لدوبامين و حياتي تضيع امام عيني هل من احد يعيش هذا الوضع غيري

انا بقيت بفصل من الي حواليا من كتر التفكير ، كذا مره يحصلي الموقف ده واني افوت جزء كبير من كلام حد او كلام مدرس مثلا او حتي موقف بيحصل قدامي بسبب اني بتسحل بجد ف افكاري ودماغي ومبكونش سامعه الي حواليا بيقولو ايه. مبقتش فاهمه ده عدم تركيز ولا انا اتجننت.

جماعه انا 14 و هو 16 و معرفش هو بيحبني ولا لا و عارفه أن الموضوع ده غلط و اني اركز في مذكرتي احسن بس اي بنت في سني بتكون عايزه تجرب لو مره حتي ف عايزه حلول اعرف بيحبني ولا لا و لأننا مش بنتكلم احنا اتكلمنا فتره قصيره بس احنا اتكلمنا هو من اكونتو و انا مش اكونت فيك و مكنش يعرف أن مين لأن مينفعش يعرف انا مين لأن هو عارف ابن خالتي

معنديش اي طاقه اذاكر انا انهارده جيت اذاكر معرفتش اخلص حتي حاجه واحده بعدها قعدت اضيع في وقت مش عارفه دا استهتار ولا اي حتي مش عارفه مالي بحس بخاف اقرب من الكتب من كتر المذاكره اللي راكمتها وعندي بعد بكرا امتحان علي ماده مفتحتهاش

انا عندي 19 سنه بس في تلته ثانوي هتقول ازاي هقولك انا مأجل سنه يعني السنه الاولة دخلت امنحان الانجليزي والعربية والسنه دي هدخل رياضة وفيزياء وكيمياء والمفرود ان انا بعد عن كل حاجة وحشه انا كنت بعملها والناس الكنت بتورط معاهم في مشاكل وحاجات من دي واحنا فاضل ٣ شهور علي الامتحان وحاليا دماغي مشتت جدا باللاب توب عايز اجيب واحد جديد وانا لما احب اجيب حاجة دماغي مش بيطلعها من دماغي لدرجة ان انا حاليا بحلم ان معايا لاب جديد بس لما اصحي انصدم وانا مش عارف اطلع الموضوع دا من دماغي غير لما اجيب اللاب عشان اللاب دا هيساعدني بشكل كبير في البرمجة والهاك والاستريم عشان عايز اكون استريمر هتقولوا ركز في الدراسة الاول حولت بس مش عارف انا بجد موهوم اوي ودماغي مركز عليه هو لوحده

إيه أكتر حاجة حاسين إنها مأثرة على نفسيتكم أو تركيزكم الفترة دي؟ السوشيال ميديا؟ ،الضغط والتوتر؟ ، الاعتماد على الـ AI؟ ولا في حاجة تانية؟ كمان لو تقدروا تقولوا إيه المشاكل اللي بتواجهكم بسبب ده؟ (قلة تركيز – أرق – قلق – تضييع وقت -حاجه تانيه) بكتب انفجراف توعوي عن تأثير المشاكل دي علي المخ وحابه اسمع تجاربكم بليز❤️🙏

انا السنة دى ساكنة مع واحدة صحبتى، ف فى الترم الاول الوضع كان عادى اينعم فيه تصرفات تضايق بس عادى مش مشكلة والترم عدى الحمدلله. وانا بقت فيا حاجة طول ما انا مضغوطة وعندى مذاكرة ومحتاجة اخلص وما اضيعش وقت كتير ف تعاملى بيبقى على قد الكلمة بس علشان معروفة اننا لما بنفتح فى الكلام بيعدى ساعات مش دقايق، ف المهم انا كنت ماشية كدة الترم اللى فات وما زلت يعنى خصوصا اننا فى كلية عملية وضغط وحاجة الله المستعان، دلوقتى بقى بقيت احس انى كل ما باجى السكن بحس بضيق شديد ومش بعرف اذاكر رغم انو دا مكان المذاكرة، وبقيت كمان مرتاحة اكتر وانا لوحدى وبعرف اذاكر وامشى الدنيا على عكس ما يكون معايا حد، وانا واخدة عليها عادى، ف مش عارفة اعمل ايه، بحاول اقنع نفسى انو عادى وانا بس بيتهيألى ولكن مافيش فايدة 🙂

يا جدعااان انا زهقت من الفزيا بس عندى شامل بكره ف بالله ادعولى ولو حد عندو نصيحه ليها اكون شاكر جدا ليه هى و الكميا والله و عندى مشكله تانيه ان اعلى شامل كنت جايب فى ٤٠ من ٥٠ ف الفزيا و كنت حاسس انى ذاكرت اوى و متوفقتش الحمد لله بس المشكله لاقيت اخطاء انا حليتها غلط نتيجه للتسرع و كنت عادى جدا اجيب فوق ال ٤٦ من ٥٠ فا لو حد معاه ملخصات فزيا ٣ث اكون شاكر خصوصا كهربيه ولو حد عندو حل لموضوع عدم التركيز ده يبقا ياريت

ليه لما نخش علاقة او نتعلم حاجة جديدة بنمل بسرعة ونزهق ؟ انا بشوف إن فيه علاقة بين الزهق والإتصال "Connection” فى زمن التكنولوجيا وعصر الـAi وإدمان الReels مبقيناش نكمل الحاجة للاخر (دايمًا بنميل اننا نتحرك من مكان لمكان/ من علاقة لعلاقة/ من تطبيق للتانى بدون تفكير او وعى) حتى لو اتفرجنا على فيلم بنزهق فى نصه ولو قرينا كتاب او رواية مش بنقدر نوصل لآخر صفحة.. ولو اتعلمنا مهارة جديدة فى سوق العمل قليل اوى لما تلاقى نفسك منغمس فيها "مبقيناش نهتم بالمشاعر" حد عنده رأى/وجهة نظر ؟

ازاي اقعد علي المذاكره اكبر وقت ممكن ، عندي امتحانات و مش عايزه اذاكر كأني اللي هحط الامتحان المشكله بستخدم الفون لأن بسمع ريكورد المحاضره لاني مبعرفش اكتب ورا الدكاتره يعني يا اسمع واركز يا اكتب و الفحالتين لازم اروح البيت اسمع الريك تاني لاني بنسي الطريقه اللي اتقالت بيها المعلومه و الفهم نفسه ، بس حاليا المشكله الأكبر اني مش بقعد علي المذاكره وقت طويل والمقصود بالوقت الطويل ده مثلا اربع ساعات او تلاته من غير موبايل و اكمل تاني مش عارفه اعمل كده

انا تالته ثانوى وبجد مش عارفه اذاكر خااالص قدامى بس ٣ شهور وانا مش عارفه المنهج كله بيقول ايه انا ادبى بس اصعب حاجه قدامى حاليا الانجليزى والعربي وحرفيا لا اعلم فيهم شيئ ومش قادره ابدأ خالص كل م اقول هبدأ انام اقعد ع الفون المهم انشغل ومذاكرش وحاسه انى بضيع خالص ومش عارفه ابدأ عربي ولا انجليزى منين حد عنده حل؟

أعاني من شيء أيضا أثر على دراستي كثيرا وهو كثرة النزوح الى النوم كثيرا ما انعس وعندما انام لا استيقظ الا بصعوبة وكلما جلست للدراسة يبدا عقلي بخق الاعذار والنعاس يغلبني واذهب للنوم فلا استطيع السهر للدراسة ولا استطيع الاستيقاظ باكرا انام اكثر من 10 ساعات بلا فائدة ما العمل؟

انا ف تالته ث وبحب واحد قدى وجه ف العيد وبعد تماما دون كلام وانا تعبت جدا خلت اعترفتله انى تعبت من بعده تالت يوم العيد وكنت ملهوفه عليه اوى ومن يوم العيد الفجر وهو مهمشنى ولما قولتله قالى عشان نتعود على عدم الكلام عشان المذاكره طبعا زعلت عشان انا كان نفسي يبقى معايا ف العيد بجد وبعد العيد بكل احترام هنبعد بس اللى عمله خلانى من يوم العيد قافله على نفسي الاوضه وخسيت وبهتت ومش عارفه اذاكر ولا اركز بعتله وقولتله انا مش هينفع ابقى مش عارفه انا قريبه ولا بعيده تعالى نبعد ولو فيه نصيب انا هستناك قالى ماشي وبيباى وبعدين قالى ابعتيلى ريكورد بتضحك فيه عشان اسيبك وانا متطمن انك مش زعلانه انا كنت ساعتها منهاره م العياط عيطت ف الريكورد وبهدلت الدنيا حرفيا قالى انا مش هسيبك غير ف شهر ٤ عشان بابا هيسحب منى الفون هو فاضل ٥ ايام اهو انا مش عارفه اذاكر ولا اركز عشان بحبه بجد وهو عايش حياته وبيبعتلى صباح الخير وكلام ع القد وانا بصراحه بصده شويه لانى مش قادره اتكلم زى الاول ويقول بيباى هروح اذاكر ويرجعلى بعدها معلش هاتيلى النماذج الاسترشادية ابعتهاله وميردش بعد كده هو بيقولى هجيلك بعد ٣ شهور لما نخلص بس انا متعلقه بيه ومتاثره بسبب كلامه وبيقولى أنه ف العيد مكلمنيش عشان مشغول هو حد بيشتغل ف العيد ال ٣ ايام طب كده بقا ف الايام العاديه مليش لازمه فعلا 🙂 اعمل ايه ي شباب انصحونى

أنا بقيت بفكر فى الانت.حار بسبب أننا فقراء و أبى ممكن يمشوه من الشغل و غير ظروف العالم اللى تقلق والغلاء وكمان انا دراستى صعبة جدا وده بيحتاج تركيز وانا ساكن فى منطقة شعبية ودوشة جدا غير مشاكل مع أسرتى بسبب أنهم مش قادرين يوفروا لى مكان هادئ اذاكر فيه وانا عندى مشكلة وهى ان انا حساس لأبسط الاصوات وده تاعبنى وانا حاسس بالتعب طول الوقت ومُخى مبيوقفش تفكير لو حد عندة حل ياريت يفيدنى بيه

ازاي اقدر اركز ع نفسي و مستقبلي و انا عايشه في بيت توكسيك و أغلب الوقت متوتره و ضربات قلبي سريعه و مش عارفه اركز ع نفسي ساعات بفكر في ان الحل اني اتعلم طُرق اتعامل بيها معاهم بس لما بحاول اعمل كده بلاقي اني كده واهبه حياتي ليهم بدل ما اركز ع نفسي و كمان بيدخلني في صراعات بتأذيني و بتسرق عمري و بتضيع وقت المُذاكره ملحوظه / مينفعش اسيب البيت لأني مش بشتغل و ثانويه عامه و معنديش قرايب اقعد معاهم بفكر اقدم بلاغ اني بتعرض ل اذى نفسي أُسري بس خايفه من اللي هيحصلي لما يعرفو اني عملت كده و كمان لو محصلش اجراء قانوني حياتي هتبقى اصعب بعد ما ابلغ عنهم ياريت لو حد عنده حل يقول لي او حتى حل مؤقت لحد ما اخلص امتحاناتي

أنا كنت بحب انسانه محترمه بجد كانت علاقتنا مع بعض عباره عن شغل ريموتلي مده علاقتنا سنه اتعرفت عليها ف شغل وف وسط الشغل بقينا اقرب اتنين ودخل بينا شغل وكانت دايما هيا الي بتجبني فيه مش انا لكن دلوقتي من شهر اتخطبت وانا مش عارف أتجاوز أنها خلاص كدا ومش قادر ازعل منها لانها عمرها ملمحت أنها ف مشاعر بيني وبينها أنا بجد تعبان جدا مش عارف اركز ف شغل ولا حياتي محتاج حل

انطفاء وبقيت مش عارف اتبسط حتى من الحاجات الي كانت بتبسطني زمان انا عندي adhd وده بيخليني افقد تركيزي واسرح كتير اوي مبقتش قادر اشرح لكل الي حوليا لو حد عندو فكره اتعامل مع الموضوع ازاي يقولي

هو ليه الواحد مش بيسيطر على تفكيره غير الزواج والعلاقات والحب والعواطف والمشاعر؛ ليه حاسس إني نفسي أتجوز تاني؟ حقيقي كل تفكيري في الاتحاه دا والحوار دا مأثر على حياتي وبيتي وشغلي وتركيزي وكل حاجة حرفيا لدرجة إني نفسي أحقق دا عشان أرتاح وأستقر بقى عشان تعبت والله جدا

انسي الذكريات و الحاجات الحلوه اللي كانت بينا ازاي رغم اني مسحت كل حاجه و بقيت مشغله كفايه جدا ومفيش وقت حته افكر في بس المشكلة اني بفكر في وانا مشغله و مؤثر علي حياتي بشكل مقرف ولا بقيت مش مراكز في اي حاجه خالص ولا مذاكره و شغل و بقيت تايه اوي

السلام عليكم. انا قبل م اخلص ثانوية عامة كنت انسانة متفوقة جدا وكنت شاطرة جدا لما دخلت ٣ ث حصلي ظروفه صعبة فيها ومريت بمرحلة اكتئاب صعبة دمرتني ،من بعد المرحلة دي انا مبقتش عارفه اعمل اي حاجه ف حياتي كل حاجه بقت صعبة وتقيلة عليا انا بق عندي مشكلة ف حتة المزاكرة مبقتش بعرف ازاكر ولا اركز ابدا بقالي ٣سنين ف ١ كلية لا عارفه اركز ف مزاكرة ولا حتى ف امتحان اعمل اي عشن ارجع تاني اعرف ازاكر زي الاول بجد الموضوع بق صعب بالنسبالي نفسي بس اعدي سنه اولى مش عارف وافضل زعلان ع نفسي وع ال حصلي وال اتحولتله فيدوني ي جماعه بالله عليكوا ازاي ارجع ازاكر زي الاول واتفوق تاني

السلام عليكم انا اول مره ليا اكتب حاجه هنا بس حسيت اني في مشكله كبيره و انا مش مستوعبه كاني في غيبوبه انا طالبه ٣ث و في أهم سنه ليه طبعا لأنها الي هدخلني الكليه الي انا عيزاها . بس المشكله في أن انا مش عارفه اركز فقد الشغف و في قلق و خوف و اضطراب نفسي لدرجه وصل بيا الحال أن يجيلي نوبات هلع بالرغم اني بصلي و مقربه من ربنا الحمدالله ... كنت عايزه حل لو حد يعرف .. يبقا ربنا يباركلك بجد .. ( انا خايفه أن ملقيش حد ذي أو الاقي علي الاقل حل )

جماعة انا كليتي بعيدة عني ساعة مواصلات هي في نفس المحافظة يعني بس انا مش عارفة اذاكر في البيت لأسباب كتير الدنيا دوشة عندي اطفال و بيتنا على الشارع وفي مشاكل في البيت و ده مأثر على نفسيتي اصلا وهكذا بعرف اذاكر بليل بس وكدا هقلب يومي مش هينفع و كمان بكسل اذاكر لوحدي حاسة لو معايا تيم مثلا هعرف اذاكر بحب جوهم يعني والسنتين الجايين سنين تخصص مش تقال اوي بس مهمين ومش هينفع الحال ده و كليتي عملية ف بفكر اخد سكن تبع الجامعة بحيث اكون وسط ناس زيي ف هضطر اذاكر زيهم و مش هتبهدل في المواصلات كل يوم و هعتمد على نفسي عايزة أشيل مسؤولية واجرب حاجة جديدة اصلا ف انتو شايفين اي لأني بعد ماكنت متحمسة بقيت خايفة

انا مخنوقة بسبب ان فاشله ف الشغل دايما مش مركزه وصاحب الشغل بيدايق مني بسبب عدم تركيزي مش عارفه اعمل ايه نفسي اعتمد ع نفسي ف الشغل بس انا مش بعرف اتصرف

تقريبا نمت اليوم كله و مزاجي رايق عشان كده حاليا بقا ورايا to do list بنت لذينة انا جيت ابدا فعلا مش مركزة تركيزي صفر لو حد عنده اقتراح لحاجة سريعة اعملها عشان ابقا في المود

السلام عليكم ورحمة الله وبركاته عاملين ايه بتعملوا ايه لو بتسرحوا كتير يعني مثلا تبقوا ف درس ف محاضره تلاقي نفسك سرحت وسقطت اجزاء كتير تبقى قاعد بتذاكر تلاقي نفسك بقيت ف وادي تاني بقيت بروح دروس في اوقات ولا كأني رحت اصلا بسجل الحصه واورح اسمعها من اول وجديد ولا كأني حضرت الحصه اصلا ومش محتاجه اقول ان انا برضو بسرح ف النص بس على الاقل بعرف اعيد اللي فاتني بس بجد بياخد وقت كتير جداا لو حد عنده حل

جماعة انا تايهه اوي بجد حاسه اني ضايعه معرفش ف ايه بس رمضان بيضيع مني او يمكن ضاع انا تعبانه اوي بجد كنت عايزه اخرج من رمضان كويسه حاسه مفيش حاجة ماشيه و مضغوطه من كل حته مش عايزه ارجع للعلاج النفسي تاني و السيشنز لان بجد بتكون صعبه عليا خصوصا اني بعدي دا لوحدي مش عارفه اركز ف حاجة خالص حاسه كل حاجة ضاعت مني مش عارفه انا بعمل ايه بجد

حد عنده حل لعدم تشتت الانتباه في وقت الذاكرة و ازاي اعرف اجدول مواعيدي في رمضان عشان لحد دلوتقي مش عارف ومراكم حاجات كتير يعتبر مفتحتش المنهج لوحد عارف مراجعات اعرف الم منها اللي فاتني بسرعة اكون شاكر جدا