ومكانتش فعلاً بتحبني زي ما بحبها انا مكانش معايا ابويا ولا امي وكنت معتبراها هي كده، اما هي مكانتش محتاجه حاجه كل حاجه معاها، مش بغل منها، بس مع ذلك اول ما عرفت واحد وفي الحرام اصلا بقا هو كل حاجه ليها زي منا كنت معتبراها بالظبط

كنت بحبها أوي أوي أكتر من أي حد وكنت هبلة لدرجة اني ماشوفتش انها كانت بتستغل حبي ده وفي المقابل هي مش بتبادلني نفس الحب والاهتمام وبانت أوي في أصعب مواقف حياتي لما وقعت وملقتهاش سند ساعتها بس دوست على قلبي وقطعت معاها نهائي ومهما حاولت ترجعني عمري ما رجعت عن قراري حتى لو هعيش لوحدي طول عمري وشوفت نفسي صح لان هي اللي اتحرمت من حبي ليها لكن أنا أصلا مكنتش حاسة بحبها ولا عملتلي حاجة بيه

اللي حصل معايا عن نفسي كنت انا وهي صحاب 8 سنين وعلى طول مع بعض وبيتنا جمب بعض ودروسنا ومدرستنا وفصلنا وحتى لجن الامتحان نفسها، كنا قريبين جدا وهي كانت ليا امي وابويا، عرفت واحد خلاها نسيت انا مين اصلا مش علشان مهتمه بيه هو بس وكده لا، فعلاً نسيتني، وكل مره تكلمني بنفس البرود ومبقتش بشوفها خالص من ساعة ما دخلنا ثانوي مختلف، وكل مره بتبقى مستفزه عن اللي قبلها، قصيت شعري كله ووريتهولها انه بسببها لانها مش شيء قليل بالنسبالي لكن عيطت شويه وقطعنا تاني وفضلنا كل شويه نرجع ونبعد لحد ما في مره كانت اول مره تنزل انستا ف كنت بعلمها عليه لقيتها مره واحده عملتلي بلوك وفكراني مش فاهمة كلمتها قالتلي لا اصل مسحته عشان اعمل اك جديد، من ساعتها وانا عملتلها بقا بلوك من كل ناحيه وفي داهية العشرة اللي مطمرتش

عادي ما تبقى وحشة في نظرها ايه المشكلة ما هيا وحشة في نظرك بس لما تتجنبي مرة واتنين وتروحي تكلميها او تسلمي عليها يعني حبال كتير اتقطعت بس فيه لسه موصول

الناس في حياتنا درجات وقربنا منهم كذلك يعني صاحبتك الانتيم مش مرتاحة ليها خلاص نزليها تلات اربع درجات ل تحت وخلي الكلام اللي بينكوا سطحي مش لازم نقطع كل الحبال يعني

حاسه اني ف صداقه توكسيك لا عارفه اقرب ولا عارفه ابعد ومفروض عليا أننا نبقى رايحين جايين قاعدين جنب بعض ولا انا عارفه ابقى مرتاحه ف الصداقه دي ولا عارفه اكره الشخص وابعد خالص لا عارفه هي كويسه ولا مش سالكه بدعي تحصل اي حاجه واضحه تنهي الحوار دا

كان بقالنا فترة كبيرة متقابلناش ويوم متقابلنا قلبى كان مقبوض بشكل مش طبيعى فبعدها علاقتنا بقت سطحية من غير سبب

كانت ساعات بتتنمر عليا هي و مامتها بهزار بس انا كنت بزعل بيني وبين نفسي لانهم كانو بيتتريقو على انسكيوريتي عندي و بعد ٤ سنين صحوبيه لقيتها بتبعد منغير سبب ومبتبعتش مع اننا كنا كل دروسنا سوا وبايتين سوا جت ف الاجازه بعدت خالص وقعدت شهرين منهاره من العياط والحمد لله بعد ٤ سنين من الوقت ده متاكده ان ده كان الخير ليا بالرغم من الوجع اللي كنت فيه وقتها لاني كنت بحبها اوي لدرجه اني كان ممكن اعيط من خوفي عليها عادي

كل حاجة بتحصل معانا من تدابير الله، ومش هندقق على الحاجات الصغيره اوي منبقاش تافهين يمكن الحاجات الصغيره دي بتبقى غصب، اما لو حصل الموقف كذا مره وكل مره نفس الاستفزاز والبرود ومفيش حاجه بتتغير في الشخصيه ف لحد هنا وكفايه، وبعدنا الحمدلله وحمدنا ربنا وبقينا احسن من الاول، صحيح الفراق صعب بالذات لو قعدنا سنين مع بعض بس لو المواقف المريضه دي مستمره ف نبعد احسن، وربنل كاتب كده