عايزه راي الرجاله في الحوار ده انا مستقره على راي بس متلغبطه من حاجه انا ١٩ سنه وابن خالتي اكبر مني ب٥ سنين تيتا عايزه تجوزنا من وانا في اعدادي ( نفسها يعني وبتدعي بكده معندناش جواز قواصر) مامته بتحبني ونفسها بردو نتجوز لدرجه انها قالتلي وانا ف ٢ث انها قالتله تخطبني ليه وهو قالها لا دي صغيره ( قمه المنطق) المهم تيتا كام مره تقعد تقولي يارب تبقي من نصيبه ومعرفش اي ومامته تيجي في تجمعات عائليه لو هزر معايا زي العادي تقولي بيعاكسك وانتي سايباه يعاكسك مع ان محدش بيتكلم وكله قاعد وهو مش التايب بتاع يعني كان كراش وانا في اعدادي بس دلوقتي لا خالص مع ان دلوقتي بقا يروح الجيم وعضلات وبتاع وهو في طب بس انا شايفه ان مستحيل على الاقل خالص لان اسلوب حياة الدكاتره مش زي الحياه اللي احب اني اعيش حياتي مع اللي هرتبط بيه تكون زيها وسالت ماما هو ممكن لو اتقدم توافق قالتلي لا عشان العيله متتقسمش وهو اصلا شخصيته مش حساها خالص متعاملتش معاه كتير بس معلوماتي عن عصبيته كفايا مع انه علطول بيعاملني عادي المهم سؤالي للرجاله بقا هو كذا مره احسه بيفلرت بس مش معايا دليل وبقول بيتهيالي بسبب كلام مامته وتيتا يعني مره كان بيتتريق على التقويم بتاعي قلتله هيقعدلك في عيالك قالي ياريت عملت نفسي طرشه طبعا وكذا مره يقولي كلام حلو من الرخم بتاع زمان بس انا بقول هو بيعمل زي اخويا يعني لو عايزني اعمله شاي او كدا غير انه في الكليه من اربع خمس سنين واكيد قابل بنات احلى واذكى واشطر مني سؤال الرجاله انا بيتهيالي فعلا ولا كلام خالتو صح ولا اي ولو بيتهيالي هو ليه يقول كدا انتو ك رجاله دي تسليه بالنسبه ليكو ولا اي مش قصدي اهانه بس يعني خبرتكم في بعض