محتاجة أسألكم شوية أسئلة، وياريت اللي يرد يكون عن تجربة أو بكلمة خير يمكن تنفع. أنا كنت بحب شخص سنين طويلة، وكان المفروض يبقى في خطوة رسمية بينا بس محصلش نصيب نتوفق بعد كلامه مع بابا ومن وقتها وأنا تعبانة نفسيًا جدًا ومش عارفة أخرج من اللي أنا فيه. وبعد اللي حصل قررت أتوب وأبعد عن أي ارتباط، وأركز أكتر في علاقتي بربنا وأحاول أصلح من نفسي. لكن الحقيقة إني لسه تعبانة جدًا ومش عارفة أتعامل مع اللي جوايا، وعشان كده حابة أسأل: إزاي أتخطى الذكريات الحلوة لما يكون مفيش أذى كبير حصل بينا أصلًا، وكان بينا كل خير واحترام؟ وإزاي الإنسان يستعيد ثقته وطمأنينته بعد ما قلبه يتكسر بالشكل ده؟ أعمل إيه لما وجع القلب يبقى أكبر من قدرتي على التحمل؟ لو الواحد قرر يبعد عن الارتباط ويتقرب من ربنا أكتر، يملأ الفراغ ده بإيه؟ إزاي الإنسان يسند نفسه ويسد احتياجاته اما يحس إنه مكسور ومش لاقي طاقة حتى يساعد نفسه؟ إزاي أرجع أكون مرتاحة نفسيًا بعد ما بقيت متعبة ومستنزفة بالشكل ده؟ هل طبيعي بعد تجربة زي دي إني أقفل على نفسي وأفقد الرغبة في أي ارتباط رسمي أو تعارف؟ الحمد لله على كل شيء، لكن بجد محتاجة أفهم أتعامل مع المرحلة دي إزاي، لأن نفسيتي تعبت جدًا ومش عارفة أساعد نفسي....ومش عايزه كلام صعب وجارح...عايزه مساعده وحد يحس بيا....