منذ 17 ساعاتيشعر بـ منزعج
انا تقريبا صاحي بقالي فوق العشرين ساعة دلوقت والواحد مش ف كامل قواه العقلية انا اشبه بالسكرانين دلوقت المهم حابب أوجه رسالة لنفسي يمكن مش هقولها وانا بكامل عقلي الدنيا صعبة وانت مصعبها ع نفسك بزيادة بس ما باليد حيلة هتفضل بتلف ف الدايرة المفرغة دي ومش هتطلع منها بتحاول فعلا عاش عليك بس انت موهوم يسطا السيناريو الوهمي الي رسمته زمان أحسن بكتير من الواقع الي انت عايشة وانت لسه هناك مش عارف تطلع ومش هتعرف تطلع والي انت عاوز تنساه ده انت عمرك ما هتنساه انت اصلا مش سايب لنفسك فرصة يا مغفل والله حالك بقا مثير للشفقة بأمانة و قاعد ف تطبيق غريب وسط ناس متعرفهاش قاعد بتضحك وتهلس وبتحاول تحل مشاكلهم عشان تحس انك انسان بما انك مش عارف تحل مشاكلك حالتك بقت مزرية أوي ع فكرة تبا ليك انت ونفسك العقيمة دي
الله يعينك ياخويا ويصلحلك حالك ويوفقك ويهدينا ويهديك ♥️♥️
صباح الخير يا brain هو انا كنت ناوية ماتكلمش مع حد تاني .. بس حقيقي نفسي اساعدك عاوزة اقولك بس انت مش بتتجنن ولا حاجة اللي انت فيه طبيعي جدا وبالعكس معناه انك شخص حساس وعقلك كبير وفي الاخر انت انسان بردو هتتأثر بكل حاجة انت مريت بيها وبالعكس كمان انت بتحاول تاخد بالأسباب عشان تخرج من الوحدة والتفكير الزيادة بتحاول تساعد لعل في يوم من الأيام تبقى نجاة ليك من لحظة ضعف او انهيار اهدى وارفق بنفسك وبحالك ..ماتضغطش عليها مش شرط تنفذ كل حاجة انت بتسعى ليها يكفي ان انت بتحاول وماتجلدش نفسك مش هتبقى انت كمان عليها وافتكر ان احنا في الاخر بشر بنضعف وبنقع وبننهار بس بردو بنحب ونساعد ونعمل الخير ونلجأ لربنا ربنا يخفف عنك ويصلح حالك ويريح قلبك وعقلك
طيب كلها فترات وبتعدي ..بس احنا مش عاوزينها تيجي أصلا ما هي ليها سبب بص أنا خلاص بقيت خبرة بقى جلسات بقالي سنتين أهو 😅 اي جرح لازم ينضف ماتقعدش تهرب منه وتضحك على نفسك وتقول انا بقيت كويس .. مهما كلف من وقت وتعب ووجع لازم ينضف عشان ماتقعدش تعيد الوجع كل فترة عشان مايجيش حاجة أو حد يكمل عليه فيبقى مميت
شوفت بقى .. أديك سيبت كل حاجة وبردو بتحاول تساعدني حقيقي بجد انت انسان طيب ممكن ترحم نفسك بقى صدقني انت أولى هون عليك يا دوك وماتضغطش عليها أكتر من كدة وهتبقى كويس وزي الفل والله سيبك مني أنا مش مشكلة
اول مره اشوف حد غيري بيستعمل كلمة تبا لك