منذ 23 ساعاتيشعر بـ ناقص
انا قرفت من نفسي ومن كل حاجه حاسه بالكره والغيره من اي شخص ناجح قدامي انا حياتي واقفه يمكن ده كلام متكرر وناس كتير بتقوله لحظة ضعف بس انا بكتبه وانا حاسه بالمشاعر دي في كل خليه في جسمي انا حياتي واقفه بكل ما تحمله الكلمة من معنى مفيش اي فايده الكلام ده مش فيوم ولا يومين ولا حتى سنه ده سنين انا مش فاهمه انا ليه مش بتوفق ؟ ليه حتى ابسط حقوقي مش عندي ابسط حق اني انجح ولو حتى في حاجه بسيطه ازاي لا يكلف الله نفساً إلا وسعها وانا مش قادره ؟ ليه سنييييين منغير اي تحسن أو تغيير بسيط ؟ مش ربنا شايف ؟ طب ليه مفيش تغيير ؟ ولو انتحرت ليه اتعذب ؟ مهو انا طلبت ودعيت أنه حتى يساعدني اخد خطوه ليه مفيش تغيير ليه نفس القرف بيتكرر وبعيشه بنفس الوجع ؟
انا بس هذكرك بحاجة إن النبي صلى الله عليه وسلم فضل ١٣ سنة هو والصحابة في ضيق وعذاب عشان بس كلمة الحق تظهر وأصابه الحزن والهم والغم بس يقينه بالله وصبره على الأذى له أجر عظيم اولا الصبر لأن كل واحد فينا عنده ابتلاء مش لازم نكون شبه بعض ومش شرط اللي يسير على غيرك يسير عليك تاني حاجة أي حاجة احتسبيها عند ربنا يعني اقعدي مع نفسك وشوفيها من جوا وافصلي عن العالم الخارجي تماما شوفي انت مين وايه علاقتك باللي خلقك وراجعي نفسك واعرفي انت جاية الأرض ليه ومافيش حد هينشلك من اللي انت فيه غير ربنا اولا فتوكلي واستعيني بيه ثم نفسك لما تصاحبيها وتشوفيها من جوه حاولي يكون ليكي حال مع القرءان هتفهمي نفسك وهتعرفي أن ربنا كاشف نفسك ومجاوب على أسئلتك وربنا يعينك
ابسط سبب لكل المشاكل دي هو الحقد والغل الجواكي صدقيني دي اسوء صفه وخشي ابحثي عن الحقد في الاسلام ايه عقوبته غيري من نفسك الأول ومن نفسيتك و بصراحه مش عندي رد مناسب للأسئلة دي