دعاء

سلام عليكم يا جماعه 🤍 هو ممكن بس لو تعرفوا اي حد عنده اكتئاب تقفوا جنبه لو عزيز عليكم تحسسوه انه لو احتاج في اي وقت اي حاجة هيلاقيكم معاه وجنبه خليكم بس مصدر أمان ليه لو بتحبوه بجد عشان والله بتفرق ويمكن في يوم تبقى سبب في انقاذه من موت محقق الاكتئاب ده لعنة بجد ومحدش فاهمه ولا بيحس بيه غير اللي عايشه وقاعد فيه سنين ولو مش قادر تعمله حاجة ادعيله دايما وده أقل حاجة ممكن تعملهاله افتكره برسالة بأي حاجة ممكن تطمنه ولو للحظة هتفرق حتى لو مش حاسس وادعولي أنا كمان

ادعولي بجد ان ربنا يوفقني والاقي شغل كويس و بمرتب حلو وان انا اتقبل ف الانترفيو بجد لاني خايفه جدا اعمل اي انترفيو وعمري ما اشتغلت ف حياتي ولا اتعاملت مع ناس ف خايفه اتوتر او مقدرش اجاوب كويس و كمان انا محتاجه للشغل جدا

خنقة م غير سبب، أوڤر ثينكينج، خوف وقلق من أقل حاجه وأقل مشوار ومش قادرة أعرف سبب كده وازاي اتخلص من الشعور ده، وليه بكره الروتين والتعامل مع الناس بقى شيء مُرهق كده دعواتكم بليز. لا إله إلا انت سبحانك إني كنت من الظالمين🥀

جماعة عايزاكم تدعولي كتير كتير اجيب قطة وربنا يقدرني على مسؤوليتها نفسي من زمان اجيب قطة بس أهلي مش موافقين و لما كانوا هيوافقوا خلاص أدركت إنها مسؤولية كبيرة و خوفت شوية و كمان حوار الشعر و احنا بنقرف اوي اوي لو في شعر جه في الاكل خصوصا والدي ممكن يعمل مشكلة بسبب الموضوع ده و خوفت بردو من المصاريف مكنتش عايزة اتقل على أهلي بس بعدها رفضوا خالص و بابا قرر مفيش حاجة من دي تدخل البيت وأنا بجد نفسيتي وحشة أوي متأكدة اني هكون مبسوطة لو جبت قطة ف ادعولي أهلي يوافقوا و اجيبها وهما راضيين و يقدرني على مسؤوليتها و اقدر اعتني بيها كويس عشان بخاف اوي من حوار المسؤولية ده

السلام عليكم ورحمة الله وبركاته من المشاكل اللي شوفتها حاليا ادركت ان والدي الله يرحمه كان مهتم جدا بنفسيتنا وصحتنا و متطلباتنا ومشوفتش منه ضغط او توبيخ ف اي حاجه دنيويه او ملهاش علاقه بالدين او الاخره او بالمستقبل وصحه وكد غير كد لا دراسيا ولا اي حاجه من دي كان بيعملنا كابوس فيها بالعكس كان بيشوف اللي يريحنا و بيدعمنا فياريت ك واحد يشوف دا يدعيلو بالرحمه و المغفره وانه يجعل قبرة روضة من رياض الجنه و يسكنه فسيح جناته ويعلي قدرة و يبدل ذنوبه حسنات و يعوضه عن ك لحظه شقاء بعوضه ويكرمه بكرمه و يجعله ف الفردوس الاعلي يارب العالمين و الهدايه ليا و ربنا يهدي اي اب او ام مش مدي مدركين النقطه دي

لاحظت حاجة كذا مرة إني لما اقول هنا ادعولي بحاجة معينة سبحان الله ربنا بيحققهالي شكرا لأي حد كان بيدعيلي عايزاكم بقى تدعولي اظبط حياتي عشان كل حاجة عندي متلغبطة الانتكاسة طولت أوي أوي مش عارفة احفظ قرآن و العبادة بقت تقيلة عليا مش عارفة أطور نفسي مش قادرة اصلا و معنديش طاقة ،أنا عايزة بس مش قادرة ، بفكر اختفي فترة من كل حتة و ابعد عن الموبايل لأن متأكدة إنه السبب ف ادعولي اظبط حياتي و ارجع شغفي ، وقولولي اي الحاجة اللي اعملها استعيد بيها تركيزي و طاقتي حاسة إنها ممكن مشكلة فيتامينات بس مبحبش اقول لأهلي عايزة اكشف على حاجة أو اقولهم تعبي وكده ف مش عارفة ممكن احل دي ازاي و كان حد قايلي على فيتامين دال من الصيدلية بينفع في الحاجات دي بس مش عارفة حد جربه أو ينفع من غير دكتور ولا لا لو حد عنده تجربة مع الحاجات دي يفيدني و شكرا

المرادي معنديش مشكله انا بجد حاسس اني بحلم او اني مش حقيقه انا مصدق انها حقيقه عشان عايش بس حاسس خيال عشان مش مستوعب انا يارب دعواتي استجابت ؟ انا يارب بتكرمني ؟ دا كان تعريفي باحساس الفرحه اللي من النادر لما احسه انا تقريبا اول مره في مسيرتي التعليميه كلها افرح بنتيجتي انا الترم دا جبت ٥ امتيازات و ٢ جيد جدا النسبه ٩٣.٥ دا انا معملتهاش ف ثانويه عامه 😂 احساس غريب بس عايز اقول اني جبر خاطري ف اللهم لك الحمد حتى ترضى ولك الحمد اذا رضيت ولك الحمد بعد الرضا اي نعم مكانتش كلية احلامي بس حقيقي الترم دا هيديني دافع جامد اوي ال ٣ سنين الجايين ف بالله دعواتكم ودعواتكم الشغل يتظبط زي ما في دماغي لو اللي في دماغي خير ليا يتيسر بحبكم كلكم ودمتم في امان الله 🤍

انهارده عرفنا ان ماما تعبانه شويه ربنا يقومها بالسلامه هو الوضع يقلق بالاخص لما عرفت انه مش سهل و لكن مش مستحيل الحمدلله بس برضو خايفه عليها اوي و عاوزه اعيط ف حضنها و اقولها خفي ابوس ايدك انا مليش غيرك بعد ربنا بس بحاول قدر المستطاع اتماسك قدامها و مخوفهاش مش عاوزه اسيبها و اروح ف حته بس غصب عني والله عندي شغل ادعولها كتير بالشفا.....

علشان في مشكلة بدون الدخول في تفاصيل انا كان بقالي فترة عايز انزل بوست بس التطبيق كان معاند معايا المهم كنت بكلم 1ة في 3ثانوي وفي الامتحانات دلوقتي اتمني كل اللي يشوف البوست دا يدعيلهم ربنا يوفقهم واتمني ان الشخص دا يكون فاكرني ..

​ساعات ربنا ب يِبعت لِك في وِسط تِعب ال دِنيّا وسِخلة ال شِغل وشِقا ال موقع رِوح صافية تِكون لِك الأخت وال صاحبة وال سِند ال ب تِفهمك من غير ما تِتكلم كِنا نِبدأ ال كِلام ب مِواجع قِديمة ونِصايح من ال قِلب تِطمن ال روح وتِقول كِله ه يِتخطى ويهون وكِدا وتِدعي لِك ب ال تِوفيق من كِل قِلبها ال طِيب ال عِشرة كِبرت وال عِشم ب قى غالي لِ درجة إننا ب قينا نِطمن على بعض دايما ونِحكي في كِل صِغيرة وكِبيرة وفجأة من غير أي إنذار تِغيب ال رِوح دي وتِاخد معاها ال أمل ال وحيد ال كان ب يِخلي الواحد يِستحمل قِساوة الأيام ب قيت أدخل كِل شِوية أدور على أي أثر أو كِلمة تِرد ال روح بس م ب لِاقيش حاجة غِير ال ذِكريات ال حِلوة ال مِحفورة في دِماغي وفي قِلبي ال غياب دا كِسر ال ظهر وساب مِكان فاضي مِحدش يِقدر يِملاه وب قيت واقف مِتنح في وِسط شِغلي ومِش مِصدق وب أدعي لِك في كِل صِلاة ب أصِليها إن ربنا يِطمن قِلبك ويِجبر ب خاطرك ومِستني يِجي لِي خِبر حِلو عِنك ب أي طِريقة لإن ال أصيل عِمره ما ب يِنسى ال صِاحب وال أخت ال كانت ب تِهون عليه ال دِنيّا 🥺❤️💔😢😔😭✨

انا ثانوية ازهريه وطول السنه مكنتش بخرج من البيت وبس كنت بحاول والله اذاكر وابقا كويس حرمت نفسي من حجات كتير اوي عشان اقدر اقدم كل الي عندي في السنه دي وغيري كتير مكنش بيعمل كده ولكن كان عندوا انه يقدر يلم الامور ويستوعب وانا لا، مريت بظروف نفسيه صعبه وصحيه ولكن ولا مره فكرة اتعالج منها لان المرض النفسي كان بيروح ويجي فكنت متشكك في امره وكذلك على خلاف كل الامراض الجسديه المرض دا بيجي وبيروح برضو فكنت مفكر اني مقصر او بدلع،ومشاكل كتير بين اسرتي افقدتتي تركيزي مشاكل كانت بتظهر من العدم عشان بس تعطلني،تصدقوا بالله كنت كل ما الدنيا تسلك معايا واحس اني بقيت احسن في المذاكرخ وقي نتيجه اجي اذاكر النور يطفى كذا مره ومرات كتير بجد على كده دا غير طبعا النت قعدت شهر خربان برضو في مره مختلفه وانا ميأستش وفضلت احاول ، يوم6/6 بدات امتحانات الثانوية الازهريه قبليها مكنتش لسه كويس ابدا في مواد كتير وقولت لابويا عاوز ااجل السنه، على امل السنه الجايه تبقا افضل واكون اتعلمت خبرات جديده لاني حرفيا بادئ من الصفر ولكن رفض وقالي بس ادخل شريعه وقانون يعتبر بأقل مجموع واسكت وكل المستوى بالشغب في الكليه الثانوية دي لعبة، فدخلت وسكت، انا كنت متعود انا وصحابي في السنين الي فاتت بنغش مم بعض وبنجيب درجات عاليه وتعدي، الا السنه دي رفضت زي مل رفضت ذنوب كتير كنت بعملها قبل كده، وبقيت والله ولو هسقط مش باخد كلمه من حد، في الفزياء كان كده وحرفيا اقدر اقول اني لو جبت النص يبقا فضل من ربنا وكذلك الصرف والكمياء كانت اخرهم النهارده صحابي كلهم بيغشوا من بعض المعهد كله انل الوحيد بس الي في حالي وحرفيا هيخشوا طب وهندسه من غش انا مش مشكلتي معاهم ربنا يوفقهم انا مرعوب بس اجيب دور تاني لان رضيت الحمدلله بأي مجموع ولكن هتبقا حسره اوي بالدور التاني وديما مه الاول السنه بحلم بكوابيس والرقم تلاته كان بيتكرر ديما، نفسي ربنا يرحمني ويسترني وميفضحنيش ابدا بالدوؤ التاني دل هتبقا كسرة ليا طول حياتي، ادعولي محتاج دعوتكم اوي

لو حد فاكرني أنا كنت نزلت بوست من فترة وقلت إني دخلت الأبلكيشن ده عشان أتكلم وأفضفض يمكن ألاقي حد يسمعني من غير ما يحكم عليا النهارده وبعد كل الوقت ده لسه شايل نفس الحمل ولسه مقدرتش أقول لأهلي الحقيقة أنا مريض كانسر وكمان مريض قلب وبعيش كل يوم بين الخوف والوجع والتظاهر إن كل حاجة بخير يمكن ناس كتير هتستغرب إزاي مخبي كل ده، لكن اللي يعرف إحساس إنك خايف تكسر قلوب أقرب الناس ليك هيفهم أنا ساكت ليه أنا مش بكتب الكلام ده عشان أشفق حد عليا ولا عشان ألفت الانتباه أنا بكتبه لأن الحمل بقى تقيل ويمكن الكلام يخفف شوية ادعولي يمكن دعوة من قلب حد فيكم تكون سبب في فرج أو شفاء، وربنا يهون على كل مريض ويطمن قلب كل واحد شايل وجع لوحده

رساله شكر الي صديقي س مش عارفه هتشوفها ولا لا بس.. شكرا انك كنت انسان خلوق و محترم جدا معايا شكرا ان صداقتنا كانت صداقه جميله زي قلبك كدا اسفه ع الاختفاء دا بس حقيقي لا تعلم ظروفي بتمني بس تدعيلي كتير ف صلاتك و ان شغلك ميسحلكش عنها و ان مستنيه خبر حلو عنك اتمني والله سماعه بأي طريقه شكرا و حقيقي مفتقده وجودك ف يومي شكرا س💗

كل فترة حد عزيز عليا يموت ويدخلني في حالة اكتئاب وخنقة وقرف من الدنيا لمدة كبيرة ويادوب أبدأ أتعافى ألاقي الخبطة اللي بعدها مرة جدي الله يرحمه مرة صاحبي ف الكلية بعده بأسبوع صاحبي التاني بعدها جدي الصغير اللي كنت بحبه وكل خلفته بنات وبعدها والد حد عزيز عليا وبعدها والد صاحبي ولسا من شوية والد صاحبي توفاه الله الموضوع بيوصل معايا لتفكير كتؤر وأوفر ف إحساس الشخص ووقع الخبر عليه وهيكمل ازاي والمستقبل وهكذا بس ف الآخر بفتكر إن كلنا هنموت والموت مبيفرقش بين صغير وكبير ف ربنا لا تقبضنا إلا وأنت راضٍ عنا وبالنسبة للمستقبل ف كله ف إيد ربنا ومحدش أرحم على عباده منه ف ادعولي وللمسلمين بالصلاح والهداية وحسن الخاتمة وادعوا لأموات المسلمين

انا داخله اقول حاجه بس قد ايه كلمه ممكن تاثر في الانسان بدون مبالغه ممكن كلمه تغير حياه شخص سواء للاحسن او الأسوأ كلمه واحده بس تغير حياتك وقد ايه الاستغفار فعلا يجلب الرزق في مره كنت ماشيه وتعبانه وعماله انفخ ومتعصبه لقيت عمو قالي قولي لا حول ولاقوة الابالله انا مش عارفه بس متعصبتش اكيد ولا اي حاجه وفعلا قلت كدا وقالي كل لما تحس ان الدنيا ضيقه قولي لا حول ولاقوة الابالله انا مش فاكره شكل عمو ولا هو يعرفني ولا انا اعرفه بس فاكره ان في حد قالي كدا وبقيت فعلا اقول كدا المشاكل ايوه ممكن متتحلش وممكن تتحل بس السلام النفسي والهدوء للتفكير في حل المشكله دا احلي حاجه وبقيت زي عمو زي ما تكون رساله وانا بنشرها عمو ساب فيا اثر كبير واتعلمت من الموقف دا كتير وبقيت اكتر حاجه اتمناها اني اسيب اثر طيب ليا بعد ما اموت علشان الناس تفتكرني وتدعي ليا دا الي انا عايزاه يارب اقدر اعمل كدا وصلي علي النبي بقي يلا 🌺🩷

عارفين اي الأخطر من العبط الهبل حرفياً انا بواجهه الاتنان من نفس الشخص لدرجه كرهتني فصوته حتي وصدقت مقولة من اعتاد القلق ظن الطمأنينة فخ كنت فاكره اني اول ماهبدأ شغل الدنيا هتخف من عليا شويه لكن إذاي لازم أبتلي بحاجه منا مش هعيش مره مرتاحه فاللهم الأربع شهور دول يعدو هوا عشان كدا كتير عليا والله 😢

أحتاج لبعض النصائح والدعاء. انا امر بفترة امتحانات استدراكية في الجامعة هذه الأيام و امر بضغط نفسي كبير؛ لانو هناك مخاوف بسبب عدم التوفيق في السنة الماضية، وقلق من تكرار الأمر هذا العام وتراكم الخسارة لسنتين متتاليتين. أتمنى الدعاء لي بالثبات والتيسير

هو ليه كل م ابقي عايزة حاجة وأفضل ادعي بيها تبعد عني أو الطريق ليها يبقي صعب لا وكمان اشوفها مع غيري بمنتهي السهولة انا عارفة أن ممكن يكون ربنا بيختبرني بس انا عايزة احس اني وصلت أو معايا حاجة نفسي فيها ولو لمرة واحدة بس...!

بجد الواحد حاسس إنه محبط ونفسي اتسدت من كل حاجه و الأرق والكوابيس ملازماني وحقيقي الفترة دي حاسس اني مأثر في شغلي ومكنتش متخيل اني هتيجي عليا فترة بالشكل ده بعد فترة الجيش رجاءا محتاج دعواتكم ربنا يخرجني من كربي

حابه اشكر كل اللي دعالي امبارح الحمد لله اتوفقت فالشغل والمفروض مطلوب شوية ورق هيتعمل واخلص الموضوع فيه لفه كتير وتعب وقلة نوم بس كله يهون ان شاء الله حبيت بس أشكركم علي دعائكم ليا وبجد وصلني بطرق عجيبه 🙏🏻🤍

السلام عليكم يا جماعة.. بكتب هنا وقلبي تقيل ومش عارف أبدأ منين. أنا بمر بفترة صعبة جدًا؛ حاسس إن أقرب الناس ليا "أهلي" مش حاسين بيا ولا بيحبوني، ويمكن يكون ده بسبب المقارنة بين زمان ودلوقتي. زمان كنت حاجة تانية خالص، كنت متفوق وقادر ومكمل في طريقي، لكن بسبب "المرض" كل حاجة اتغيرت.. حاسس إني عاجز ومش عارف أكمل حياتي ولا أرجع زي الأول، وطاقتي خلصت. مش طالب غير نصيحة من حد مر بتجربة شبه دي وقدر يقف على رجله، أو دعوة صادقة بظهر الغيب إن ربنا يشفيني، ويربط على قلبي، ويغير حالي لأفضله. شكراً ليكم

انا دمرت حياتى بايدى اخدت قرض من البنك من 5 سنين كنت بحلم بمشروع يكبرنى وعايشنى كويس والقرض خد حياتى كلها خسرنى كل حاجه اصحاب اهل قرايب نفسي كمان والديون بتزييييد ومفيش دخل ولا فى بركه فى اى حاجه بصلى واعرف ربنا كويس وده اللى مخلى ربنا سترها معايا بس الديون خربت حياتى والذل والاهانه من الناس اللى ليها فلوس كسرنى بتهدد كل شويه بتشتم وبتهان كل شويه ومعرض للحبس فى اى وقت ومش قادر اغضب ربنا فى حاجه حرام ولا قادر انتحر وارتاح من الوجع مش عارف هتخلص على اى ولا هتخلص امتا داخل على 6 سنين لا راحه ولا نوم حاولت اشحت من طوب الارض اعرفه ومعرفهوش بس مفيش فايده بدعى ربنا فى كل ركعه فى كل ساجده بالليل وبالنهار بس للاسف مفيش حل نفسي اعرف انا مزعل ربنا فى اى لدرجه انى اوصل للحال ده طول عمرى عايش بين ايده بغلط وبرجع ليه تانى مبعملش الكبائر لاسرقة ولا زنا ومستحمل الشهوة وبقاوم وبقول يارب وانا سنى كبر ومع ذلك ملمستش انسانه طيب ليه ربنا مش عايز يستجيب للدعاء اه سترها معايا والحمد لله انى لا اتحابست ولا اتفاضحت بس ضاااااااااااقت اوى خلاص بجد تعبت الحمل زاد ندمت على القرض ونفسي ترجع بيا الزمن اقسم بالله ما هقرب ناحيه القروض تانى بس هتخلص على اي هتحبس ومستقبلى هيضيع ولا هتفضح وهتسبب فى فضايح لاخواتى البنات انا طالب منك الدعاء والنبي بالله عليكم تدعولى والنبي ما حد ياخد قرض او يدخل فى ربا والله العظيم نار جهنم على الارض نفسي ربنا يحلل الانتحار ثانيه واحده اقسم بالله ما هفكر ادعولى بالله عليكم

ياريت تدعولي بالتوبة والهداية من كل ذنب بعمله او عملته قبل كدة انا بدعي ربنا كتير بالتوبة والهداية ونفسي ربنا يستجيب دعائي اعتقد ان مشاكل حياتي كلها هتتحل وحياتي الاجتماعية والعملية هتتحسن كتير بده

بتعملوا ايه لما بتحسوا ان جواكوا كمية طاقه سالبيه و مش عارفين تطلعوها مهما عيطوا ومهما عملتوا بردو مش عارفين تبقوا كويسين و مش عارفه مصدرها ايه كل اللي اعرفه اني مش كويسه ومش عارفه ابقى كويسه و كل حاجه بايظه من كل ناحيه و مش قادره احكي حاجه ولا عارفه حتى عارفين لما تكونوا مش بتحكوا عن اللي مزعلكوا لدرجه تخليكوا انتوا ذات نفسكوا مبقتوش عارفين ايه اللي مزعلكوا بس انت زعلان بس من ايه مش عارفه بس زعلان ونفسياً و جسدياً وكل حاجه بايظه ياريت اللي يشوف البوست ده يدعيلي

كونت حابب احكي حاجه مدايقني اووي. انا شاب لسا في بدايه حياتي كفاحت في الدنيا كتير اووي وكونت بتحارب من كذا جهة علشان ناس مبتحبنيش وناس كل حياتهم اذايتي انا واخواتي والحمدلله ربنا ابتلاني بي بمرض من 6 سنين اتعفيت منو الي حدا ما بس كان لسا موجود بس وقتها صحتي بقت ضعيفه جدا مبقدرش اشتغل لحد ما كلامهم اذاني اكتر خلوني اضغط علي نفسي في الشغل للعلم أنا متعلم تعليم عالي وكويس وشايل البيت لوحدي ولله فا المرض جالي تاني واضعاف عن الاول ومبقتش بقدر اتحرك خالص وبقيت محبوس في البيت فا اساله كتير اووي بقت بتيجي في دمغي انا محتاج حد يدعيلي بجد 🌹 ومتاسف للاطاله

لسة زي ما انا لدرجة اني بقيت اتمني البلاء من ربنا عشان افوق نفسي بس تظبط المرادي المرادي بس عشان ابويا والله مش اكترر نفسي افوق مش عارف اذاكر مش عارف طيب وبدعي كتير انا اه مقصر فيي كلل حاجهه في حياتيي حرفياً كل حاجة بس بجد اهلي ملهمش ذنب انا ثانوية عامة وخلاص امتحاناتي كمان عشر ايام مش عارف اعمل اي وبدعي كتير وبعمل كل حاجة مش هكدب الصلاة مقصر فيها جامدد بس بنزل اصلي وادعي الغريبة اني لما بدعي برجع بكسل اكتر م الاول مش عارف الاقي تفسير ل دا ومش فاهم انا مش معترض علي قضاء الله بس المرادي بس تظبط اكسب ثقة ابويا والدنيا هتبقي تمام لو ع الذنوب والله هبطل ووالله هسعي اني اعمل كل صح وابطل الغلط انا اصلاً بسعي دلوقتي بس الجزاء يجي في الحاجة اللي بحلم بيها همووت ودي بس تعدي والنتيجة تبقي تمام مش اكتر نفسي ربنا يعطيني الهمه عشان اذاكر واعرف اجيب نتيجة مش طالب اكتر من كده بعد كده حياتي بقا انا هسعي فيها وربنا يقدم اللي فيه الخير بس دي تعدي مش اكترر وبس كان نفسي اقول كده ونفسي الاقي حد ارغي اقول الكلام دا بس ملقتش غير هنا والسلام عليكم

جماعه 🥲 بليييزز ادعووولي كتيييير اوي عندي امتحان بعد كام ساعه و ماده رخمه اووووي و المنهج كبير. اوي اوي اوي عشان البوست يتقبل انا عندييييي مشكله فظيعه منهاااااره والله😭😭😭😭 كارثه فعلا يارب الليمت يخلص 💔

ادعولي عندي امتحانات ادعولي اجيب المجموع الي نفسي فيه ادعولي بجد محتاجه الدعاء خايفه اوي مش عارفه اركز مع حاجه ومش مبسوطه قلبي مقبوض ادعولي كتير يا جماعه يمكن حد فيكم دعائه مستجاب او الوقت الي دعى فيه ابواب السما مفتوحه وربنا يحققلكو الي بتتمنوه يارب انا وانتو

هو احنا لو بعد ارتباط سنتين و سيبنا بعض عشان حرام و انها علاقه محرمه و انها فتره بس منها نتوب و منها هو يجهز نفسه و يكلم والدي ، ممكن منتجوزش في الاخر؟ انا حاسه روحي فيه و صابره و راضيه بس ممكن بعد الدعاء ده كله ميبقاش جوزي؟ انا خايفه من الفكره دي

الواحد عمل كل حاجه صح والحمد لله كله بفضل ربنا بس عارفين ناقصني اي ؟ ناقصني بنت الحلال اللي اصحي علي صوتها وهي بتطمن عليا اه والله ناوي اخلص امتحانات واخطب علطول وبدعي ربنا الاقي بنت الحلال اللي بجد ادعو معايا يخواتي

بوست كل يوم 🩵 ربنا يكتبلنا قصص حب صادقه دائمه. ربنا يعوضنا عن كل آلم وعن كل وجع وعن كل خذلان مرينا بيه. ويكرمنا بالذريه الصالحه النافعه . ويعوضنا خير عن كل كسره قلب مرت علينا 🥺 البوست امبارح اتحظر 😪

خلونى أتكلم أو احكى شوية فكرة انك تدرك ان كل حاجة ليها وقت وليها معاد وانها رزق مترتب له من عند ربنا وان احنا ملناش يد في حاجة ده كفيل يخليك تعيش حياتك مرتاح البال كنت نزلت من كم يوم ان ربنا لسة مرزقنيش بزوج صالح واتمنى انكم تدعولى وحقيقي ناس كثير مشكورين دعولى وقالولى ادعية ادعيها وربنا يجعلها في ميزان حسناتهم يارب من هنا حقيقي اتعلمت ان كل حاجة ليها وقت معين ومعاد ربنا كاتبه لينا وبيكون وقتها بيهيأ الظروف وبيهيأنا احنا كمان ليها وأي ان كان ايه اللي ربنا كاتبه فهو أكيد موزع الرزق ومدى لكل واحد حسب اللي يناسب معاه فبرده دعواتكم ليا بالخير وكل دعوة تدعوها ليا تتردد لكم أضعاف مضاعفة وتفرحوا فرحة كبيرة زى مابتمنى لنفسي وأكثر ومعلش طولت عليكم ❤❤❤❤

أنا راني نفكر كثير ف رزقي ، العام هذا اشتغلت كأستاذة متعاقدة و ما عندي دخل من غير هذا الدخل لكن السنة الجاية ممكن أني ما انجح بالكونكور لي عاملينو فالبلد لأنو على أساس الشهادة هو أنا شهادتي جديدة صارلها عامين برك ف باقية أدعي الله سبحانه و تعالى يرزقني من اوسع بيبانه

ادعولي و لكن بالمثل أن شاء الله ادخل هندسه الله يخليكم لأني محتاج الموضوع ضروري و مش هينفع ادخل خاص ادعولي ربنا يكرمني حتى علشان رضا و فرحة اهلي لأني الكبير و اكيد نفسهم أفرحهم ف ادعولي ربنا يكرمني

يا رب احب واتحب انا وكل من قال امين. ربنا يكتبلنا قصص حب صادقه دائمه. ربنا يعوضنا عن كل ألم وعن كل وجع وعن كل خذلان مرينا بيه. ويكرمنا بالذريه الصالحه النافعه . ويعوضنا خير عن كل كسره قلب مرت علينا🥺🥺

في يوم من الايام هتدفن امك و لو ربنا سبحانه وتعالى كتب ليك انك تعيش بلاء عظيم زي دا هتعرف يومها انك دفنت اكتر انسانه حبتك و فعلاً كانت نفسها تشوفك احسن منها و هيكون عليك مسؤولية عظيمه جدا و دين كبير علشان تبقا ابن صالح تدعي لها في انك تبر امك بعد موتها انت علي بالك ان لما الام تموت خلاص يعني ؟ لا خالص كل حاجه هتروح معاها البيت هيموت و هيضلم و اللالوان هتبهت مش هتفهم كلامي غير لما تحس دا اقرب وصف اقدر اقوله و البركه هتقل الحق نفسك قبل متقرا البوست دا و تكون الرساله دي جات متاخر اللهم ارحم امواتنا و اموات المسلمين

ساعات كثير بحس بحزن بالرغم ان الموضوع مش بايدى بس حقيقي نفسي اعرف ايه السبب ليه لحد دلوقتي مجاش نصيبي انا لو بتمنى حاجة فبتمنى ربنا يرزقني زوج صالح اكون سند وظهر له مش بتمنى حاجة ثانية نفسي افرح كل اللي بحبهم وبيحبوني بدل مابسمع كلام يسم البدن من ناس بعينها بجد لو حد يعرف هل العيب فيا ولا هو نصيب وهل احنا لينا ايد في النصيب انا عارفة انه كل حاجة رزق من ربنا بس سمعت ناس بتقول ان الجواز نصيب فبجد نفسي اعرف هل هو نصيب ولا رزق من ربنا وايه ممكن اعمله ولا مفيش حاجة تتعمل اتمنى اللي يشوف البوست ده يدعيلي ويقولى اعمل ايه

اول مرة اسكت ... انهاردة سمعت في مكالمة ان الشخص اللي قلبي حبه مش شاريني واول مرة معيطش او انهار ... حاسة بصمت تمام جوايا ... حاسة بخيبة والم في قلبي وكل اللي بعمله هي سيجارة ورا التانية وشوية بدعي واصلي ...

كل عام وكل شتيتين قد اجتمعا، وكل التائهين الحيارى وَصَلوا. وكل الخائفين اطمئنوا وسكَنوا، وكل ذي مطلبٍ قد ناله أو أدرك الحكمة من مَنعه. وكل حبيب مُطمئن وفرحته مُضاعفة بوجه وصوت حبيبه. وكل وحيد قد تآنس، وكل مخذول قد تجاوز وعَرف كيف يعيش. وكل الساخطين قد رضَوا وتقبّلوا وعرفوا كيف يسعدوا بالنعم وهي بين ايديهم، وألّا تأكلهم الحسرة عليها لاحقًا. كل عام ونحن في حالٍ نُحبه ويَرضاه الله، ونعيش ما دَعونا بِه حقيقة! :))

"العيد دايما بيبقى فرحة ولمة وحركة، بس السنادي ربنا قدر لي قدر تاني خالص.. بقالي فترة بمر بوعكة صحية شديدة جدًا بسبب جلطة في رجلي، والوضع صعب ومؤلم لدرجة تزهق، والتعب مخليني مش عارف أعيّد ولا أعيش حياتي الطبيعية، ومقيد الحركة تمامًا. المرض اختبار صعب، والإحساس بالعجز في وقت زي ده بيبقى تقيل على النفس.. أنا داخل هنا وسطكم بطلب منكم الدعم والسند بالدعاء. محتاجكم تدعوا لي بالصبر والشفاء العاجل، لعل دعوة بظهر الغيب من شخص ميعرفنيش بس حاسس بيا تكون هي السبب في إن ربنا يرفع عني البلاء ده ويشفيني. ادعوا لي ربنا يربط على قلبي ويشفيني شفاءً تاماً لا يغادر سقماً.. شكراً لكل حد هيقرا وهيفتكرني في دعائه، وعيدكم مبارك وسعيد عليكم وعلى حبايبكم."

كل سنه وكل اخواتي طيبين عيد سعيد عليكم يا اخواتي كلنا اخوات في الوطن اتمني وبدعي من كل قلبي ربنا يجبر بخاطر كل حد انكسر بخاطرو ربنا يعوضكو يارب وتفرحو والعيد الجاي يبق محققين كل الي نفسكو في اخوكو المسيحي

كنت بكتب بالدفتر وهيك أدعية ف سبحان الله فتحت ورقة من اوراق سنوات مضت لقيتيني بدعي له حسيت شي هيك مابعرف بس اللي هو يابخته بقلبي يابخته بقلبي باليوم اللي اغلب الناس متوجهه تدعي فيه لنفسها ذكرته بدعائي وكان محوره ما بقول غير عسى الله يجبر قلبي وما يصيبه شوائب

مبسوطه بإن ربنا بيدينا فرص دايماً علشان نرجع ، ممكن تدعولي معاكم كتير الله يكرمكم وخصوصا بالتوفيق في الدعاء النهارده والاخلاص وحضور القلب والانشغال بالعباده وإن ربنا يفتح عليا وأقدر أدعي بكى اللي نفسي فيه ولكل اللي وصاني بالدعاء ويكون فيه بركه في وقتي ومتنسوش أهل غزه من دعائكم وكل المسلمين من دعواتكم . ونحاول نستغل اليوم النهارده علشان الله أعلم هيتكرر تاني ولا لاء ، نستغله في الأعمال الصالحه " الصلاه ع وقتها ، الذكر ، الأذكار ، الصدقه ، كثرة الإستغفار ، بر الوالدين، حسن الخلق " إلخ وخليكم طماعين وانتوا بتدعوا علشان إحنا بندعي رب كريم قادر ع كل شئ قادر إنه يغيرلك حياتك في لمح البصر محتاجين يكون عندنا يقين تام واحنا بندعي ومحتاجين نُقبل ع ربنا حتى لو مش قادرين أو مش حاسين عند ربنا كبيره والله فانحاول علشان منندمش .

بتقولي دعيت عليكي اهو ف يوم زي ده قالت "ان شاءالله تشوفيه ف نتيجتك اخر السنه و والله من قلبي" تمام ماشي انا بدعيلها و هي بتدعي عليا تمام ماشي ان شاءالله زي النهارده اكون بعيده عنهم و عن آذاهم

ممكن تدعولي في يوم عرفة اكيد ربنا حط في دماغي اني اعمل كده علشان عالم انكم هتدعولي بظهر غيب ان ربنا يحقق امنياتي ويستجيب دعواتي بدون شر ويحفظ لي من احب وان ربنا ميبتلينيش في اي حد بحبه ولا اي حاجة بحبها واحفظني ومن أحب من العين والحسد والسحر وميحرمناش من بعض وان ربنا ميعلقش قلبي في حاجة مش خير ليا وان ربنا يجعل خطواتي مباركة وان ربنا يرزقني الرزق الحلال الوافر بدون شر وبدون ابتلائات ويكون خير ليا ومصدر سعادة واتهنى برزقي ده وان ربنا يجعل دعواتي مستجابة وان ربنا ميجعلش ذنوبي عائق بيني وبين استجابة دعواتي ويغفرلي جميع ذنوبي ويرزقني لذة طاعته ويحرمني لذة معصيته وادعولي إن ربنا يحسن جمالي ويرزقني جمال يجعل كل من يراني يذكر اسمه واكون جميلة جدًا شكلًا وشخصية ويكون عندي قبول وبشرتي تبقى صافية ومفيهاش حبوب وتبقى منورة وصحية وان ربنا يبعد عني النفوس الخبيثة ويبعد عني وعن اللي بحبهم اذاهم ويقرب مني النفوس الطيبة ويارب احسن ختامي وأرزقني ومن أحب توبة نصوحة قبل الممات وندخل الجنة بدون حساب ولا سابقة عذاب ويرحم اخويا ويغفرله ولكم بالمثل في يوم عرفة

انا الوحيده الي مش حاسه بعيد ومش حاسه بفرحه اصلا ومليش نفس أعمل حاجه او أجيب حاجه حتي الروتين بتاع اي عيد مليش نفس أعملو ولا حتي خطط هروح فين في العيد هو ده طبيعي ده حتي الفون مبقاش ليا نفس أمسكو هل انا كدا انطفيت وايه الحل ملحوظه بصلي وقريبه من ربنا جدا وبدعي كتير بس مش عارفه في ايه

حبيت اشارك شعوري حاليا حاسه اني بستعد لبكرة كأن عندي حدث مهم جدا ودي حاجه كويسه جدا على فكره بس عارفين احساس اني عملت حاجات كتيير وحشه طول السنة وجاي عايز تدعي ربنا بحاجات كتييير اووي بحاول اسيطر على الاحساس ده عشان يبقى عندي عزيمة قوية لبكرة فاهمين قصدي؟؟

ايييييه الساعه بقت ١.٣٠ وعلى الوعد مش هنام الا لما اخلص الماده فاضلي ملفين واحد ١٠ صفحات والتاني ١٣ (مش كلهم شرح ممكن نصهم اسئله كمان ) يعني ممكن صافي ١٠ صفحات شرح و ١٥ صفحه اسئله (وتقريبا نفس اسئلة الملفين اللي فوق ) ف الدنيا ايزي وبيس يعم وفك كدا وربنا ييسر في امتحان بكرا ارجو الدعاء لاني بجد محتاجُه

تعبت اوي بجد والله جبت اخري من الهم والاسوأ اني مش عندي رفاهية اني ارتاح دلوقتي ضغط ضغط ضغط مسؤوليات مسؤوليات غم واكتئاب لما طفحته هححححح دعواتكم امتحاني بكرا وفاضلي بالظبط ٢٥ صفحه و٢٠ صفحة اسئله هذاكر الصفحات دي وابصمج الاسئله وزي ما تيجي بقا الماده سهله وكان قبلها ٥ ايام ووالله كنت ناوي اذاكر بس جالي دور برد ابن جزمه وبقالي اربع ايام مش بقدر اقوم لصلاة الفجر ف بالله دعواتكم عشان انا في امس الحاجه للدعاء ومش هنام الا لما اخلص الماده ان شاء الله

مهوا انا شب وجايب اخري اه جايب اخري هنقولي حرام هقولك مش قادر استحمل بجد ليه عشان اتجوز اشتغل30سنه وفي الاخر ملقيش وحدا ترضا بيا مهوا انا بجد خايف اضعف ف الحرام انا 24سنه ماسك نفسي لاكن الشطان مسهل الطريق اوي ادعولي

السلام عليكم ممكن تدعولي أحل كويس في الإمتحان انهارده وإنه يعدي على خير هو عملي والصور كلها شبه بعضها وأكتر من مادة وكله داخل في كله فأدعولي إني أحل كويس والإمتحان يكون حلو وربنا يعديه على خير

جماعه اختي النهارده كانت بتضحك جامد كل متحصلش حاجه تضحك بطريقه اوفر انا الوحيده اللي لاحظت انها كانت بتحاول تداري زعلها في الضحك انا بجد حزينه اوي عليها ادعولها وادعولي اشوفها مبسوطه

جماعة ادعولى بكرا ورايا امتحان مادة صعبة اوى اوى ادعولى انى اعدى بجد والامتحان يكون سهل واجيب تقدير فيها يارب بجد ربِّ اشرح لي صدري، ويسّر لي أمري، واحلل عقدةً من لساني يفقهوا قولي ♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي ♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي ♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️ ربِّ اشرح لي صدري، ويسّر لي أمري، واحلل عقدةً من لساني يفقهوا قولي♥️

أنا بجد كنت سيبت التطبيق ده لانه فيه ناس غريبة بشكل مرعب حاله حال الدنيا أكيد بس هي مش ناقصة أصلها بس عادي مش لاقية حد أقوله حاجة وبحب أطلع اللي جوايا عشان بحس اني كل ما كتمت بتعب أكتر مش عارفة ليه بقيت بحس ان من كتر الحاجات اللي بتحصلي دي ان ربنا بيحبني أوي أوي وبيبقى عاوز يطهرني من أي ذنب عملته وبعمله اه الحاجات دي متعبة فوق الوصف وبتوصلني كتير للانهيار بس خلاص بقيت حاسة انه عادي يعني الدنيا فانية واللي يحصل يحصل بقى حقيقي مش عارفة ده تصالح ولا ده حالة نفسية ولا ده ايه والناس .. الناس بقيت متوقعة دايما انهم ماشيين اللي هو أكيد انت مش مكمل لا أكيد هتبعد أكيد هتنسى أكيد أنا مش مهمة لأي حد فعادي بردو كله عادي خلاص مفيش جديد بس كدة ده اللي جوايا حاليا طلب أو رجاء أخير بلاش كلام وحش أو تعليقات غريبة عشان حقيقي بتؤذيني وفي نفس الوقت بطلب منكم دايما الدعاء ولكم بالمثل والله أنا بتمنى لكل الناس تبقى مبسوطة من قلبي شكرا ❤️

عشر اسألة صح علشان انجح! يارب تلاقو اللي يدعيلكو وقت ما تكونو محتاجين ادعولي انجح ادعولي احل اكتر من عشر اسألة صح بكرة في الامتحان علشان انجح خايفة دي كلمة قليلة على اللي انا فيه ادعولي كمان أخرج من الامتحان متطمنة ومفضلش خايفة ومستنية النتيجة وخايفة اكون سقطت ادعولي من كل قلبكم يارب تلاقو اللي يدعيلكو وقت ما تكونو محتاجين

يجدعان انا مقهور اوي اوي انا اتاكل عليا عرقي وشقايا وتعب ربنا بس اللي يعلم بيه الكلام ده من 3ساعات تقريبا وانا مش عارف اوقف تفكير فيه وعمال احسبن علي صاحب الشغل ومش عارف اوقف كل دقيقه ادعي عليه يخش عليه بالخراب

وحش اوي شعور فقدان الشغف في وقت مينفعش فيه فقدان الشغف ولازم ابذل أقصى مجهود عندي بس بجد حاسه بعد كل التعب دا مش هوصل لحاجه ومش هحقق اللي انا عايزاه خوف مش طبيعي من تالته ثانوي وكل م الم ماده الاقي الماده التانيه باظت خالص هل دا طبيعي ولا انا بفكر بزياده وخوفي دا ملوش لازمه بجد محتاجه نصايح ودعم كتير ومش لاقياه ياريت تدعولي بجد في الأيام دي احقق اللي بتمناه واجيب المجموع اللي يرضيني ومحدش يشمت فيا🥲

يا جماعة، ادعوا لي من قلوبكم ربنا يحقق لي اللي بتمناه بجد ويجبر بخاطري.. أنا تعبت قوي ونفسي ربنا يفرح قلبي، ويارب يحقق لكم أنتم كمان كل اللي بتتمنوه ويوفقكم ويسعدكم زي ما بتمنوا لي الخير. اللهم افتح لنا جميعاً أبواب رزقك وتوفيقك، ولا تجعل بيننا شقياً ولا محروماً، واجمعنا دايماً على الخير. قولوا آمين وادعوا لنفسكم دعوة حلوة ♥️♥️

صباح الخير ما اصعب ان يتحمل الانسان مالا يطيق لاجل من يحب بعانى والله يا جدعان دعواتك لانى قدام انى اتحمل حاجه صعبه جدا عليا تعب جسدى ونفسى زى اللى زرع نفسه فى ارض مش أرضه علشان بيحب المزارع بين نارين نار الوضع الحالى ونار خسارتى للمزارع

اللي يشوف كلامي يدعيلي اوي عندي امتحان بكرة اكثر امتحان خايفة منه لاني رايحة وانا مش عارفة حاجة فيه ادعولي احل صح وادعولي بكل الدعوات اللي تيجي على بالكم وادعولي بردو إن ربنا يوفقني في الاسبوع كل لان الخمس ايام اللي جاية كلهم امتحانات ورا بعض وانا اول مره في حياتي ادخل امتحانات وانا مش عارفة كلمة في المنهج ويارب سامحني على تضييع وقتي

اللي يشوف كلامي يدعيلي اوي عندي امتحان بكرة اكثر امتحان خايفة منه لاني رايحة وانا مش عارفة حاجة فيه ادعولي احل صح وادعولي بكل الدعوات اللي تيجي على بالكم وادعولي بردو إن ربنا يوفقني في الاسبوع كل لان الخمس ايام اللي جاية كلهم امتحانات ورا بعض وانا اول مره في حياتي ادخل امتحانات وانا مش عارفة كلمة في المنهج ويارب سامحني على تضييع وقتي

اللي يشوف كلامي يدعيلي اوي عندي امتحان بكرة اكتر امتحان خايفة منه لاني رايحة وانا مش عارفة حاجة فيه ادعولي احل صح وادعولي بكل الدعوات اللي تيجي على بالكم وادعولي بردو إن ربنا يوفقني في الاسبوع كل لان الخمس ايام اللي جاية كلهم امتحانات ورا بعض وانا اول مره في حياتي ادخل امتحانات وانا مش عارفة كلمة في المنهج ويارب سامحني على تضييع وقتي

يا جماعة انا في اولى ثانوي وعليا امتحان بكرة علوم متكاملة وانا صفر معلومات صفر منهج مكنتش بروح الدرس لسه ابيض خالص والله وعايزة الم العلوم المتكاملة النهاردة والمشكلة مش عارفة ابدأ منين ولا اسمع فيديو مين ويشرح ويحل في نفس الوقت وطبعًا ميكونش طويل وخطوات المذاكرة اعمل ايه ياريت بجد حد يساعدني لأن مينفعش ادخل الامتحان بكرة مفيش خالص كده وده اكتر امتحان خايفة منه اصلًا وادعولي اللي يشوف البوست يدعيلي حتى لو مش هيعرف يساعدني

اعمل ايه لو رزق الزواج اتأخر عليا اوي اوي انا عملت كل حاجة ممكن تتعمل من دعوات وقيام وصدقة وجبر خواطر الناس وكتير بنية ان ربنا يرزقني زوج صالح غير كده انا شكلا وموضوعا حلوة مجتهدة وشاطرة ومحترمة وصاحبة بيزنس والكلام ده بحكم الناس مش رؤيتي لنفسي وخلاص الموضوع ده بالذات متعقد ف حياتي بشكل غريب مش قادرة افهم ليه حتي لو ناس اتقدمت الموضوع مش بيكمل نهائي

مفيش وقت للصياح ذاكر وانت بتعيط 🥲 ربنا يهديني والله امال هعمل ايه في باقي المواد يتم افتتاح المحاضرة الخامسه من ٩ يعني فاضل ٥،٦،٧،٨،٩ الله اكبر مفيهاش نوم النهارده 🙂 حسبي الله ونعم الوكيل في اي حاجه والله ما هكررها تاني ف يارب عديهالي الترم دا بس يارب اللهم اني اتبرأ اليك من حولي وقوتي والتجأ الى حولك وقوتك اللهم انصرني ولا تنصر على واعني ولا تعن على واهدني ويسر الهدى لي اللهم استجب دعائي ولا تقطع رجائي اللهم اني اسالك التيسير في الامتحان اللهم الهمني الصواب في الجواب يارب العالمين 🤍

المرادي مجاليش بانك اتاك معرفش ليه مع ان اتعودت فكل مره جسمي بيرتعش و نبضات قلب سريعه... الماردي مشتفهوش وهو تعبان لان فضل مخبي علينا اليوم كله وده خطر اكتر ..حقك عليا يا حبيبي انا اسفه اوي لو زعلتك فيوم كنت ولو ١% نسبه فتعبك او زعلك حقلك عليا و علينا كلنا علشان معنديش اغلي ولا اهم منك . نفسي اتعلم اعبرك عن حبي و اهتمامي بس مش عارفه و نفسي اتعود احضنك و افرحك منغير سبب بأفعال و كلام بس مش عارفه. المهم ممكن تقروا دعاء ده بلسانكم فضلا❤️ الحمدلله و الصلاة و السلام علي رسول الله . اللهم رب الناس اذهب البأس و اشفه انت الشافي لا شفاء الا شفاؤك شفاء لا يغادر سقما

عايزة اطلب طلب مش متعودة اطلبو أبدا حتي ل نفسي بنسي اعملها ل نفسي. ممكن تدعولي.؟ انا محتاجاة اوي الدعاء. محتاجة دعاء وسط صلاة وسجود كدا. بجد ادعولي اجيب مجموع عشان خاطري بجد هكون ممتنه اوي اوي اوي اوي لأي حد هيدعيلي ولو مرة واحدة. وطبعا عشان متقولوش يارب وفق فلانه اللي ع آب توهيل لا قولو يارب وفق خديجة وتجيب المجموع اللي هي عيزاه. بجدهكون ممتنه. ♡

ولتاني مرة بمسح الاغاني ومش هختطلت ولا هتكلم والحمد لله قدرت اعدي شوت جامد في الموضوع ده فاضلي بس الاغاني يارب انا تعبت انا انتكست جامد اوي يارب اكون احسن من كده وارجع اعبدك واذاكر احسن من الاول واجتنب كل معاصيك ياريت تدعولي ولو عندكم نصيحة حطوها انا هنام وان شاء الله عندي امل اكون حد جديد ذو همة وعزيمة ومسمعش بكرا ولا اغنية واحدة

حسبي الله ونعم الوكيل فكل راجل ديكتاتور وظالم ومفترى بيتجبر على مراته وبناته من غير وجه حق ربنا قوى وقادر على كل شئ يهدك ويقل قوتك ويبعد شرك عن كل ال بتأذيهم يا ظالم ، مفيش ظالم الا وله نهاية وربنا بيقول للشئ كن فيكون .

محتاجه تدعولي و تدعوا لي والدتي ب الشفاء لان بجد امي اتحملت كتير دعواتكم لينا و لكم ب المثل و يارب ما حد يجرب ده ابدا يارب هي عندها حاجات كتير بدون الدخول في تفاصيل ادعولها و النبي اني اشوفها سليمه معافاه من كل مرض يارب مليش غيرها حرفياااا و انا من غيرها ولا حاجه ادعولنا و لكم ب المثل

ممكن ميكنشحد صاحي بس الي صاحي ممكن اي حد يدعيلي أن ربنا يريح قلبي و عقلي و ربنا يحقق لي كل الي انا عايزه بجد لأن أنا مش مرتاحه هو الحمدلله بس ممكن ربنا يستجيب انا محتاجه اي حد يدعيلي بجد و أن شاء الله لكم المثل و اكتر يارب

الدنيا دي صعبة بشكل لا يحتمل بجد بكم ابتلاءات رهيب أنا حقيقي تعبانة أوي وبنهار جسديا ونفسيا ومحتاجه بس الدعاء من فضلكم شكرا لا اله إلا الله وحده لا شريك له، له الملك وله الحمد يحيي ويميت وهو على كل شيءٍ قدير

دمرني الحب من طرف واحد لازم نسمع نصيحة وحدة حب المراهقة معليش بصح خلاص موليتش نقدر نعيش حياتي تعلقت بإنسان لدرجة كبيرة هو عايش حياتو وأنا نقعد مقلقة سييت كلش باش نفك هذا التعلق والو محبش ينفك كنت حاسبة روحي تخطيت بصح من أول كلمة منو عاودت وليت للصفر عييت بزاف ودعيت بزاف ربي سبحانو نتمنى منكم تدعولي

عندي امتحانين يوم الجمعه و ضايعه شويه بصراحه و عماله اعيط بس و حاسه ان خلاص كده و اصلا دي اخر محاوله ليا و لو مجبتش مجموع مش هدخل الكليه الي انا عيزاها انا اهلي تعبو كتير اوي عشاني وانا عايزه افرحهم انا بجد مرعوبه ممكن لو حد شاف البوست ده يدعيلي لوسمحت شكرا

والله ما علاباليش وش نقول، راسي راه معمر وفي نفس الوقت حاس روحي فارغة، كلش مخلوط وما قدرتش نعبّر. تعبت بصح، تعبت من هاد الحالة ومن كلش داير بيا. مرات نحس غير نحب كلش يوقف شوية باش نقدر نفهم روحي ونرتاح. ماشي نطلب حل ولا حاجة، غير حبيت نهدر شوية خاطر كتمان كلش راه يرهقني. ما نعرفش وش راه جاي ولا كيفاش تكون الأيام الجاية، بصح نتمنى غير تجي أسهل شوية. إذا تقدر، ادعيلي برك، هذا واش نحتاج درك.

سلام عليكم دخلت نهدر هدرا في الحقيقة حبيت بنادم وحدوخر يسمعها بصح للأسف منقدرش خاطرش شكيت مدايرتنيش كيما دايرها .بون حياتي حاسها مخلطة لحاجة لي حابها جي ليا تبعد و الحاجة لي حابها تبعد جيني عييت في عمري 23 مراني داير والو فحياتي نقرا ماستر 1 منيش نشكي برك ني نحكيلكم فحياتي خاش نشكي لربي برك و علابالي بلي راه كاتبلي كلش حتى رزقي الموفيد خلينا من كلش هههه كرهت منكملش صايي ربي يسهللكم كامل ادعولي باش ربي يرزقني واش راني متمني ادعولي ربي يسهلي فحياتي 🫶

سبحان مغير مقامات الناس في قلوبنا الناس البنحس اننا مش قادرين نستغني عنهم وانهم لو بعدوا احنا هندمر فراقهم طلع اسهل واهون ما في الحياه بس كل العليك قيام الليل وتدعي ربنا اللهم علقني بك وذكرك وبنبيك وكتابك والا تعلق قلبي بغيرك

انا ف اسوء فترات حياتي كل حاجه باظيه بس اكبر و اهم حاجه ان جدو تعبان حبيبي بقاله شهر ف المستشفى و 3 عمليات كان عنده ورم ف القولون و لسه عنده ورم ع الكبد و متبهدل انا مش عارفه اعيش حياتي مرعوبه اوي مرعوبه اخسره انا عمري ف حياتي ما خسرت حد معنديش استعداد اخسر اي حد من الناس اللي بحبها انا طول عمري بدعي يبقى يومي قبل يوم اي حد بحبه انا اضعف من اني استحمل حاجه زي دي و المشكلة اني داخله ع امتحانات و انا مش جاهزه انا بس بطلب من اي حد هيقرا انه يدعيله بالشفا و ان ربنا يقويني لان قلبي بيتقطع عليه

هو الإنسان بيلاقي شريك حياته فين؟ أنا بنت وقربت على 24 سنة وكل اللي انجذبولي قبل كدا مش مناسبين أبدًا وماقدرتش أوافق عليهم. عندي خوف من الوحدة زي أغلب الناس، وحياتي في بيت أهلي مش أسعد حياة، مفيش حواليا صحاب حاليا وانشغلت بدراستي وشغلي. هل أصلا مطلوب مني أعمل حاجة؟ بدعي ربنا، بس حاسة بتوهان شديد وقلق غصب عني. دعواتكم ❤️

لدي طلب صغير منكم لكل اخ او أخت هنا من فضلكم بقا 2 ساعة على فجر دعولي براحة بال و هداية و تحقيق المراد الان ستهلكت نفسي و روحي و تعبت كثير وانا احاول ابني نفسي و لكن ااعود لنقطة صفر خايف من ضياع خايف من فشل من فضلكم دعوة واحدة من قلب ❤️ و شكرا اتمنى لكم كل خير

مخنوقة وتعبت من حياتي والله كل مرة بشيل من دماغي فكرة الانتحار بس والله مش عارفة استغفر الله ربنا يسامحني بس الفكرة ف بالي بطريقة مش طبيعية بسبب كل حاجة ومعنديش اي طاقة ولا شغف اني احكي حاجة يريت تدعولي ادعولي كتير ابقي كويسة

محتاره جدا وضايعه ومبوسطه ومصدومه وقلبي هيخرج من مكانه فجأة قالي انه بيحبني ، انا حاساها برضو ، ومصدومه قبل ما يقولها اصلا ، مش عارفه اتصرف ايه بجد . هو كدا كدا ما ضغطش عليا وكان حريص بس اني ما ازعلش ... هل منطقي حد يحب حد باسبوعين؟ ادعولي الله يراضي قلبي ويعوضني وما انكسرش

عماله اقولهم مش خايفه و انا اصلا مرعوبه بس مخبيه بدون مبالغه انا حاسه بصوت نبضات قلبي من قوتها و سرعتها.. جسمي بيرتعش وكل ده علشان بابا جاتله ازمه قلبيه وتعبان اوي. عادي متردوش عالبوست المهم تدعوله 💔

تحدثت في منشور سابق عن مشاكلي مع اهلي .. وهي السبب الحقيقي الذي دفعني لتنزيل هذا التطبيق كي اعبر وافضض عن مشاكلي باريحية .. وصلت بهم بان منعوني عن الزواج والان عمر يقارب 30 سنة ومن الطبيعي انه امراه بمثل عمري ستحتاج الى رجل ستحتاج الى سند وشخص يعوضها عن المشاعر الايجابية التي لم تحصل عليها مع عائلتها .. مرات توسوس لي نفسي ويوسس لي الشيطان بان اقوم بانشاء حساب في وسائل التواصل الاجتماعي واتحدث مع الرجال .. اعلم ان الامر خطأ و لن يسبب لي الا المزيد من الالم بتعلقي برجل لن اتزوج به مستقبلا خاصة وانني لم اقم بأمور كهذه من قبل .. ادعوا ان يثبتني ربي و يهديني ولا أقع في اخطاء كهاته

حبيت اقول جزء من مشكلتي اتحل بالدعاء الدعاء مهما كنت بتعمل غلط صلي وادعي انا اتعرضت لظلم وخطيبي عملي ترومات كتيره وسابني وبعدها دخلت حاجات غلط وانا مش راضيه عليها كل ما بتعب نفسيا غصب عني كنت شايفه اني مذنبه بس مهما كنت بعمل غلط كنت بحاول اصلي وادعي وانا بعيط ان ربنا يساعدني ف اليوم اللي بعده ربنا يبعد الناس اللي بتخليني اعمل الغلط ده عني وارجع محترمه وكويسه ولما اتعب ارجع للغلط تاني ومستسلمش احاول واصلي وادعي وهكذا لحد ما الحمدلله دلوقتي بمساعده ربنا ومحاولتي وفهمي ان مفيش انسان مش بيغلط وان ربنا عالم باللي جوايا اكتر من نفسي الحمدلله ربنا بعد الناس اللي بتخليني اغلط الي حد كبير عني ف حبيت انزل ده عشان اقولكم مهما بتعمل غلط صلي وادعي وحاول وقاوم نفسك وادعي كتير ربنا يساعدك بس يكون جواك فعلا عايز تتساعد ❤️❤️ ربنا يهدينا ويفرح قلوبنا اجمعين

سلام عليكم انا عايز البوست ده يكسر الدنيا تدعولي تدعموني تجبرو بخاطري انا الحمدلله بعد معانات كتيرة جدا بطلت اباحيه بقالي 35 يوم فين وفين افكر فيها بس علطول ارجع افكر في اي حاجه تانيه.. حطيت قدام عيني بنتي فالمستقبل ان شاءلله لازم يكون ليها قدوة مش مجرد اب لازم يكون ليها شخص تحبه كصاحب قبل ما تحبه كأب فلازم انا كمان اكون كويس من جوايا الاول وصادق مع نفسي بقيت ملتزم فالصلاة اه سعات بفوت بس برجع علطول التزم وبدعي دايما ربنا يثبتني.. رغم اني والله العظيم مبتلي من نواحي كتيرة يعني اقصد اللي هيعيش ظروفي هيلجا للاباحيه بكل سهولة بس رغم كل ده قدرت ابطل واعيش الواقع... والله المعين♥

انا مخنوق جدا ومش عارف اعمل وتعبان وعايش لوحدي كان في حد هنا بيكلمني وجزاه الله خير ياريت يفهم غرضي من نشري للبوست ده كنت بقول برضو اني شاطر في مجالي اللي هو AI&Data وبجتهد دايما فا دعولي اقدر احقق اللي عايزه

افتكرت حاجة دلوقتي هي مؤلمة الصراحة وحشني أوي لما ماما كانت بترقيني كانت بتقولي بسم الله أرقيكي من كل شئ يؤذيكي الله يشفيكي وتمسح على راسي أنا بحاول أشغل الرقية وساعات أقولها لنفسي بس مش عارفة أحسها زي ما ماما كانت بتعمل ربنا يرحمها ويرحم بابا يا رب ويجمعني بيهم على خير ويعجل لقائي بيهم والله ..

مش طالب منكم حاجه غير دعوة ليا ربنا يفك المرب اللي انا بمر بيه والله بصلي وبدعي وببكي في سجودي لربنا بس الكرب كبير وانا وحيد معنديش صحاب او حد افضفض معاه واشكي واكلع اللي جوايا ببكي ساعات كتير لوحدي والله ربنا عالم باللي بمر بيه

صاحبي . ريّح مع ناس يحبوك تنجح ، والله ريّح مع عيباد يحبوك تربح وتطّور من روحك ، ريّح مع عيباد هايلين حتى إذا خالفوك يفتحولك آفاق ، ( ادعي ربي يلاقيك بعيباد تخاف ربي ، ادعي ربي يلاقيك بناس نيتهم زينة ، ناس فيهم الخير ) .. واستمتع صاحبي بحياتك والله عيشلها يالوكان بالقليل ماشي شرط لازملك ماركات وتيلفون اخر طراز وكذا ، لالا خو ألبس سامبل نظيف ، تبّسم مع خلق الله ، حافظ على دينك واتقي الله وبإذن الله ربي راح يجازيك .. ماتقلقش روحك رحمة ربي واسعة واش بيك .. وشكراً 🤍

باشوف أنه مفيش شيء يمنع أي شخص من أنه يؤذي الآخرين على كل مستويات الأذى غير مخافة الله. التربية لها دور والعرف له دور والإنسانيات لها دور وما بقي من فطرة الرحمة له دور، لكن حجر الزاوية اللي بيدور حواليه كل شيء ينعلق بالأذى تحديدًا عبر تاريخ البشر هو خوف الناس من ربنا، وكونه شدید العقاب وكونه يمهل ولا يهمل. أجدادنا اللي كانت بلاغتهم فطرية وفطرتهم بليغة لخصوا كل أذى الناس للناس في جملة عظيمة المعنى شديدة التكثيف لما قالوا: - اللي ميخافش ربنا خاف منه. وأقولها وأنا الرجل كثير الذنب - ربنا يرزقنا الخوف منه.

السلام عليكم ايه الحزن دا يا جماعه انا بجد حزينه معرفش ليه ادعولي يا جماعه معرفش تدعولي بي ايه بس ادعولي و خلاص صلو علي النبي استغفرالله الحمدلله سبحان الله لا إله إلا الله كل دا و الحروف مخلصتش اقول ايه اكتر من كدا

في تالتة و المراجعات بدأت و منمتش بقالي تلت ايام كنت مع امي في المستشفى و عملت عملية و انا الكبير لها و الموضوع متعب اوي و هي تعبانة و العملية كبيرة اوي اوي و حاسس ان الوقت مش مناسب خالص و خايف على امي وخايف على تالتة و كان نفسي ادخل ال GUC و إن شاء الله هحصلها اتمنى يعني حتى لو نصف منحة المهم ادعولي و ادعلوا لأمي بالشفاء 🌷