السلام عليكم ورحمة الله وبركاته اخباركم ايه يا شباب نوتيلا عادت من جديد اكتشفت حاجة جديدة فاكرين لما قولتلكم اني حاسة اني مبسوطة اني اشتغلت حاسة ان نفسيتي بقت احسن اكتشفت اني ربطت ده بالسعادة يعني الاسبوع اللي اخذته اجازة علشان الميدترم و اجازة العيد رجعت تاني مكتئبة و نفسيتي وحشة ممكن لاني كنت اتعودت خلاص اني بقيت بشتغل و اني بعمل حاجة"بحس اني انجزت حاجة" فبتكون نفسيتي احسن و اكتشفت اني بردو عاملة نفس الموضوع من زمان في البيت ان البيت ده مكان للنوم و الاكل بس فمش بذاكر فيه مس عارفة اعمل ايه و ده غلط اني اقعد اربط كل حاجة كده لان وارد يحصل اي تغيير في الحياة عادي و ابسط مشكلة وقت امتحانات العملي و الفاينل بردو هضطر اخذ اجازة من الشغل ده غير بردو ان الشغل ده مؤقت فوارد اسيبه في اي وقت و خايفة المشكلة ديه تكبر معايا و مش عارفة اعمل ايه
بس يبقى انت اهو لقيتي الحل الحل هو انك تعملي أجواء دراسه زي انك مثلا تذاكري مع صحابك أو في الجامعه مثلا لو ينفع المهم متذاكريش في البيت و حتى لو ذاكرتي في البيت تغيري أجواء البيت و تنزلي تتمشي الاول و تطلعي البيت كانك رحتي مكان جديد ف تدخلي البيت تلاقي الأجواء مختلفه كانك رحتي مكان جديد و تذاكري
هي المشكله اكيد واضحه انك بتحبي الشغل ده او أنك بتشتغلي بطريقه انت بتحبها من غير ما تعرفي ايكان ايه هو الشغل أو الطريقه دي بس حاولي تطبقيها على المذاكره عشان متحسيش ب الخمول و الاكتئاب ده احيانا بتكون المشكله في أننا مش فاهمين نفسنا كويس ولا عارفين احنا بنحب ايه ولا بنعرف نعمل ايه بس الاهم هو انك تفهمي انت بتحسي ب ايه امتى و عشان تعرفي انت بترتاحي و بتحبي تعملي ايه او بطريقه ازاي و بلاش ناخد نصائح من حد ممكن نفضفض اه لاكن ناخد نصائح لا و الي انا كتبته ده مش نصيحه انا بس قلت لك تدوري على الاجابه بنفسك و جواكي انت لان مفيش حد يعرفك غيرك
اهلا بيك
لا انت اتحسدتي يا نوتيلا😅