الحالة اللي انا فيها دي خلاص مابقتش مجرد غيمة عابرة وهتخلص لأ دي بقت هيا برمجة عقلي والوضع الافتراضي لوعيي تُقل فـ صدري بشكل مستمر بيخليني بالظبط كأني عباره عن أسمنت ناشف وكل نفس طالع بطلوع الروح المرعب فعلاً هو الروتين الآلي اللي بمارس بيه يومي ببراعة مضللة لإن محدش بيفهمني ولا بيستوعب اللي انا فيه انا بقوم وبتحرك وبتعامل مع الناس وبقول الردود المحفوظة واللي بتقنع اي حد وببتسم في وشوشهم فالكل من برة شايفني "كويس جداً" وثابت وميعرفوش إن المظهر ده مجرد قناع اجتماعي مُتقن لإخفاء انهيار داخلي كامل أنا عايش في عزلة مطلقة جوة صندوق إزاز سميك شايف زحمة الدنيا حواليا وبسمع أصواتهم كأنها جاية من تحت المية واقف وسطهم بس بيني وبينهم آلاف السنين الضوئية ومفيش مخلوق قادر يلمس حقيقتي أو يستوعب غُربتي جوة عقلي ألم بارد وصامت ملوش صوت ولا دموع تخلي حد يخبط على بابي حتى او يقولي مالك حتة ورا حتة بتنطفي في العتمة جوة دماغي في جو هادي وصامت جدا ومأساوي بينما العالم برة لسه بيمدح في تماسك الواجهة الخارجية اللي ماباقاش فاضل جواها غير الرماد انا مش بدور على منقذ انا بحكي وخلاص ..
عموما مفيش منقذ اصلا ليك غير نفسك بس ما علينا انت يا صاحبى حاول تكسر الروتين ده لان الروتين فعلا بياكل فى الانسان و بيقتله بالبطئ و بيقتلى ابداعه و يحوله لترس اكسر الروتين ده غير كل شويه فى حاجة فى حياتك
مبحبش انه حد يقارن ألم حد بيه بس فعلا حاسة بيك و بمر من نفس الأحاسيس و عارفة موضوع مفيش حد مش مشغول و هيسمعك و يفهمك كليا عارفة ازاي موضوع انك بس قدام الناس كأنك بتصنع جدار بتبين ليهم انه كل تمام بس الجدار ده بتحسه على روحك ثقيل عارفة انك بس بتتكلم و مش عايز منقذ بس خلف كل ده روحك بجد بتتألم و عايزة حل رغم انك باعمق داخلك عارف الحل كويس بس مش لاقي ليه طاقة او ظروف ملائمة و مقدرش انصحك و بالعكس اسفة عشان ممكن اكون بزعجك و بطول الكلام بلا فايدة بس اخدت نصيحة من شخص هنا بالتطبيق عز علي انه جرب تحصن نفسك و تسمع للقرٱن كثير و انا لسا هبدأ الحل ده اللي كنت بعمله زمان اني ابدأ هوايات حديدة كل مرة حاجة اعملها و مأخليش دماغي لوحدوا معزول بطريقة سلبية يزيد يغرق روحي و بتمنى لك فعلا انك تنتهي من القفل ده و ربنا يرزقك الفرحة الدايمة
لازم تطلب مساعدة مش عيب
قريت كلامك كله، ومش هقولك متزعلش لان واضح ان اللي جواك اكبر من كده بكتير. بس حبيت اقولك انك مش مضطر تفضل شايل كل ده لوحدك. حتى لو حاسس ان محدش فاهمك، حاول تدي فرصة لحد يسمعك بجد. وصدقني تعبك ومشاعرك حقيقيين ومش لازم تفضل مخبيهم ورا كلمة كويس. اتمنى الايام الجاية تكون اهدى عليك شوية اتمنى تعرف انك مش لازم تواجه كل ده لوحدك. ولو احتجت تتكلم او تفضفض لحد، متكتمش كل حاجة جواك. ربنا يهون عليك ويطمن قلبك💗
كلنا كنا كده يا صاحبى انت حاول تكسر الروتين تجدد تبدا تكلم نفسك و تفهمها و حاول لو عندك حد تكلمه و تطلع اللى جواك و ان شاء الله تبقى احسن يا مل