حاسه محتاجه افضفض ، ساعات بحس إني عقاب من ربنا لأهلي حاسه إني وحشه أوي بجد غير خناقات بابا وماما وخيانة بابا ليها دايماً وأنا صغيره كنت بتضرب ف المدرسه والعيال بتسرق حاجتي ويوم م كنت أقول مش عايزه أروح يضربوني ف البيت ومحدش كان فاهم أنا بعاني ازاي كنت شخص انطوائي وما زلت وكنت كمان بتعرض للتحرش وأنا طفله! قبل م ادخل المدرسه وبعد م دخلت أنا فاكره مره وأنا ف 6 ابتدائي كنت واقفه بشتري حاجه ف رمضان وواحد واقف يتحرش بيا من ورا أنا حقيقي مكنتش فاهمه فيه ايه وكنت خايفه محدش علمني ادافع عن نفسي أنا حتى من 4 سنين اتعرضت للتحرش مره قدام والدتي كنا راكبين جنب السواق قالتلي هو بيلمس رجلك قولتلها اه قالتلي معلش احنا قربنا نوصل بدل م تديله بالجذمه! أنا والدتي كويسه والله بس مش فاهمه ليه مدافعتش عني ولا علمتني ده المهم وأنا ف 3 إعدادي كان حصلي مشكله بسبب صور مش كويسه لواحده صحبتي مع حد ف بدأ يهددني ويعملي مشكله أنا كمان عشان أتصور كان بيهددني بصور عاديه ليا منزلاها بس أنا بطبيعتي جبانه ومقدرتش أفكر وقتها وسمعت الكلام المهم فيه شخص كلمني على أساس انه ظابط وبيساعدني هما كانوا عايزين حاجه دهب ف سألني مامتك معاها قولتله اه قالي خلاص هاتي حاجه من حاجة مامتك نخلص الموضوع ونرجعها تاني وبعد زن كتير للأسف وافقت وكانت فتره حقيقي ما يعلم بيها إلا ربنا وفقدت ثقة أهلي فيا وخدوني كشفوا عليا يتأكدوا إني بنت ولا لا ف عملولي موضوع الختان كمان وقتها كنت مكسوفه وزعلانه بس ربنا أراد إني اخد فرصه تانيه بس للأسف اتعرضت لموضوع الصور تاني وحد رجع يهددني تاني بس وقتها فيه ناس ساعدتني الحمدلله ومنهم شخص حبني وأنا حبيته جداً بس للأسف والدتي رفضت لأني وقتها كنت 15 سنه ولما حكيتلها انه ساعدني فكرت انه ليه علاقه بالموضوع رفضت أكتر عارفين على قد ما حبيته على قد م انا مش فاكره علاقتنا خالص مش فاكره أي حاجه فيها نهائي بس أنا فاكره ان مره اتخانقنا قالي ناخد بريك من بعض حسيت إن كده خلاص عايز يسيبني المهم عدى سنتين تلاته فيه شخص دخل حياتي كنت رفضاه تماماً فضل يقنعني بيه لحد م اقتنعت وحبيته جداً وكنت مستعده أعمل أي حاجه عشانه بداية علاقتنا للأسف كانت غلط فضل يحاول يقنعني إن لو خلاني أفقد عذريتي ده يخلينا منبعدش عن بعض أبداً وإن ده هيخليه يحاول عشاني وطبعاً عشان غبيه وافقت والنتيجه انه ف الآخر سابني وخطب وفركش وارتبط وعايش حياته وأنا كل م اسأله على حل يقولي سيبيها لوقتها عيشي حياتك ولو جالك عريس وافقي! طبعاً أهلي ميعرفوش إني بوظت حياتي أنا والله مش وحشه وبصلي ومش بسيب فرض من 2021 بس أنا ضيعت نفسي بسبب غبائي ساعات بحس إني كنت مثاليه ف العلاقه دي عشان أثبت للأول إني كويسه أهو ومكنش المفروض تسيبني مش عارفه كل حاجه متلخبطه جوا دماغي ادعولي كل حاجه تكون كويسه والاقي حل عشان حياتي ترجع طبيعيه فضلاً