بابا وماما منفصلين من وانا 3 سنين ،ومعرفش حاجه عن بابا من زمان اوي انا عايشه مع ماما اسوء ايامي دايما زعيق وشتايم واهانات وتقليل مني انا عندي اخ بس هي بتحبه اوي حتى لو زعقتله مش بتبقى بنفس الطريقه اللي بتزعقلي بيها يعني دايما بتشتمني ب يبنت الكلب ،بتجرحني اوي لان لاحظت عمرها ما شتمت اخويا بالشتيمه دي حصل موقف كانت مستنياني ف مكان بالعربيه بعد الجامعه وقالتلي هستناكي ف مكان كذا ف قولتلها بلاش هنا عشان ممكن اتلغبط واقف ف مكان غلط خلينا ف مكان تاني وقولتلها عليه قالتلي ماشي المهم برن عليها بعد ما وصلت لقيتها واقفه ف المكان اللي قولتلها عليه بس النااحيه التانيه من الطريقه المهم معرفش هل انا عبّرت غلط مثلا او هي مفهمتش قصدي المهم قلبت الموضوع عليا وتقولي انتي غبيه ومبتفهميش انتي عيله وسخه زي عيلك واهلك الوسخين انتي واحده متربتيش انا هاخد من الفون واكسره ع دماغك عن تصحصحي كده المهم والله معرف ايه اللي خلاها تقول كل الكلام ده ،يعني تممام ماشي، فلنفترض انا اللي غلط وقولتلها تقف ف مكان غلط ،ليه تشتم كل الشتايم دي، هي فاكراني مبحسش يعني ف قولتلها هو انتي عمرك ما اعترفتي انك غلطانه ابدا انتي اللي غلطانه ف الطريق طبيعي هقف ف الناحيه اللي بنروّح منها انتي واقفه ف الجمب التاني ليه قالتلي انتي مش بتفهمي وغبيه قولتلها انتي اللي مش بتفهمي عارفه انه حرام والله بس طلعت مني من العصبيه بالغلط طول الطريق نص ساعه عماله تتكلم وتشتم فيا وتقول قد ايه انا وحشه وعمري ما هنفع في حياتي روحت قولتلها شتيمه تانيه وهردهالك راحت تقولي انا هوريكي لما ف البيت والله لاوريكي وهربيكي واعلمك الادب والله لاخلي حياتك سوده واحنا داخلين العماره ع الباب لسه بتقولي يلا بقى هاتيلي فونك وافتحيه ووالله لاوريكي لما تطلعي روحت قولتلها انتي عايزه تتخانقي صح انا رايحه عند تيتا سلام وسيبتها وروحت عند تيتا للعلم والله عايشه ف كده كتير اوي ويوميا بسكت ومش برد عليها كل اللي بعمله تقريبا لما تعمل معايا كده بدخل الاوضه واقفل على نفسي الباب عشان مسمعش كلامها رغم اني بردو بتأذي نفسيا وتفضل هي واخويا يتكلمو عليا ويشتموني وعادي كده مش مهم بالنسبالهم اسمعهم ولا اتفلق المره دي الوحيده اللي رديت والموضوع كبر
ربنا يمن عليكي بكل خير ويبعد عنك شر الناس ويراضيكي ويرضى عنك حاولي تقنعي نفسك إنك مش زي كلام والدتك وحاولي إن ربنا رزقك واتقدم لك شاب كويس وان حلال طيب وحنين وكل حاجة بينكم تمام ف وافقي مش لأنك عاوزة تهربي من البيت بأي طريقة ولكن لأنك عاوزة تعيشي حياة طيبة هادئة صالحة ربنا يعينك ويهدي اهلك ويحنن قلوبهم ويبعد عنكم قسوة القلب + المهم إنك لا تحملي كره والدتك وحاولي تتأقلمي مهما حصل متصدقيش كلامها أنا حزين لاجلك واسأل الله ان يمن عليكي بكل خير ويبعد عنك كل سوء
جربتي تحكي لجدتك عن الكلام ده او حد هي بتعمله حساب ولو عملتي كده ومفيش فايده لازم تفهمي وتبقي مقتنعه بينك وبين نفسك ان كلامها عليك مش صحيح يعني لما تقول وسخه ف انتي مش وسخه لما تقولك انتي مش نافعه دا بردو مش حقيقي انتي نافعه الفكره انك متتاثريش بكلامها لانها واضح انها عندها تروما من باباك وبتطلعها فيك او ممكن عشان شايله حمل اكبر منها واخده دور الام والاب ف الموضوع قالب بضغط عليها وبتطلعه فيك التمسي ليها العذر خليكي حنينه معاها وخديها على قد عقلها ومتاخديش بكلامها وحاولي تتكلمي معاها في وقت هي رايقه فيه واحكيلها عن اللي بيدايقك بطريقه هاديه وحسني علاقتك بيها مثلا ادخلي عليه بهديه وقوليلها كلام حلو واي حاجه تعملها فيك احتسبيها اجر من عند ربنا وإن شاء الله ربنا يهديهالك ويصلح الامور بينكم
هوا غالبا انتي طالاما بتقولي انفصلو من ونتي 3 سنين ف اكيد طبعا ف حجات كتيره حصلت انتي محاضرتهاش ولا اتحكتلك و باين انها مش بتضايقك انتي هيا زي ميكون بتنتقم منهم بس فيكي والله اعلم لي اكيد دا سببه في الماضي بس حتت انك بتقدري تردي عليها هيا حرام اه لكن ممكن نستغلها صح يعني كويس انك بتعرفي تتكلمي الفكره مهما اشتيكتي لحد او دخلتي حد ف الموضوع مش هيحل حاجه لان سبب التعامل دا مش غلط منك هوا سببه حاجات قديمه ملهاش علاقه بيكي ومظنش هتحكيها لحد فا يمكن من وجهة نظري اللي شايفه سليم حاليا انك تواجهيها وتقلي عليها بكلام يعني موقف انها استنتك بالعربيه هوا باين جدا انها تقريبا شيفاكي اهل جوزها مش بنتها فا انتي كنتي تقوللها هوا باين جدا ان الحوار عادي و انا مش غلطانه فيه وباين جدا انك مكبره الموضوع و بتشتميني مش بسبب الموقف بس بسبب حاجه تانيه فا اي هيا ..مستحيل متكونيش بتحبيني عشان انا بنتك بس هل بقي في حاجه تانيه مكنتيش عاوزه تخلفيني مثلا ولا انا بفكرك ب ابويا.. فاهمه اللي هوا تخليها تاخد بالها انه الموضوع اتكشف وقتها يمكن فعلا تحس بيكي و تبدء تقولك و ان شاء الله متتهربش
انتي بتقولي جامعه يعني انتي كبيره نسبيا لو تعرفي تقدمي في السكن الجامعي مثلا او تروحي لوالدك وتفضلي عند جدتك شويه او تحكيلها يكلموا مامتك تهونها عليكي شويه وحاولي تشوفي شغل تسندي نفسك بنفسك مش سهل انك تشتغلي وتدرسي مع بعض ممكن تجربي وتوقفي مثلا وقت الامتحان
لو تقدري تعتزلي المكان الي هي فيه اعملي كده يعني لو ينفع تعيشي مع جدتك او الوالد روحي عيش عندهم وخلي امك زيارات بس كده وهي مهما تعمل المفروض تفضل باره بيها فا بريها من بعيد
حاسس اوي بيكي نفس التجربة بعيشها من ١٥ سنه بكل تفاصيلها بكل كلمه و فعل و رد فعل بفكرها كل ما تتخانق و تشتم و تزعق اني ابنها مش جوزها او اهل جوزها للاسف مفيش فايده حياتي مدمرة حرفيا بس اشتعلت و بصرف عليهم ز علي نفسي و مهما بحاول اكسب ودهم برده في اقل واتفه مشكله بسمع كلام كتير بقاله اكتر من ٢٠ سنه و كلام يسد النفس حرفيا بس مفيش بديل الاهل اهل مهما كانو وصلت لمرحه اني مزعلشي من الكلام الي بسمعه و مهتمش بيه اصلا وخلاص المشكله مش فيكي المشكله في التجارب الي مرت بيها و حياتها الي انهارت و تجربتها الي فشلت انا عايش معاكي نفس التجربه بنغس مواقفها العادية و الأقل من العادية كمان و بسمع كلام و تقليل و حاجات تقهر وتحرق القلب بس زي ما بقولك كده و دي نتيجة وصلتلها بعد دكاتره و فلوس كتير اوي أدوية وتعب طويل مع الاهل انسي اي حاجة و مشتليش في نفسك و كويس ان ليكي مكان تاني تروحيه حولي يكون عندك شغل و مصدر دخل هترتاحي نفسيا جدا
كان في واحدة زيك كده اسمها اسماء نفس حالتك كده بس اللى حصل أن ابوها وامها انفصلوا وسابوها وامها رجعت بعد سنين وبقت تعاملها وحش وأبوها بيشرب مخدرات وشافت حياة سوده ادامها واتربت بعيد عن أهلها ولما رحت مامتها كانت بتعاملها وحش انا بس بحكيلك أن فى ظروف اصعب تخلينا نصبر على الحال إللى احنا فيه والدتك ممكن شايفة أن تصرفاتك وحياتك شبه عيلة باباكى وهى اصلا كارها الأسلوب ده من باباكى وعيلته
ربنا يهون عليكي ويصبرك معلهش مهما حصل منها برضو دي والدتك وربنا وحده يعلم هي بتعمل دا ليه وايه السبب بس برضو استغفري ربنا كدة وحاولي تصاحبيهااا وتتكلمي معاها كويس يمكن ربنا يحنن قلبها عليكي
ربنا يعينك طيب مرتاحه عند جدتك كده كويسين معاكى ؟ لو كده انتى مرتاحه اكتر استغفرى ربك برده عشان رديتى عليها وكده و عرفيها انك مرتاحه اكتر هناك بس ماتقاطعيهاش