جامعة

هو لي معظم البنات بقت كدا مش فاهم ، انا معظم صحابي فالجامعع بيكلموا بنات وانا بشوفهم دايما وبنسلم على بعض ، يعني الاقي صاحبي ماشي مع صاحبته وبيسلم عليا وانا اسلم عليه وعمري ما بصيت للبنت اللي ماشيه معاه عشان اعرف مثلا مين ده ، وعمري حتى ما سألتهم اتعرفتوا على بعض ازاي عشان بحترم زمايلي واخلاقي متسمحليش اني ابص للبنات اللي معاهم او اني اتكلم عليهم ، ومع ذلك ، صاحبه صاحبي تقعد تبصلي عمال على بطال وحرفيا لو انا روحت بدأت كلام معاها هتكلمني عادي وممكن تسيب صاحبي ومش كدا وبس مره كانت عماله تبصلي واحنا فالجامعه وصاحبها قاعد جمبي واول ما صاحبها حس بالموضوع قامت بصاله وضحكاله عشان متبينش ، يعني انا كشاب مش بيص للي ف ايد غيري وانتي كبنت بتبصي على شخص تاني خالص ومش بتبصي عاللي ف ايدك ، بغض النظر عن انه حرام وهيفضل حرام ، بس انا بتكلم عالموقف نفسه وافعال الناس

يا شباب انا كنت مرتبط ببنت ٣ سنين ومكنتش بكلم حد غيرها حرفيا ومخلص بزياده اوي لدرجه اني كنت مخليها هيه الجنس الآخر في حياتي ومكنتش بحب اتعامل مع البنات في التعاملات الحياتيه العاديه اختصارا ....كان فيه مشاكل بينا وسيبنا بعض تانيه جامعه وهيه بالمناسبه معايا في نفس الكليه المهم ان مشكلتي حبيت اني بحس اني مرتبك او متوتر علي خفيف او(بعمل تصرفات وبقول لنفسي بعدها ازاي انا يطلع مني كده انا ليه مش بكون مركز او حتي طبيعي) لما اجي اتعامل مع بنات مش عارف احل المشكله دي ازاي

من ابشع المواقف اللي حصلتلي بعد ما خلصت محاضراتي في الكليه طلعت وكنت واقفة ع بوابة الجامعة وبحكم نظري الضعيف واني مكنتش جاية الجامعة بالنضارة مكنتش شايفة فصحابي بيكلموني وانا باصة بس م ليهم باصة قدامي وخلاص لان طبعي اني م بركز لو باصة لحد ف وشه لقيت بعدها بتلت ايام حد داخلي بيعرفني ع نفسه ع الواتس ولقيته م الدفعة وجاب الرقم م الجروبات وبيقولي انتي كنتي باصة ليا وحاول يتعرف بعد ما اديتله بلوك لقيت الشخص ده هو وصحابي 24 ساعة ف الجامعة قصادي وحرفيا الكلية كلها عرفت اني ببص للبني ادم ده وانا ع الله حكايتي اصلا وحسبي الله ونعم الوكيل

انا خلاص فاضلي شهرين او 3 و اتخرج وعاوز اعرف ايه اللي بيحصل بعد فترتك الجامعية من حيث التغير في حياتك يعني هل بتبقي الدنيا ممله بعدها هل بتعرف تعمل علاقات زي ما كنت بتعمل في الجامعه هل اشتغلت فمجال تبع كليتك ولا لا انا حاسس بس ان الدينا هتبقا مبهمه بعد التخرج وهل في وقت للتعلم اصلا او اطور نفسي ولا الشغل هيبقا واخد كل الوقت عاوز اعرف قصه كل واحد بعد تخرجه

محتاجة نصيحة لاني تايهة ومش عارفة اتصرف انا دلوقتي مامتي متوفية قرابة الخمس سنين هي كانت اقرب واحده ليا وهي الي كانت شايلة مسؤوليتي كاملة لما اتوفت والدي بدأ يتحمل مسؤولية دراستي وهكذا ديما كنت اتكسف اطلب منه مصاريف أزيد من الدروس مكنتش بتكلم عن مصاريفي انا ك بنوتة ليا احتياجات هدوم وغير وغير ف كنت باخد زيادة عن مصاريف الدروس ادفع المصاريف والباقي ابدأ احوش فيه واجيبلي الي محتاجاه لغاية ما دخلت الجامعة بدأت اطلب منه مصاريف هدوم مواصلات للأمانة فضل فترة يديلي الفلوس بس لازم يسأل هجيب ايه بيها الاول وده من حقه اكيد بس كان بيستفسر زيادة عن اللزوم وانا اصلا بطلب منه وانا في كامل احراجي اساسا المهم بدأ يرفض يديلي مصاريفي الشخصية ويسألني كتير اوفر واقوله مصاريف شخصية ليا يقولي زي ايه وميرضاش يديلي المصاريف ف دلوقتي حرام عليا اطلب منه فلوس بحجة اكتيفيتي للكلية أو لما already يبقى مطلوب مني حاجة للكلية اطلب أزيد شوية واحوش واجيب احتياجاتي ولا اعمل ايه لاني تايهة ومش عارفة اتصرف ازاي واتخنقت حقيقي

انا معجب ببنت معايا ف الجامعه بس هي دايما مش ملاحظه ده حتى لما بلمحلها ودايما مسحوله مع صحابها وعندها بيست فريند ولد والولد ده صاحبي برضوا بس هو مسيحي وهي مسلمه ف قولت عادي بعد م نرتبط كل ده هيتغير ان شاء الله وحاولت كتير اني المح اني بحبها وبكلمها ع اساس اني معجب ببنت معانا وانها زي القمر بس البعيده عاميه والكلام ده بس بصراحه هي بتقولي اعمل اي وافكارها تحفه بس مش قادر انفذ هي بجد احلي بنت انا شوفتها♥️♥️♥️ اه وانا مرتبطش ف حياتي قبل كده

في موقف حصل معايا قريب الدكتور كان طالب من كل واحد project فا انا الحمدلله كنت ماشي فيه كويس دايما وانا بعمله كنت بخش discord calls مع صاحبي وكنت بعرفه حجات كتير عن ال project بتاعي فالمهم انو بردو كان بيقولي علي حجات عنده فا يوم التسليم لقيته انه سارق مشروع ومقدمه قبلي ولما جيت قدمته الدكتور قالي اني بستهبل دا صاحبي اللي كان معايا من ثانوي ومبسوطين مع بعض

مساء الخير انا مكسورة قوى دلوقتي ومقهورة بجد ع نفسي اوي اوي انا محدش كان شاطر قدي زمان محدش كان يذاكر قدي كله كان بيبصلى بصه انتي حد ممتاز اوي دلوقتي ف الجامعه انسانه بائسه لابعد درجه ومش بتذاكر وعادت سنه وف قمه حزنها وبؤسها بجد ومش بس كدة شلت مادتين الترم الاول يعني لو ماده تاني خلاص كدة انا شلت السنه المفروص اكون باكل الكتب وكمان معاب ميدترم كمان كام يوم والايام قبله قليله ولا متأثرة واليوم كله ع الفون ومش قادره افتح كتاب صعبانه عليا نفسي اوي اللى هو انتي مين !! تعبت بجد تعبت اوي اوي

عمري 23 نقرى في جامعة جامي كانت عندي علاقة ولا خرجت مع وحدة من طلعت لي ليسي و انا مركز غير مع قراية مي عامين بديت نسيي ندير مدامة و ما صلح لي والو في لول كنت نقول كيما جديد و ما عنديش خبرة و مع وقت تتريقل مي درك بديت نتوسوس زعما انا عندي مشكلة ولا عيب علميا أني طويل القامة و ملامح وجهي حسنة اسكو كاين لي مر بمرحلة هكذا في حياته و بواش تنصحوني

انا كنت عايشه برا مصر مع اهلي بعدين نزلت مصر عشان الجامعة مكنتش باهد مصروف وكان بابا هو المسؤول عن كل حاجه المهم لما نزلت خدت مصروف انا واختي و مش عارفه اديره خالص احنا بناخد ٢٢ الف سته للغرفه في السكن و اربعه لحمة وفراخ و سمك و سته مصروف كل واحده دا بابا بيبعت كل اسبوع اربعه الف للبروتينات و تلاته لينا و مش مكفينا خالص دا غير انه بخلص في نص الاسبوع و بابا يبعت الف مثلا كده على حسب كل اسبوع او روحنا لدكتور فناخذ فلوسه من بابا المهم لما بنجيب مياه و مناديل و بيض وزبادي و جبنه و توست بالف و الالفين التانين لينا بس بيضيعوا في حاجات تافه و البنات الي معانا بيكونوا جايبين كرتونه مايه وتكفيهم كتير اسبوعين مثلا و احنا اسبوع بالعافيه فمش عارفه النصروف الي قليل فعلا ولا احنا لي مش عارفين نديره ولا بنستهلك اكل اكتر فبنصرف عليه اكتر لان البنات بيجيبوا معانا من السوبر ماركت ولاقي الاكل مكمل معاهم كاير ومثلا مش كل يوم بيطبخوا بروتينات و ممكن ميعملوش غدا كمان ولا بيشربوا مايه كتير

بفتكر ايام الكلية لما كنت طالب غلبان فى سنة أولى أو تانية كنت اطلع على السلم الحلقلى سكشن ولا محاضرة كنت اطلع الاقى الشاب والبنت من دول بتوع تالتة ورابعة قاعدين على السلم وقاعدين جمب بعض والواد من دولة هجمة كدا وحبيبته قاعدة جمبه ومعاه ساندوتشات الجبنة فى العيش الفينو ( الكيزان ) وتقعد اقول فى نفسي يا بختهم ودارت الايام وخلصت جامعة واللى ساب صاحبته سابها واللى اتجوز اتجوز واللى سافر سافر وانا خرجت من الكلية زى ما دخلتها وانا مش مرتبط حتى لا وكمان كان فيه بنت كانت بتقول عنى رايح بواحدة وجاى بواحدة ما كسبتش غير السمعة بس ..... ومعرفش امتى هخطب وهتجوز.

انا شاب عندي 22 سنه كنت اتعرفت علي واحده زميلتي ف الجامعه انا وهي ف نفس الكليه "تربيه رياضيه" .... المهم بدانا نتكلم سوا وارتبطنا ببعض وعمتا كنا بنتقابل سواء ف الجيم او كلاس البوكسينج او برضو في اكاديمه السباحه المهم انا كنت عايزها ف الحلال طبعا بس فهمتها ظروفي وانه ان شاءالله بعد ما نتخرج هتقدملها و اخطبها ع طول وبعدها اسافر لوالدي وابدا اظبطت دنيتي لغايه م انزل ونكتب كتابنا ده الي كنت مسستم عليه حياتي عمتا .... وهي كانت بتقولي خد راحتك عادي انا هستناك وهكمل كريري كده كده وعايزك وكل كلام ده معدااش ع كلامها شهرررين ولقيتها اتخطبت ولا متخطبتش غصب ده كان بإرادتها .. هو عادي هي حره بس عايز افهم ليه عشمتني من الاول اصلا احنا فضلنا سوا سنتين او اكتر .. ازاي هي نسيت كل الي بينا ده وانا عمري مفكرت العب بمشاعرها او اتسلي بيها.. بس ليه عشمتني انا بجد مش فاهم !!!!! .. ليه مصارحتنيش من البدايه ؟ ليه اصلا خلتني اتقعلق بيها ؟

كلامي مش مترتب انا ف جامعه وعندي 3 اصدقاء لسه متعرفه عليهم ف الجامعه وف الاول كنا داخلين بعشم او انا لوحدي اللي كنت بتكلم بعشم وحكيتلهم كل حاجه عني وعن حياتي وبقيت احكي كل حاجه حرفيا بس اكتشفت ان انا بس اللي بتعامل بطبيعتي حسيت ان انا هبله او عبيطه او مكنش ينفع اعمل كده بس في نقطه كمان ان في واحده منهم كل ما احكي حاجه الاقيها بتحكي حاجه اعلا منها واتكلم اقول ننزل او نخرج او انا تعبانه تقول طيب احنا بنشتغل ي بنتي انتي قاعده ف البيت مكنتش واخده بالي من كل ده ف الاول خلوني احس ان انا مش مرغوب فيا او ان انا تقيله عليهم بقيت كل شويه بتجيلي نوبة اكتئاب واقفل كل حاجه واخرج من الروم وكده بقيت احس انا دايما لوحدي بجد كنت قاكره لما ادخل الجامعه ربنا هيعوضني بناس شبهي ويكونو جنبي غلطتي اني اعتبرتهم من اول م اتكلمنا انهم هيكملو وان احنا هنفضل مع بعض وانا بتعامل معاهم حاسه ان دي مش انا او مش عارفه اتعامل برغم كل اللي بحسه اول ما نتقابل او نتكلم بتعامل عادي واهزر واضحك مش عارفه افهم نفسي ولا عارفه ايه ده بس بجد انا نفسيتي تعبت صحبتنا التالته دي بحسها ناضجه وعسوله بس برضو بيجي وقت دماغي بتخليني افكر انها غير كده ايه الحل

انا عايز اشتغل مع الكلية بس قلقان انه يأثر علي الدراسة خصوصا اني عايز اشتغل اوفلاين مش حابب الشغل الاونلاين وكمان مش لاقي شغل يكون 6 سعات مثلا علشان يبقي الي حد ما ميأثرش فعايز اعرف يعني عادي اشتغل مع الكلية خصوصا اني في حاسبات بس انا حاسس بإني لازم انزل اشتغل واحط فلوس في البيت مش مرتاح للقاعدة كدة

دايما عندي مشكله ف تكوين صحاب عمري ما عرفت اكون وسط شله صحاب انا دايما لوحدي ولو عملت صحاب بيكون واحد أو اتنين وبنبقي فتره وبنبعد عندي صاحب واحد بس حاليا بعزه وبيعزني بس بردوا فجوة الصحاب موجوده ف حياتي صاحبي دا لو انا مخنوق وهو مش فاضي مش بعرف انزل ببقي قاعد لوحدي خنقتي بتاكل فيا والحكايه ليها كذا منظور مثلا من زمان وانا نفسي اكون وسط شله لدرجة اني كنت ف اعدادي والله واشوف مثلا شله معينه دايما مع بعض طلعوا رحله بقعد ابكي وبتصعب عليا نفسي جدا جدا الموضوع دا كمل معايا عمري كله لك ان تتخيل اني رابعه جامعه والموضوع دا لسه موجود ولسه لوحدي ولما بشوف شله مع بعض ف أستوريز من كتر منا نفسي ف الحاجه دي بخاف أحسدهم ع لمتهم وبقعد ادعيلهم انهم يارب ما يتفرقوا يارب يكونوا سالكين ل بعض وبقول يارب بارك ليهم فلمتهم وارزقني شله حلوه زيهم عمر م الموضوع وصل معايا ب حقد علي عندي يقين ان الصحاب رزق وانا رزقي لسه مجاش اه موجوع اني لوحدي موجوع اني بدور ع حد يخرج معايا لما اتخنق مره واحده وادور حواليا مبلاقيش حد اكلمه وبتوجع لما بفضل لوحدي وانا ف امس الحاجه لحد يسمعني ويطبطب عليا بس عندي دايما يقين ان ربنا مبيمنعش الا لحكمه وبدعي ربنا يعوضني عن صبري ف ليالي خنقتي وانا ببكي لوحدي والحمد لله دايما

انا مثلا كنت بحب بنت فالجامعه ، البنت ده حبيتها كدا ، بيسموه حب حقيقي انك تحب شخص ومش عارف حبته ليه ومفيش سبب واضح لحبك ليه زي شكله حلو او شخصيته حلوه او لبسه ، لا مكنتش بفكر اني الاقي الحاجات ده فيها ، كان نفسي احميها اسعدها ونكون سوا ، بس حصل موقف وحش جدا ، كنت بصور الكلام بتاع الدكتور من عالسبوره ، ف هي جات فالصوره بالغلط ، حرفيا مكنش موجود فالصوره غير الجاكت بتاعها حتى الطرحه بتاعتهت مكانتش باينه عشان كانت سانده عالبينج وقتها ، حد قالها اني بصورها ، راحت للامن ، وده الصدمه ، كنت فاكر ان من نظراتي ليها المتكرره ومحاوله اني اكلمها واجر معاها كلام فالسكشن هتعرفها اني معجب بيها ، بس لما راحت للامن قالت ف حقي كلام وحش ، ثبت التهمه بدل ما تدافع وتقول اني مش هعمل كدا ، قالت اني مالاول اصلا وانا بتعرضلها وعايز اكلمها وهي بتصدني ... بس اتغيرت ووعيت لنفسي وعملت تغيير مدروس ف حياتي مش مجرد هنزل جيم عشان اطلع ماللي حصل دا وفتره وابطل ، لا كان تغيير ، بس الصدمه انها حتى مشافتش التغيير دا ، بس بالنسبالي مكنش صدمه ،لاني كنت بعمل التغيير دا لنفسي

اني معنديش صحاب او حد احكيله علي اللي جوايا مع ان حواليا ناس كتير في الجامعة و community كبير حتي من وانا في المدرسه فضلت طول عمري احاول اكون صاحب واحد عمري ما عرفت انا مش انطوائية بالعكس اجتماعية جداً بس مفيش حاولت كتير مش بلاقي هل العيب فيهم ولا العيب فيا حاولت دايمًا بحس اني مكروه من كل الناس حتي اهلي حته نفسي ياما مواضيع كتير كان نفسي حد يبقي فيها معايا ملاقيتش حد فبضطر اكتم حتي اهلك المفروض يكونوا سندك مفيش ده هما سبب المشاكل اللي انا فيها من الطفولة

انا ف سكن بنات الحكاية انا دلوقتي ف تانية لما كنت ف اولي انا طبيعتي بذاكر كتير وبتاع المهم كنا تلاتة ف شقة بس ف اوضتي مكانش حد بس كانو قريبين مني المهم كنا صحاب خالص المهم هما مكانوش بذااكروو قوي لما بيشوفووني ايوة يدحيحة ويقعدو يعملو الحركات دي وكان بيكلمو ولاد وبتاع يعني مكنااش شبه بعض بس بجد كانو بدايقووني بس والترم التاني جات واحدة رابعة بسبعدناا انا وهما وجات الاجازة قعدو يقولو مالك واي اللى مدايقكك مننا مع ان ف تصرفاتت كتتير وقلت مفيش يعني مثلا اي يحاجة يسالوني يحسسوني اني بتخابث وبخبي والقرف دا وجيت سنة تانية اللى هوا دلوقتي معرفتش احول بس جات معيااا واحدة ف الأوضة غيرهم خالص هيا كوويسة بس برضو ف حتت المذااكؤة وبتاع والنووم بتاعنا مختلف بس انا بجبها ك شخص بجد تعبت ولما بقلهم ف البيت يقولوولي انتي بتتجلعي وانتي انا نفسي اتسددت عالمذااكرة والgpaالترم الفات قل والله الحمد لله على كل شي اناا اللى معرفتش احول من السكن مع انو كتمة ومفيش شباك والسكاشن نصها فايتهاا مش عارفة اعمل اي والميد فااضلوو اسبوع يعني بقول لو حولت مش حتاقلم بسرعة هناك بلص الترم خلاص ومعتقدش حلاقي سكن ولا اذاكر واقراا اذكاار واتجنبهم نهائي منتكلمش الا على قد الكلمة كدا ولا اكلمهم ولا يكلموني😪

أعمل اي لو كنت مرتبط بواحده لما كنت صغير عندي 18 سنه و دلوقتي في تالته جامعه و سنينا بعض من تلت سنين اصلا و لحد دلوقتي مش عارف اتعايش حاسس بفراغ مفيش حد اتكلم معاه نفسي اتكلم مع حد احكيله كل حاجة المهم مكلمش البنت الي كنت معاها عشانه حرفيا معناديش الجرأه اني اكلمها و اقولها كل الي جوايا بعد أعمل أي حاسس بفراغ كبير جدا و مش قادر اتعايش و الحمد لله قريب من ربنا و كل فروضي في الجامع و مهتم بقراءة القرءان و جامعتي ماشي فيها أعمل أي جدا

أعمل اي لو كنت مرتبط بواحده لما كنت صغير عندي 18 سنه و دلوقتي في تالته جامعه و سنينا بعض من تلت سنين اصلا و لحد دلوقتي مش عارف اتعايش حاسس بفراغ مفيش حد اتكلم معاه نفسي اتكلم مع حد احكيله كل حاجة المهم مكلمش البنت الي كنت معاها عشانه حرفيا معناديش الجرأه اني اكلمها و اقولها كل الي جوايا بعد أعمل أي حاسس بفراغ كبير جدا و مش قادر اتعايش و الحمد لله قريب من ربنا و كل فروضي في الجامع و مهتم بقراءة القرءان و جامعتي ماشي فيها أعمل أي جدا

دلوقتي انا بحب واحد و عايزه اعرف بيحبني ولا لا عايزه طريقه اعرف بيها ف ادوني حلول اعرف بيها أو تلميح أو كده انا و هو مش بنتكلم احنا يدوب عند بعض انستا و مع بعض في الجامعه ياريت لو حد عندو حل اعرف بيه يقولي

بصوا انا في تالته ثانوي دلوقتي انا بجد نفسي ادخل جامعة هارفرد بعني دي حاجه انا نفسي فيها عاوز ادخل طب هناك بقا اكيد سوق بس لو حطينا السوق الاول على السوق التاني ودمجناهم هيبقوا كده سوق بب

مشكلة عاوزة حلهااا الحكاية وماافيها اني من وانا صغيرة كنت معتادة اني ازاكر وقوي كمانن بس يعني كنت شايفة اهلي دايما كانوو عاوزبن اني اطلع الاولي امي خصوصا وعندينا ف القرية يعني ابقا فااشلة لو حد جاب اكتر مني يعني مصلا ف تالتة اعدادي مطلعتش الاولي المهم حسيت البلد كارهينا فاهمة وكنت كاره نفسي ساعتها المهم جينا ف ثانوي كنت بطلع برضو الاولي ف تالتة ثانوي برضو طلعت بس بعد اانتيجة كلو فضل يقولي حتجيبي طب ومجموعك حلو وبتاع المهم التنسيق رفع خالص ومجبتش اه اهلي معندهمش المقدرة يدخلوني خاص فدخلت اقرب حاجة بس المهم كلوو ف البلد بتاعتنا كانو بذلني ولى مدخلتيش وبتاع واتخنقت ومن ساعتها وانا كارهة نااس عندنا ومش بحب ادخل ف نقااش ومش عارفة من ساعتها وانا مش عارفة ارجع درااسياا بسبب اني بعمل حجات حرام وبسبب النااس وبحس اني دايماا فاشلة ومليش لازمة ومش حنجح يعني بقيت ادايق من اقل حاجة وبعدسن ارجع مبسوطة واتنكد تاني كدا علطول مش عارفة اي الحل وبعدت من ربناااا خالص مش زي مكنت ف الثانوي وقاطعة علاقتي مع صحاب ثانوي وكمان حتا اللى معاياا ف السكن مش متقبلاهمم خالص ولا متقبلة اهلي ولا حاجةة هوا معايااا مشاكل اكتر من كداا تاني بس انا بسبب المووضووع دا ببكي كل يوم😭

عندي ١٨ سنه ف تالته ثانوي هدخل ف الموضوع دايركت فيه شخص ف تانيه ثانوي اعترفلي بحبه الحقيقه دي مكانتش اول مره احنا قد بعض هو اعترفلي اول مره واحنا ف تالته اعدادي وبحكم اني عقلي اكبر من سني كنت شايفه ده لعب عيال وموافقتش حاول كتير جدا طول تالته اعدادي واولي وتانيه ثانوي لحد ما حكي لاخته الكبيره وهي كلمتني تفهمني انه بجد متعلق بيا جدابقا فيه بينا كلام اخته مكنتش راضبه اوي عن الموضوع بس حاليا مع بعض بقالنا سنه ونص بيحبني جدا عمره ما بص لبنت غيري وده بشهاده كل اللي حواليا حتي اهلي بيقرب من اهلي ادرجه انه بقا صاحب خالتي وبينه هو وماما كلام احنا حاليا داخلين ع لحظه هتبقي فارقه ف حياتنا لو مجابس الكليه اللي عاوزينها احتمال ان بابا يوافق هيبقي صعيف جدا وانا مش عاوزه غيره بس لسه هستناه حوالي ٦ او ٧ سنين لحد ما يخلص ويجهز شقته هي موجوده بالفعل ابوه الله يرحمه بناها له عندي كذا سؤال ممكن نكمل فعلا؟ احارب عشانه ولا استسلم لو حصل حاجه مش عارفه لجد اعمل ايه ياريت لو حد مر بنفس التجربه او شاف حاجه مشابهه يفيدني

سلام بنات انا عندي و91سنة عندي امتحان شهادة بكالوريا بعد شهرين ومو جاهزة لأني طالبة حرة و ا لسا ما جهزت نفسي و تقدمت في دراستي من المفروض ان في عام 2024 اكون اخذتها و الان بعد عام اتخرج من الجامعة انا متحسرة جدا😭😭

السلام عليكم ورحمه الله وبركاته اولا انا ولد عندي ٢١ سنه وخلاص قربت اتخرج من الجامعه انا دايما كل علاقتي في الحياه عباره عن صداقه مع زمايلي عادي عمري ما دخلت في علاقه عاطفيه ولا عمري حتي كلمت بنت ولا جربت حتي اني اكلم بنت هل كدا انا صح ولا غلط وهل كدا انا بظلم الانسانه الي هرتبط بيها مستقبلا عشان معنديش خبره في التعامل مع البنات وكدا ولا ايه ؟

مساء الخير أنا في أولى جامعة و في حاجة عايز اخد رأيكم فيها في بنت معايا في السكشن بحس انها بتعاملني معاملة خاصة عن الباقي و دة بشهادة غيري من اللي بيبقوا واقفين لأننا بنقف في جروب مثلاً و غير كدة كلامنا كله بسيط و في اطار الجامعة و المذاكرة و كدة و لكن بعشم شوية و كدة ف حسيت انها عندها مشاعر ليا و انا حاسس نفس الكلام بس لما باجي بقى ابعتلها واتساب مثلا ممكن ترد بعدها بأسبوع ولا حاجة و هي بصراحة بترد بأستفاضة و تسألني هي كمان و ترد على كل حاجة ممكن بالعشرين مسدج ف بضطر انا كمان ارد بمسدجات اكتر بحس الموضوع متعب و مرهق بصراحة و دة اللي بيخليها متردش علطول لأن في اغلب الوقت اونلاين و بتبعت ستريكات و تنزل ستوريهات ولكن رغم كدة متردش غير في وقت متأخر (3 او 4 الفجر مثلا) و قبل ما نرجع نتقابل في الجامعة بيوم او اتنين مثلا ف حاسس منها بعدم اهتمام او ان انا مش أولوية و في نفس الوقت لما نتقابل بحس اننا مهم بالنسبة لها و اولوية و كل الكلام دة ف بقيت متلغبط و وانا بكتب حاسس انها مشكلة تافهة بس قولت اشارككم 😂😂 ودلوقتي هل اعترف لها بمشاعري ناحيتها اصلاً؟ ولا لسه الوقت مش مناسب؟ و امتى الوقت اللي ممكن يكون مناسب ل دة؟ ولا مقولهاش من اساسه؟ عشان في واحدة دفعتنا لسه مخطوبة الاسبوع اللي فات 🤷😂 ف الموضوع شاغل دماغي حبه

ايه الاخبار انا اول مره عموما اتكلم أو حاول اوصف إلى انا فيه انا عندى 23سنه فشلت في كل حاجه حب او صحاب ولسه ف الكليه المشكله اني الفتره حاسس نفسي فاشل جداا المشكله اني مش عارف نفسي عاوز ايه مش بشتغل ومش عارف انزل شغل معنديش معارف لو علاقات مع الناس معارفى يادوب ناس قليله خالص ومش عارف بجد افكر أو اعمل اي حاجه انصحوني اعمل ايه

انا عندي مشكلة كبيرة من زمان اوي زمش عارف احلها ازاي انا اغلب افكاري عن ان انا اصاحب او اتكلم مع بنت حاجه من نوعية انه مينفعش او عيب هي متقالتليش قبل كده بالمعني الحرفي ولا انا معقد او كان في تشدد فالنقطة دي بس كنت بحس بكده وده خلاني شخص مش عارف يتعامل مع البنات وكده يعني علي الرغم من ابتدائي واعداي كان مدرسة مشتركة لكن عمري ما صاحبت بنت فالمرحلة دي حتي والواحد فاعلي نشاط بظني وهرموني فثتدانوي بردو نفس المشكلة وحتي اما دخلت الجامعة كانت مجرد صداقة بيني وبين بنات كده ومكنتش انا بردو اللي بادي كلام كانو اصحابي هما اللي متعرفين ع بنات دي وكنت بحس اني طرف تالت معاهم فالموضوع او مليش لزمة فالقعدة لاني بعد كده بقي كل واحد فيهم ياما مصاحب واحدة منهم يا مرةبط بيها فكنت شبة عازول فالموضوع وانا لما باجي اتكلم مع بنت وخصوصا لو معجب بيها بتلجلج وعقلي بيتشتت وبحس اني هنجت ومش عارف احل الموضوع ده ازاي وانا حاليا فاواخر العشرينات وحاسس ان الموضوع ده هيبوظلي حياتي فاني اتعرف ع واحدة او كده فيما بعد

الواحد الفترة دي قسما بالله مقفول من كل حاجه حرفيا في الحياة وصلت لدرجة ان مفيش حاجه بقت تبسطني زي الاول كل حاجه بقت عادي وتايه بشكل مش طبيعي مش عارف الكل كده ولا أنا ال بقيت كده امتي وازاي معرفش اي نعم بروح الجامعة وبتعامل اني طبيعي بس ده كلوا بس عشان مبينش لحد اني تعبان او اني مش زي الاول مع اني كل حتة فيا مش سليمة بس مش عارف هفضل كده لحد امتي

السلام عليكم انا عمتا لسه جديد في البرنامج بس حبيت اقول حاجة واخد رائيكم فيها انا من النوع اللي لو صاحبتك بكون معاك زي الاخ وهزار وكده بس من فترة صاحبت حد وكل هزاره بيبقي شتايم وكده فاتجنبته وبحاول ابعد وهو بيحاول يقرب فا معرفش اعمل اي وده زميلي في الجامعه. والسلام ختام

هو انا لازم اعمل صحاب في الجامعه واتواصل مع الناس او لا لان بصراحه انا مش حاسس ان الناس اللي هناك شبهي ومش عايز اضيع وقت في اني الاقي حد شبهي اصلا بس كل لما اتكلم مع حد يقولي انك لو محاولتش تتكلم مع حد مش منطقي يكون عندك صحاب فديما بسالهم سؤال هو انا لازم اعمل صحاب ؟ الفكره ان محدش جاوب عليا اجابه تقنعني اللي بيجاوب بيكون اجابه عابره اللي مثلا مفيش حد يقدر يعيش في الدنيا لوحده لازم تجرب تتعامل مع الناس . بس انا برضوا بشوف ان انا مش شبههم و مش بحاول حتا اكون ده علشان كده مش عايز اضيع وقتي في البحث عن صداقات هل ده منطقي ؟!

انا عديت بموقف كدا كنت حابب اشركو معاكو انا بيا اصدقاء كتير في الجامعة و منهم صحبي و اخويا كنا مع بعض في كل حاجة بس كان فية تصرف انا مكنتش بحبة و مستحرمة الصراحة صحبي دا بيروح يقول لزميلنا المسيحي انت كافر في وشة علطول و يعك في كلام كتير حاجة زي كدا من وجهة نظري شيفها غلط كبير اوي علشان كدا هو بيشوة صورة الاسلام او بالمعني الاصح بيخلي اي حد ياخد فكرة عننا وحشة نصحتة كتير و قولتلة غلط اللي انت بتعملة دا مش انت اللي تكفر و تحلل انت مش رجل دين حتة رجالالدين ملهمش صلاحية يعملو حاجة زي كدا و يوم لما شديت معاة علشان افهمة غلطة و علشان ميوقعش في مشاكل بعد كدا قالي كلكو اساسا مش مسلمين و كفار و انا بحكم العيش و الملح مردتش احطة في مشكلة و سيبتة اية رأيكو في شخص زي كدا

عمري 31 سنة لم ارتبط باي فتاة في حياتي كلها ذلك لكوني خجولا جدا لا أستطيع التحدث مع النساء أحببت فتاة أيام الجامعة كان حبا من طرف واحد كانت فتاة اوتيت من الجمال والخلق ما يريده اي رجل في رفيقة دربه حاولت التعرف اليها لكنني اضعت عديد الفرص بخجلي فرفضتني رفضا قاطعا رغم ذلك لم استطع إخراجها من تفكيري رغم مرور 5سنوات على التخرج حتى أنني في الاونة الاخيرة صرت أراها في منامي وأذكرها في صلاتي لم يسبق ان حدث لي امر كهذا حتى أنني احس ان حياتي كلها توقفت 💔

في معيد كان بيديني الترم اللي فات و دلوقتي اه بيدي بردو ماده باخدها هو كويس اوي وطيب اوي وبيساعدني لو في في اسأله مش فهماها ،بيبعت بيسلم عليا كل مثلا اسبوعين المشكله بدأت اقلق😂 يعني فالعادي انا اللي ببعت لو مش فاهمه حاجه فالسكشن بس هو بعت الشهر ده خمس مرات مثلا بيسلم ويسأل هو عايز اي مش فاهمه ولا ده عادي هو قالي قبل كده انت محترمه و عشان كده بساعدك بس حاسه الموضوع اوفر ولا ايه؟

جماعة انا كليتي بعيدة عني ساعة مواصلات هي في نفس المحافظة يعني بس انا مش عارفة اذاكر في البيت لأسباب كتير الدنيا دوشة عندي اطفال و بيتنا على الشارع وفي مشاكل في البيت و ده مأثر على نفسيتي اصلا وهكذا بعرف اذاكر بليل بس وكدا هقلب يومي مش هينفع و كمان بكسل اذاكر لوحدي حاسة لو معايا تيم مثلا هعرف اذاكر بحب جوهم يعني والسنتين الجايين سنين تخصص مش تقال اوي بس مهمين ومش هينفع الحال ده و كليتي عملية ف بفكر اخد سكن تبع الجامعة بحيث اكون وسط ناس زيي ف هضطر اذاكر زيهم و مش هتبهدل في المواصلات كل يوم و هعتمد على نفسي عايزة أشيل مسؤولية واجرب حاجة جديدة اصلا ف انتو شايفين اي لأني بعد ماكنت متحمسة بقيت خايفة

أنا اتعرفت على حد في جروب وأنا لسه داخلة أولى جامعة، كنت بسأل على حاجة تبع الجامعة، وهو كان في قسم وأنا في قسم تاني، ودخل يساعدني. من ساعتها بقينا بنتكلم، وكان صديق كويس جدًا بجد، دايمًا سند وداعم، وشخص ملتزم وبيصلي وقريب من ربنا. ما كناش بنتكلم كل يوم، بس ما كانش بيعدي يومين غير لما نسأل على بعض ونطمن على أخبارنا في الجامعة في أول سنة كنت شايفاه عادي جدًا، لكن لما دخلت تانية بدأت أحس بمشاعر مش عارفة أحددها: هل إعجاب؟ حب؟ ولا تعوّد وعدّت تانية زي أولى بالظبط تقريبًا. لما دخلت تالتة، بدأنا نتغير شوية. أنا كان بيجيلي عرسان، وكنت ساعات بنشغل في الجامعه، فكنت أحيانًا ما بسألش عليه، وهو كمان بقى أقل في السؤال وكذا مرة كان بيلمح إننا اتغيرنا، وكنت بوافقه إن فعلاً الكلام والسؤال مبقوش زي الأول مع العلم إني ولا مرة اتخطبت بس مجرد عرسان بتيجي فجأة لقيته بيحكي لي عن بنت معاه في القسم، وإنه معجب بيها وبدأوا يتكلموا أول ما عرفت، قلت له إني لازم أبعد، عشان إحنا كنا أصدقاء ودلوقتي في طرف تالت، وأنا ما بحبش أكون في الوضع ده. هو حاول يقنعني إن ده مجرد إعجاب وإنه متلخبط، لكن الوضع فضل زي ما هو، وكلامنا قل عن الأول. جوايا كان في إحساس غريب، مش عارفة هو انكسار ولا مجرد زعل. امبارح بليل كنت منزلة ستوري، دخل كلمني وسأل عليا، وقال إنه عايز ياخد رأيي في موضوع. وفجأة لقيته بيسألني في مشكلة تخصه هو والبنت دي، لأنه راح اتقدم لها وأهلها وافقوا، وكانوا متفقين على قراءة الفاتحة بعد العيد، لكن في مشاكل بينهم دلوقتي. أنا نصحته باللي يرضي ربنا، وقلت له يصبر ويكون داعم ليها لو هو فعلًا بيحبها. بس في نفس الوقت، اتضايقت وزعلت. وقلت له إننا ما ينفعش نتكلم تاني، عشان ما يفهمش إني بعاتبه أو غيرانة. هو حاول كتير إننا نفضل زي ما إحنا من غير ما نقطع تمام، بس أنا رفضت، وقلت له إن ده أناني ومينفعش. رغم كده، وأنا بتكلم حاولت أكون هادية وكلامي لين، حتى لو هو ما كانش لين معايا. دلوقتي أنا مخنوقة ومش عارفة: اللي عملته ده صح ولا لا؟ وأفترض أتصرف إزاي بعد كده؟

الشعور بالوحدة.. من ونا طفل طول عمري منعزل اه عندي صحاب وزمايل بس انا عمري ما بدات حاجة من نفسي وخليت ناس تشارك معايا مثلا دايما انا اللي بروح اشارك، كان عندي بيست فريند عادي في كل مرحلة دراسيه قبل الجامعة اللي هو الانسان العادي الانطواءي بس على الاقل كان عندي صحاب اه كان عندي رهاب اجتماعي بس مبرر لان كان عمري صغير وكل حاجة كنت بجربها لاول مرة. افكاري عن نفسي دايما اني مش زي الباقي هما اكيد حلوين انا مش وحش بس هما احلى فاهمين الفكرة. كمان موضوع اني بدا وزني يزيد في اول الاعدادي تدريجيا وكل ما كنت أزيد كيلو حرفيا يزيد اكتئابي وبعدي عن الناس وحدة بوحده بس كل ده عمري في يوم ما حسيت بالوحدة اه ممكن حسيت اني مستبعد بس اني اتوجع عشان وحيد لا. الى ان دخلت الجامعة وكل حاجة بدات تبوظ من بعدها حرفيا في ترم واحد بعدت عن كل صحابي بحكم ان كل واحد في كليه ومعرفش اعمل ناس جداد بسبب ان الكلية في محافظة بعيدة عني ونا كنت شغال فبقيت وحيد جدا حاليا ودراستي باظت واكتئبت فتره كبيرة. بس رجعت اقوي نزلت جيم وبدات اخرج وحده وحده بس مشكلة الوجدة لسه موجودة ومش عارف اعمل ايه

عملتو ايه بعد التخرج انا في سنه رابعه خلاث في اخر ترم عاوز اعرف بتعملو اصحاب ازاي بعد سنين الدراسه ما خلصت بالنسبالي معضلتي حاسس اني الناس اللي كنت بقابلهم في الجامعه مش هقابلهم تاني وحاسس ان فتره ما بعد التخرج هبقا لوحدي اكتريه الوقت بسبب ان كل واحد هيركز علي الكاريؤ بتاعه وانا مبحبش العزله خالص

انا في اكاديميه بدرس علم شرعي بس لما بدخل الجامعه بنضغط جدا ومبقدرش ازاكر للاكاديميه مزاكرة تلخيص وحفظ لا بقرا بس وبدخل اختبر بيبقي سؤالين لكل مقرر وفي حاجة قرأتها ان لو تعارضت منفعة الدين علي منفعة الدنيا فقدم منفعة الدين لانه اذا صلح الدين صلحت الدنيا واذا فسد الدين فإن الدنيا ستفسد فحاسه بنفاق لاني بقول المقولة دي لناس كتير