منذ 3 ساعاتيشعر بـ قلق
عديت بتجربه صعبه سببتلى قلق ونوبات هلع وعدم ثقه فى نفسى ولا فى الناس المفروض أن الشخص اللى كان سبب فى ده كله خرج من حياتى بس لسه قلقانه ومش عارفه انام ولا اعيش وقاعده مستنيه هو هيعمل ايه وطول الوقت افكر فى سيناريوهات دماغى تعبت من التفكير باخد أدوية قلق مفيش فايده لو حد عنده فكره او تجربه مشابهه يساعدنى
حد مر بحاله زى كده ؟
ممكن اعرف هو عمل اي وصلك للدرجه دي
نصيحتي ليكي الجإي لربنا وخصوصا يوم عرفه أدعي كتير ربنا يشيل عنك وحاولي متمشيش ورا دماغك ولا تحللي كل فكره بتجيلك علشان هتتعبي أكتر وحاولي تشغلي وقتك ولو تقدري تداومي ع قراءة سورة البقره هتريحك وفرغي مشاعرك وطمني نفسك ان الاحساس ده مجرد مشاعر ودي أفكار مش حقيقيه وابعد عن أي حد يتعبك وممكن تسمعي متخصصين هيفهموكي ده بيحصل إزاي انا عارفه ان الموضوع غصب عنك ومش سهل بس الحاجات دي ممكن تريحك شويه واصبري واحسني الظن بالله إنه هيشفيكي
٩٠ فى الميه من مخاوفنا وافكارنا مش بتحصل لازم تفتكرى ده على طول قل لن يصيبنا اللى ما كتب الله لنا فى الاول والاخر بشر ضعيف عارفه انك اتاذيتى فا مش هيحصل اسوء من كدا ادعى ربنا يجيبلك حقك واعرفى انو اللعبه كلها جوه دماغك متخليش دماغك تسحلك ومتدهاش الفرصه انك تستاهلى تعويض عن اللي مريت بيه ولازم انت اللي تعوضى نفسك وتكونى رحيمه عليها اوعى تكونى جلاد نفسك 🫂
ممكن تتكلمي مع لايف كوتش هيفرق جدا ويوفر عليكي كتير