ماما النهارده كانت عامله مكرونه معجنه اوي انا وماما واخويا كنا قاعدين بناكل ف اخويا بيقولها ايه المكرونه دي انتي عاملاها كده ليه انتي كنتي لسه صاحيه لما عملتيها ولا ايه قالتله دي مكرونه نوعها غير اللي بجيبها كل مره ف قالها طب جبتيها ليه ف قررت اتدخل وادافع عن ماما يمكن تحبني شويه بس طلع مفيش امل قولتله اكيد مكانتش تعرف انها وحشه وبعدين خلاص يعني كل وخلاص ماما قالتلي هو انتي مش عايزاه يتكلم ،هتتحكمي ف الكلام اللي بيقوله وهو قالي انتي لو اتكملتي كلمه تاني انا هقوم الطشك بالقلم (طبعا ماما ساكته متقدرش تكون ضد ابنها القدوه) وراح قالي انتي اصلا قاعده تاكلي معانا ليه قولتله انا غلطانه اني قاعده قدام اشكالك وقومت اكتر حاجه بتضايقني انه دايما بيكلمني وحش ويقولي كلام زي هلطشك بالقلم وماما عمرها ما قالتله متقولهاش كده ولا وقفت ضده ابدا نفسي افهمه انه مجرد اخويا واصغر مني بسنه ونص يعني ملوش حق انه يتكلم معايا كده بجد زهقت منه ومن ماما