عندي الموضوع زعيق بس اغلب الوقت لكن مفيش ضرب او كدا وقعدت اعاني سنين ولسة بعاني من الموضوع دا حتي لما لقيت شخص عنده نفس المشكله معرفش يكلمني او نلاقي حلول عشان نقلل منها بس ف النهاية هنعمل ايه نحاول بس نبعد عنهم ونقرب من ناس بنحبهم او بيخلوا حالتنا كويسة ونصبر بقي وأمرنا لله وربنا يعينك وتخرجي منها قريب بإذن الله

كنا كدة و الحمدلله ما ارتحتش الا لما حصل الطلاق بجد مش عارفة الدنيا ليه كدة

متزعليش محدش بيختار اهله حاولي تفصلي نفسك عن كل المشاكل دي لان انتي اللي هتتعبي في الاخر وحياتك هتتأثر وحاولي تبعدي عن البيت اطول فتره ممكنه طول ماباباكي في البيت

معلش ده قدرك، ربنا يكرمك بالزوج الصالح وتخرجي من البيت ده

خلي بالك بردو ان سعات لما بنكون بنهرب من حاجه بنروحلها من غير قصدنا فخليكي طبيعية مش كل حاجه تدققي فيها مع غيرك وفي نفس الوقت تكوني ذكية وبتعرفي شخسبة الي قدامك. من مواقفه مش كلامه وتعرفي ان مش كل سؤال هتساليه للي قدامك اجابته هتكون صحيحة ولكن افعاله هي ديما الي بتوري الحقيقة وحافظي على نفسك وخلي ديما ربنا الاهم في اولوياتك واوعدك ان حياتك هتكون افضل حياة باذن الله

انا بترعب من فكرة ان حد من اهلي يتخانقوا لاني فضلت سنين في ده وكان البيت حرفيا يتكسر وكل ده وانا الي بتاذي في النص ولكن اتعودت ان اول ما احس ان فيه حاجهه هتحصل بقفل الباب وبسمع اي شيء وليكن brown noise دي بتبقى زي صوت بيفصلك عن كل الاصوات الي حواليك وبقعد اعمل ااي ورايا بكل هدوء + متدخلش ابدا ولا تبقى طرف خليك ديما بعيد وليك حياتك لوحدك انا فاكرة اول رمضان كنا بنعلق الزينة اول ما حسيت انهم هيتخانقوا لبست ونزلت رحت اصلي برا ورجعت نمت ولا كان حاجه حصلت وصبر نفسك ان ان شاء الله في يوم من الايام هيكون ليك حياتك ولكن اوعى تكرر نفس غلطتهم واختار حد فعلا بيحبك وميكنش الخناق اصلا خيار عنده متخليش علاقة اهلك يفكروك ان ده الطبيعي

والله يا بنتى في بيوت كتير جدا جدا فيها نفس المشكله بيتنا مثلا مو واحنا صغيرين كان دايما والدى ووالدتي في مشاكل وزعيق وخناق انا عن نفسي مكنتش بحط في نفسي حاجه ولا بنحاز لحد ولا ليه ولا ليها وكنت بصلي وادعي ربنا يهديهم لحد ما الحمد لله بقوا سمنه علي عسل

اولا شوفي ايه الحاجات اللي بضايقه ومتعمليهاش ثانيا شوفي الأخطاء اللي بكررها امك ونبهيها ثالثا كبري دماغك عشان كدا هتتعبي من التفكير وزعل رابعا الدعاء بالهدايه لابوكي وامك