منذ 9 أياميشعر بـ منهك
عندي مشكلة أن انا معنديش صحاب خالص ومتصحبتش غير علي واحد وهو عنده بيست فريند وانا بحب الشخص ده لدرجة اني بدأت افرض نفسي عليهم بس قولت مينفعش وبعدت وحصل مشاكل بيني وبين مامته وبقينا بنتقابل عادي بس كل صحابه كرهوني وانا معملتش حاجه لحد فيهم وطول الوقت لوحدي وحاسس أني مش هعرف اكون صحاب تاني وزهقت من النصائح وبقيت بسهر لوقت متأخر والدنيا بايظة معايا معني زمان كان عندي صحاب كتير لكن فجأة كل بعد عني
متفرضش نفسك علي حد انت اكبر من انك تحس انك عال علي حد او غير مرغوب فيك متفرضش نفسك علي حد ومتصاحبش حد ميستاهلش حتي لو هتقعد بطولك من غير صحاب الموضوع مؤلم اه ومش سهل ابدا بس احسن من احساسك وانت بتبعد عنهم عشان حسيت انك تقيل عليهم
بص اتعلم مهارة جديد أو أي حاجه انت بحبها ومن خلالها هتكون صحاب مشتركين معاك وليهم نفس شغفك في المهاره دي
حتت ان الصحاب تبعد دي نحمد ربنا عليها لان ممكن تكون مكنتش خير لينا في قربهم مننا ومهما حصل معانا في حياتنا اهم شئ نفتكر ربنا ونحمده علي كل شئ شايفه انك تبدأ من جديد وتحاول تكون صحاب من ابسطها شغل او جيران مش شرط يكون الصحاب من نفس العمر عادي
ليه بتقول كله بعد عنك ممكن مشغولين عندهم التزامات