آي نو مكتبتش من زمان، بس عدنا خلاص. السلام عليكم 🌸. هو تساؤل اكتر منه مشكلة. طبيعي تكونوا مثلا مصاحبين حد، وانتوا عارفين انه بيأذيكم جامد، وساكتين عن الوضع؟ يعني انا عارفة مثلا ان اللي قدامي بتتلاعب بيا، وبمثل قدامها اني بيتم التلاعب بيا فعلا وان اسلوبها ناجح، وفي الآخر اكنسلها من حياتي وابعد عنها بأكتر شكل توكسيك غالبا. طبيعي بقى اني افضل احب الشخص ده، ولو شفته او شفت مكان كنا بنروحه او تطبيق كنا بنتكلم فيه، اني ازعل واتمنى انه يرجع تاني؟ او اني اقف اعاتبها واقولها ليه عملتي وسويتي وخليتيني ابعد عنك؟ ليه لما شفتي انك قادرة تتلاعبي بيا تماديتي؟ ليه مبطلتيش وخليتيني اديكي فرصة؟ مش عارفة؛ مشاعر كتير متلخبطة، فوقها اني زعلانة اني مش هشوف دفعتي تاني حتى الوحش منهم واللي آذاني منهم، ان actually بعد بكرة هتبقى آخر مرة اشوفهم خالص، ومش هشوفهم حتى ف تالتة لان هنقل. فاا بس.
هتزعلي كل ما تشوفي، عشان مخك هيفتكر النقاط الإيجابية بس مستحيل يفتكر مدى الأذى النفسي اللي كنتي بتتعرضيله وقتها ولا هيحس بالإحساس دة بس فعلا لما تشوفي نفس المكان هتفتكري للأشخاص دي الحلو بس، لحد ما ترجعي اول ما ترجعي تبدأي تفهمي ليه من الأول قرار البعد كان صح ليكي
إنتي اغلي من أن أي حد يتلاعب بيكي حلو إنك تعرفي قيمة نفسك و تعرفي إنك كنتي كتيرة عليها طبيعي تحسي إنك لسه بتحبيها بس مش طبيعي إنك تفكري ترجعي ليها تاني او تعاتبيها لأنها استغلت محبتك ليها و تلاعبت بيكي بجد الناس البلاير دي اوحش حاجة ممكن الإنسان يشوفها في حياته الناس اللي تبتز اللي قدامها عاطفياً حاجة قرف
تقريبا انت بتعمل كدا علشان في مقابل بتاخده مش عارف انك فاهمني ولا لا بس ربنا يهديك
الحنين مش ب ايدك العتاب مع الشخص ده مالوش لازمه لأنه ميستاهلش هى مش صغيرة علشان تقوليها ليه عملتي و سويتى هي كانت عارفة انها بتأذيكى و استمرت لأنها عاوزه فوقى لنفسك اللى زيها ميستاهلش ٥ دقايق حزن على بعض
و عليكم السلام و رحمة الله و بركاته