السلام عليكم ورحمة الله وبركاته 🌸. الفترة الحالية بالنسبالي هي المرحلة الرابعة، حسب تقسيمة معينة قسمتها لحياتي بعد ما حللتها. تصرفاتي افعالي تصرفات اللي حواليا علاقاتي وحتى مشاعري؛ كانوا كلهم معايير عشان اقدر احدد كل مرحلة وافصلها عن المرحلة اللي قبلها واللي بعدها. المرحلة الرابعة، اللي هي الحالية، بدأت من حوالي شهر، او اقل قليلا. المرحلة دي من بدايتها كانت تقريبا كلها مشاكل، وكلها تقريبا مصايب سودة يعني الحمدلله، ودي اصلا المرحلة اللي بدأت التفت فيها لنفسي وقسمت حياتي بالشكل ده. المشكلة في الفترة الحالية دي، ان انا فعلا فعلا معدتش عارفة اتعامل مع البشر. هو لكذا سبب، اولهم اني فعلا معنديش طاقة، هما كم شخص يتعدوا على الصوابع حرفيا اللي نوعًا ما طايقاهم، ف مش عارفة. ده غير ان بداية المرحلة دي كانت بداية قلبت حياتي فوق تحت اصلا، بقيت بشكك ف كل ذكرى عشتها ف يوم، ف اي حد واي شعور بحس بيه، حتى في المستقبل، بقيت بشك فيه واحس اني مش هكون حد كويس بما ان حالتي متقدمة شوية. فاا بس، مش عارفة بقى، هو تفريغ افكار يعني من الآخر.
الحقيقه فكرة انك تراجع ذكرياتك وعلاقتك مع ناس، دي فكرة صح جدا وفكرة منضبطه جدا، فمستحيل مع الفكرة دي يبقا في شخص سيئ في المستقبل، الا لو الشخص دا وقف تفكير وساب كل حاجة تعك تاني، انت زي الفل تماما، والحقيقه العيب في البشر، الطاقه عادي بتخلص ومش بنكون مستحملين حد، ناس كتير مرة بيه يمكن انا اولهم ويمكن لسه في الدوامة دي مخرجتش منها، ويوم ما اخرج بضر منهم، عادي محدش بيحملك فوق طاقتك ولا بيطلب منك وجودك، خدي وقتك وارتاحي وافصلي من الناس ومم البشر خالص، وان شاءلله هترجعي الفتره الجايه احسن، ان شاءلله كمان في المستقبل هتكون كل حاجة كويسه.