عاملين ايه..انا بمر ب فترة مش احسن حاجة دلوقتي عاطفيا وعايز رأيكوا انا كان في واحدة ف حياتي كنا بنبعد ونرجع كتير اوي بس كل مرة انا ال برجع وبنسيب بعض تاني ب غلط من الشخص دة.. مش عايز حد يقولي انت معندكش كرامة لانك متعرفش انا كنت بحس ب ايه ساعات بسأل نفسي هي عملتلي ايه عشان احبها بالدرجة دي هي علفكرة بني ادمة كويسة جدا جدا اخلاقيا ومن كل ناحية هي حلوة اوي محترمة وفيها كل الصفات الكويسة عمري م عرفت اكرهها ولا ابطل احبها مقدرش فعلا اشوف يوم تكون هي في مع شخص تاني احنا دلوقتي سايبين بعض كلمتها اسألها هي عايشة ازاي دلوقتي قالتلي اني صعب انسي دي حاجة طبيعية ولما قعدت مع نفسي فهمت اني مش صعب بس انا مش عايز انسي او بمعني اصح انا خايف انساها انا لما كنت هنسي التاريخ ال كلمتها في دخلت حفظته عندي عالواتس بجد بسأل نفسي كل يوم انا عملت ايه عشان احب شخص من وانا لسة عيل صغير لحد دلوقتي كل الحب دة.. هي مأذتنيش بس علاقتنا مؤذية محدش هيفهمني انا نفسي مش فاهم بمر ب ايه بس ال فهمته اني مرعوب من فكرة اني انساها دي.. عندي امل اننا ممكن ف يوم نرجع بس الامل دة بيختفي كل يوم لو حد مر ب نفس تجربتي دي يقول فهم نفسه ازاي وعرف يتخطي ازاي
بص انا فاهمك وفاهم مشاعرك بس ايه رأيك نفكر بطريقه تانيه اول ودي بديهات اكيد ده حرام العلاقات الغير رسميه حرام والمشكله مش في انها حرام بس المشكله انها بتجيب مشاكل نفسيه لان البدايه الي مترضيش ربنا نهايتها مش هترضيك طيب دي حاجه الحاجه التانيه انت حبتها لاسباب لان مفيش حد هيحب حد بدون سبب ايه الاسباب انت قولتها هنا في البوست ولخصتها في كلمه عندها صفات كتير حلوه يعني انت شايف فيها صفات كتير حلوه فا عشان كده اعجبت بيها وحبيت وقولت انك تقدر تنساها طيب انت لو شخص كبير وبتشتغل ابعد عنها وبطل الفعل الحرام وبعديها كون نفسك واتقدم لاكن لو لسه صغير فا لازم تبعد عنها لان الفعل مش كويس فا المشكلتين هما الفعل الحرام الي مشكلتو مش حرام بس ده كمان بيجيب مشاكل كتير وانا كنت زيك ووقعت وحصلتلي مشاكل كتير اوي والحاجه التانيه تقدر تنساها وتبعد عن الذنب
طيب م تجرب تقولها نفس الكلام الى انت كاتبه ده يمكن هى بتحبك برضو بس مش عايزه تصدق ده او خايفه من حاجه معينه خصوصا العلاقات الى حوالينا اليومين دول يعنى مش مبشره خالص يمكن قلقانه من حاجه زي دى ده لو انت بتحبها زى م انت بتقول حاول المره دى و شوف ايه الدنيا
ممكن تبقا متعلق بيها معوضك عن حاجات كتيره
اعقل يا صاحبي اعقل و متبهدلش نفسك و كرامتك علشان واحده توكسيك و يا ربنا يكتبلك طولت العمر و تلاقي الي احسن منه تنسيك كل الي فات و حاول تقعد مع أهلك نصيحة من اخ لي اخوه
روح اتقدملها