السلام عليكم من فضلكم انا مش عارف اناا بتكلم معاكم في الموضوع دا ليه اصلا بس والله علشان متضايق وعايز افك شوية انا دلوقتي في هندسة خاص وانا لسببب ماا روحت حولت من الجامعة اللي انا كنت فيها ل جامعة تانية لان نفسيتي كانت تعبانة من الجامعة اللي انا كنت فيهاا ومعرفتش احول قبل كدة لان ساعات الجامعة كانت بتعمل حورات ومرات تقولي التحويل قفل ومش عارف ايه ما علينا بعد ما حولت نزلت سنة بسبب المعادلة وكدة بس معرفتش اهلي ان انا نزلت سنة وقولت لماا ييجي وقتها هبقي اقولهم اني هنزل تدريب وهعرف احلهاا وكدة كدة موضوع المصاريف هعرف اتصرف فيه يعني الحالة المادية كويسة معايا الحمد لله بس المشكلة بقا ان جه وقتهاا اهو والمفروض اني هتخرج السنادي دا علي حسبتهم هما لانهم ميعرفوش اني نزلت سنة فانا بقا مش عارف اعمل ايه خالص ومتوتر جدا جدا وكنت افتكر الموضوع اسهل من كدة بس بجد الموضوع طلع صعب آسف علي الاطالة
انت اللي هتذاكر و هتمتحن و تتعب طول السنة و هما هيزعلوا شوية و بعدين ينسوا بس اللي هيزعلوا منه بجد انك خبيت عليهم بس في الاخر دول اهلك و هتتصالحوا
حسه ان الموضوع شكلو كبير في دماغك لكن ف الواقع ممكن يبقا أبسط.. صارحهم بالحقيقة واعتقد انك قعدت اربع او خمس سنين مش هيفرق كتير سنه كمان،، وانت كبير بما فيه الكفايه ان اهلك يتفهمو دا
الصدق منجاة ، و اشرح وضعك بشكل لطيف مبسط و في وقت مناسب للنقاش و فتح الكلام ، صدقني اكتر طريق مختصر و مفيد هو الصدق
بص يا صديقي مبدأيا خلينا متفقين انك غلطان لأن مكنش ينفع تخبي عليهم دي نقطة النقطة التانيه انت ف امر واقع اهو وهم كدا كدا هيعرفوا يعرفوا منك انت بالطريقة وانت الي تقولهم براحة كدا و كفاية مماطلة لحد كدا اى نعم الموضوع هيعمل مشاكل كتير بس اعمل حسابك انك تستحمل بقا وتعدي الدنيا وكفاية تأخير ف أنك تعرفهم لحد كدا واتمني بجد متكونش كدبت عليهم ف حاجه بخصوص الفترة الي فاتت او كدا عشان دي هتفرق بردو المهم النهاردة قبل بكرا روح واتكلم معاهم وحاول تصلح الدنيا هيزعلوا و ممكن يقلبولك الدنيا بس صدقني انك تعرفهم دلوقت انت احسن من بعدين وكفاية تأخير ربنا ييسرلك الحال ويجيب العواقب سليمة
انا نزلت سنتين ومش عارف اعمل اي ومفروض اتخرج السنادي بردو