عندي مشكله حطيت نفسي فيها ومش عارف أخرج منها أنا شاب في تالته ثانوي حاليا وفي بنت اصغر مني بسنه كنت عارفها شكلا وبتقابلني وانا ماشي في الشارع على طول لقيتها من فتره عملالي فولو انستا ودخلت كلمتني عن حب وبتاع وانا مكنتش حاسس بأي مشاعر ناحيتها نهائي المهم فكرت لقيتني مش عايز اكسرها لما قالتلي بحبك وكده عشان حرفيا كنت مكانها من فتره واترفضت لما اعترفت بحبي مش مشكلتنا دي بس في نفس الوقت مش عايز اكذب عليها فا قولتلها اني في فتره مهمه دراسيا ومش فاضي لكده خلينا صحاب لحد ما أخلص مش عارف ازاي هي فهمت كلامي موافقه على حبها وحب متبادل كمان حرفيا بتبعت كل يوم عايزه تقعد تتكلم وبتقعد تقولي يا حبيبي و يا روحي وانا مش بقول اي كلام من ده خاااالص عشان تفهم بس مفيش فايده والبنت حرفيا متعلقه بيا لحد الموت لدرجة اني حاسس انها ممكن تعمل حاجه في نفسها لو قولتلها حاجه زي اني مثلا مش ببادلها نفس الشعور او كده فا عايز حل بالله عليكو افهمها من غير ما اكسرها أو تزعل أو يحصلها اي حاجه عشان هي بصراحه محترمه ومشوفتش منها اي حاجه وحشه ومش عايز حد يقولي كمل معاها وحاول تحبها والله حاولت بس مش عارف خالص
وهي كدا كدا هيجي الوقت وتتخطاك بس انت بطريقة دي بتظلمها اوي
أنا شايفة أنك تنسحب ومتسبهاش تتعلق بيك اكتر من كدا ومهما صدر منها من زعل او تعب متبصش وراك وكمل واثبت ع كلامك
عدم الوضوح في مشاعرك الحقيقية في حد ذاته كذب يا صديقي خليك واضح وصريح من اول لحظة ... نصيحتي الأهم أبعد عن اي علاقة لا ترضي الله
تعمل حاجه ازاي انت عشان لسه صغير بس بص يصاحبي لازم تواجه وتقولها بوضوح وخلي بالك دي الرجولة
ممكن تمهد الحوار براحه وبعدين تعتذر وتقولها اني مكنش قصدي حب انا كان قصدي صحاب بس ومعرفتش اصدك عن الكلام اللي بتقوليه لاني مش عارف اقولك ازاي اني حاليا تفكيري في دراستي وبس وقولها أن هي مش وحشه وأنها انسانه جميله وطيبة وقولها وادعيلها واقفل الكلام
قولها بكل احترام يبنت الناس اللي احنا فيه ميرضيش ربنا لان اللي احنا فيه ده اسمه علاقة محرمه وانا محبش اعمل حاجه مترضيش ربنا واسف لو ده هيزعلك بس رضا ربنا اهم وبلكها بكل هدوء
عايز مصلحتها بجد ابعد أنا اتحطيت ف نفس الموقف وفاهمة كل الي بتقولو هو مبعدش عني غير بعد سنين بسبب تمسكي بيه حاليا أنا زعلانة منه اوي انه مبعدش من أول مرة وعملي صدمة ومشاكل نفسية ثانيا هي مش بتحبك هي متعلقة بيك دا اسمه تعلق مرضي فكرة انها تقولك فكو ع خاطري ونتكلم شوية صغرين دي اكتر حاجة تثبت انه موضوع تعلق مرضي انها عايزة انت تبق معاها تحت اي مسمى لو فعلا خايف عليها اكتر من نفسك زي م بتقول كلمها بصراحة وابعد عنها ع طول مهما اتمسكت بيك امشي ولو هي فعلا حد جميل اوي ف مفروض تبق مدرك انها تستاهل حد يحبها ويعاملها بطريقة الي تستاهلها ف عايز مصلحتها بجد ابعد
حبيبي بكل بساطه هتقولها آسف مش هينفع أعلقك حرام وعرفت إن الصحوبيه بين الولاد والبنات حرام وبلوك وابعد نهائي 🖤
ابعد عنها بلاش تظلمها معاك انت مش مجبر تكمل
ابعد ب كل ذوق وشياكه احسن م تعلقها بيك اكتر ي اخويا ❤️