منذ 7 أياميشعر بـ مكسور القلب
عندي مشكله اني مش بحب ابويا كان بيضربني من وانا عندي ٥ سنين مثلاً بأي حاجه سلك ماشي خرزانه ماشي أو حتى حطب مش قادره افهم تفكيره أو وجهة نظره وهو ماسكني وانا يدوب واصله لركبته ويضربني هو مكنش بيضرب ضرب عادي لأ ضرب انتقام اللي هو بيسيب الجسم كله الوان الضرب كان على اي حاجه وكل حاجه لو اتعورت أو اتأخرت في اللعب أو رديت رد مش عاجبه كل ده وانا طفله فأتمنى من الشباب اللي هنا اللي بيفكروا بنفس تفكيره أو بمعنى أصح اللي شايفين الضرب أسلوب تربية وتقويم اتمنى تقولولي دماغكم بتجيبكم لكدا ازاي واللي مر بنفس تجربتي شاركوني تجاربكم
رينا يهون علي قلبك قساوه الأهل وحشه ربنا يعوضك الرفيق الحنين اللي يعيشك بقيه عمرك في سعاده
انا و انا صغير كنت مستفز الصراحه و مش بتاع مذاكره لدرجه ان ابويا يعيني عمل لينا كرباج جيلد بس احنا الحمدلله اخدناه من وراه قبل ما يستخدمه خبينا بعيد في سطح و اضربنا بالخرطوم بدالها علشان مرضيناش نرجعه 😂😂😂 بس الغريبه كل ما كان أبو ببكير موضوع ده عنده بيقل و الصراحه رغم أننا اتضربنا كتير منه بس بيصعب عليا كتر ديما يستغرب هو واقف كدا و مكمل كدا ازاي انا عارف انك مش هتقدر تسامح ابوك مهمه حصل بس صدقني في أوقات هتحس أنه مظلوم في حاجات هو مداريه عن حياته بتثيتلك قد ايه هو متبهدل
عنف اسري غير مبرر بيطبع ع شخصية الطفولة مستقبلا و لازم من يرمم الجروح دي و يبقي شريك متمكن
حقك انك تزعلي وتكرهيه بصراحة بس حاولي تتخطي عشان نفسك مش عشان حد و في كتاب جميل اوي اسمه ابي الذي اكره حلو جدا هساعدك لو قرأتيه
انا عارف شعورك علشان مريت تقريبا بنفس الشعور ود حاجه كانت سبب انى شخصيه منعزله بس الحمدلله قدريت اتخطى الموضوع بنسبه كبيره وانشالله ربنا يعينك وانشالله هتبقى احسن ١٠٠ مره
ما أنا عارف أنه محترم هو للاسف في ناس بيكون فاكرين انك لما تشد علي البنت وهي صغيره مش هتعمل غلط بس للاسف بيحصل نتيجه عكسيه أنهم بيكرهو الأهل
دا مريض ودماغة تعبانة وعنده عقده وبيطلعها فيكي
لا ماتخافيش ربنا هيرزقك الشخص الحنين اللي ينقذك من نرجسيه ابوك ما تخافيش