فضفضه دلوقتي انا اتربيت في بيت محافظ يعني من زمان حجاب واسع و مش بلبس بنطلونات ضيقه او احط ميكاب زي كدا و دا كان توجيه من اهلي مع اني مكنتش متدينه ، لما بدءت ابقى مهتمه فعلا بديني و احاول اعمل حاجات اكتر زي مثلا اني مصافحش الرجاله او اني انتقب ، قابلت دا برفض قاطع و عنيف و حاجات على هذا المستوى يعني عايزني في زون معينه لا اطلع فوقها و لا انزل تحتها و دا تحكم مزعج لاني من الناس البتتأقلم ، فانا بقيت بتأقلم لدرجة اني بدءت افقد نفسي و اعرف هي مين و عايزه ايه لاني مش بحب اخش في جدالات لكني برضه مش بحب اخش في جدال مع ذاتي ف بقيت بتلون او بفقد ذاتي مش عارفه مسماها ايه المهم بدءت احس ان اهلي بيسمحوا ليا بالي يرضوه بس يعني لو عايزة اعمل حاجه مش حرام و عاديه و لا غلط لكن هم ملهمش مزاج او مش حابين فيرفضوا و يحاولوا يخلوني اعمل الي هم بيحبوه حاسه انهم بيحكموا فيا بشكل غير مباشر من الخارج يبان اني بعمل الي عيزاه لكني في الحقيقة نسيت انا كنت حابه ايه و عملت الي هم عايزينه او الي ميقدروش يعترضوا عليه انا تعبت من الاحساس دا ، اني فقدت نفسي و بقيت قالب . ملحوظة انا ٢٧ سنه يعني مش صغيره
والله الاهل كل حاجه من منظورهم بتكون صح اما من منظورك فبتكوني شيفاه تحكم زيادة ، بس انتي مش صغيرة وتقدري تعملي اللي انتي عايزاه طالما مش بتغضبي ربنا فانتي اعملي اللي عليكي ودورك في الحياة انك ترضيهم بس مش معنى كده انك تنسي مستقبلك فانتي اشتغلي على نفسك وشوفي ايه اللي المفروض يتعمل واعمليه
ربنا يهديهم
الفكره مش ف وجود الفكره لازم تكوني مؤمنه بيها عشان لما حد يكلمك عليها متتهزيش وتحسي انك بتعملي حاجه غلط اعملي اللي يريحك محدش ليه حق يفرض راي عليكي وله يقولك تعملي اي طول مانتي بتعملي الصح هتلاقي حواليكي ناس بتشكك فيه
بصي هقولك ع حاجه حصل معايا ف حياتي احداث كتيره اوي كان اهلي يقولولي يمين انا اجي شمال وكنت بقول ده انا راجل وهاتحمل ووو واتفاجئ ف نهايه الطريق ان اليمين هو الصح احيانا ب بابا احنا بتبقي مغيبين زي الطفل الصغير اللي عابز السيجاره اللي ف ايد ابوه هي غلط بس هو عايزها نش هيعمل بيها حاجه بس هو عايزها انا متفهم انك متضايقه من التحكمات بس حاولي متبصيش ليها من منظورك لانك ممكن تبقي مغيبه اكيد فيه حاجات كتيره حلوه ليهم تغطي علي اللي بيعملوه زي ان لو حد شافك ميقولش عليكي كلمه وحشه ان اي حد يتمني يتقدملك ويتمني زوجه زيك بجد والله خلوكي تطبقي مقوله (انك جوهره اسلاميه) فيه حاجات كتيره تغطي ع اللي بيعملوه صدقيني فكري بدماغهم وسامحيهم لو فيه ذله وحاولي تتكلمي معاهم بس والله شهاده حق هما بيبقي عندهم حق ف حاجات كتيره وان شاء الله ربنا يريح بالك بس افتكري كلمتي غيرك بتبقي ماشيه ف الشارع احنا كشباب بنقول لبعض يا رب متوريني زيها ف بناتي ولا زوجتي وفيه واحده منقدرش نبصلها اصلا ونقول ف سرنا مش لبعض اتمني واحده زي دي ف حياتي دي كفايا تخليكي واثقه من نفسك وتمسعي لاي كلمه يقولوها ربنا يريح بالك ي اختي
ساعات الأهل بيفتكرو أن اللى بيعملوه صح من وجهة نظرهم ومش عارفين أن جيلنا ده له متطلبات وتغير فى الفكر والثقافة فبيتعاملو معانا على أننا لسة صغيرين انا من رأيى اعملى اللى يريحك
صباح الخير مبدئيا ما يرضي الله خير مما يرضي البشر بس هم ممكن يكون ليهم وجهه نظر انك لسه مثلاوربنا مارزقش بعريس ولو لبستي النقاب مش هاتتشافي بصيلها من منظورهم هم
عرفيهم انك مبقيتيش صغيرة وانك قادرة تميزي بين الصح والغلط وكلميهم بالعقل والمنطق وردي عليهم، بالشكل ده هما بجد بيلغو شخصيتك وزي ما قلتي مش بتلاقي نفسك، اعملي الي انتي شايفاه صح ولو اتكلمو فهميهم بالهدوء انه الاصح وان ايه السبب الي يخليهم يرفضو حاجة وهي مش غلط
اعملي ال انت تشوفيه صح متعمليش حاجه مش مقتنعه بيها