ضغط عائلي

من تجربة شخصية الاهل ممكن يأثروا علي مويلك و سلوكك بس هما عندهم و ده تقريبا عند 90 في المئة من الآباء و الأمهات ايمان إن كل كلامهم منطقي او ان منطقهم غلط علشان هو مش منطق موضوعي اكيد اتوسخ بتفضيلات و تحيزات و افكار شخصية عادي جدا تكون خاطئة او ممكن تكون ناتجة عن مرض نفسي ( الشخص مش سوي) يعني مثلا ابويا دايما شايف نفسه صح علي الكل يعني اينشتاين قال لا هو يقول الي هو غلط و يصحح من إن كل معلوماته من الريلز او من خياله علشان يعني صح و برفض اي دليل يغلطه دون نقاش حتي لو ممكن يضربك لو شاف الكفة بتميل ليك فا انا عرفت اني مش هينفع ابقي ادام شخص زي ده و الحمدلله من و انا صغير من طريقته و غلطته بقي عندي وعي من و انا ٤/٥ سنين و فاهم ايه الدنيا و بقيت بلعبها سياسة يعني اعامله و كاني دمج (قليل العقل ) في المدرسة انا الدحيح و حتي الآن يعني حوالي 12 سنة علي النظام ده و لسة بيعيق مشاريع كتير ليا بس اداني مميزات زي اني اقدر اقيم الموقف و اعرف هخسر ايه و اكسب ايه من اي نقاش ، ازاي استخدم المسايسة ابل الايد ، ازاي اعرف ابين ايه مني لمين و مين فعلا لازم يعرف ايه بس علي الايد التانية خسرت حاجات كتير منها اني دايما حاسس ان اقرب الناس ليا تهديد عليا بقيت دايما شايل حمل اي حاجة عايزها يعني مثلا عايز اتعلم مهارة لو قلتله هيحطلي ميت سد و سد فا لا م ادير الدينا من وراه و اتعلم و اطبق من غير مساعدته ولا معرفته حتي و بقيت دايما مش حاسس بالامان في البيت دايما تخت ضغط و اكتئاب و حزن

اعمل ايه لو بعمل كل حاجه في البيت بس دايما امي بتحسسني اني مش كفايه دايما بتقولي ده وحش ده غلط بتستنى لابسط غلطه وتمسكهالي بقيت طول الوقت متوتره ومرعوبه وخايفه اعمل حاجه غلط حتى لو غصب عني ومش قاصداها اتعامل ازاي من غير ما ازعلها وبرضه ارجع احس بثقه في نفسي واكون اهدى وعايشه هاديه مش متوتره ع طول

انا مش كويسه ومش عارفه اتصرف اتقدملى شخص اهلى موافقين عليه بس من اول مشوفته وانا حسه انه مش هو ده الشخص الى عوزه اكمل معاه حياتى المهم بعد ظغوطات عملت قرايه فاتحه وحاليا بتعرف عليه هو كويس وبيحاول يراضينى مش هكدب بس هو مش التيب بتاعي وساعات مهتم وساعات لاء ودي حاجه موتراني اوي ومش عارفه اخد قرار هل اكمل ومش عارفه هتبسطت بعدين ولا لاء ولا ابعد من دلوقتى واضيع حد محترم وخصوصا اني ف ارياف وبالنسبالهم اني سني كبر فمش من حقى اختار خلاص

انا عاوزة رايكم ف حاجه انا دكتورة اطفال عمري ٢٧ اتجوزت ٤ شهور جوازه كانت صعبه جدا وانفصلت بدون اولاد وبدون حتي ما اخد لبسي الحمد لله على كل حال اتقدملي من قريب شاب هو شكله مش وسيم يعني وظيفته وتعليمه مختلفين شويتين ولكن دماغه كويسه ولهجته مش قاهريه خالص ودخله يعني علي القد انا محتاره هل اوافق عليه وخلاص ولا استني حبه واشوف حد انسبلي للعلم بيحبني جدا واتقدم لاهلي ورفضوا وعاوز ييجي تاني وتالت ومصر عليا

عارف إن مشكلتي تبان تافهة بس بجد بجد انا بعاني منها، انا بقالي فترة منعزل بشكل غبي، بقالي تلت شهور مخرجتش مع صحابي ومش بنزل من البيت غير لجدتي مثلا كل اسبوع والضرورة وكدا، دا خلاني بجد دلوقتي بقيت خايف اتعامل وخايف اروح مكان فيه ناس، بقيت بميل للعزلة بشكل غريب، خايف اروح المدرسة، بروح الدروس بالعافية، واخر موقف اني محتاج اوصل حاجة لاخو جدتي وكنت عمال اتهرب من الموضوع بس النهاردة كان لازم، وهو ميعرفش ان اهلي جايبينله حاجة، كلمته بالعافية وانا اصلا خايف سألته اخبار حضرتك ايه والكلام دا، افتكرني بتطمن وبسأل عليه، مقدرتش اسأله هو في البيت ولا لا علشان اهلي جايبينلك حاجة، في دماغي انه هيتضايق جامد لو عرف اني بكلمه علشان بس اوصله حاجة مش اكتر، ومواقف مني دي كتير بجد، واهلي بيضغطوني ومش فاهمين اي حاجة من اللي انا حاسس بيه، شايفني بس مهمل كسول مش عاوز ينزل من البيت، وبصراحة انا بردو دايما حاسس اني بتدلع واني مكبر الموضوع، مع اني الحوار دا بجد معطل كل حاجة في حياتي، وانا بجد عمري ما كنت كدا مش عارف اعمل ايه، انتم مش متخيلي بجد التعامل مع حد بالذات لو اعرفه بقى مرعب بالنسبة ليا ازاي اسف لو طولت

السلام عليكم انا طالبه جامعيه حاليا. بس مشكلتي اني حاسه اني لوحدي اوي. بالرغم ان في ناس كتير في دايره معارفي و ناس كتير بيعملوني حلو حتي لو اول مره يشفوني، بس برده حاسه ان في ناس اكتر مش بتطقني. مع ني مش بءذهم ف اي حاجه و بحاول علي قد ما اقدر ما ازعلش اللي قدامي ولا احرجه. و اوقات كتير اوي ببقا نفسي اخد حقي من ناس بس ببقا بجد مش عايزه احرجهم او بتبقي في حتجه منعاني مش عارفه ايه هي. و بالرغم اني اعرف ناس الى حد ما كتير شويه لاكني برده خاسه بوحده و اكتأب. دايما حساهم بيتكلموا عليا في ضهري مثلا او حاجه شبه كده. اوقات كتير بحسهم مش عايزني اقعد نعاهم اصلا و بيخبوا عليا مواضيع. انا مش فارقلي هما اصلا، بس انا اللي فارقلي اني افهم انا ليه الناس بتعملني كده رغم اني بدي كل حاجه حلوه ليهم بجد. يعني مثلا، صحابي البنات دايما بمدحهم بشكلهم او شخصيتهم او ايا كان هو ايه فيهم حتي لو حاجه عاديه و انا احسن فيعا كمان. لاكن هما نادراااااا جدا لما يمدحوني في اي حاجه. مع ني مش بحب اكسر مهاطر حد. و لاحظت مؤخرا انهم اصلا شايفني مش ذاكيه زيهم. هما ماقولش كده بطريقه مباشره، بس لو مثلا عايزين يعرفوا حاجه ايا كانت اي هي و انا كنت عارفها مثلا و اقولها بيتفجؤه و يقولوا ما انتي بتفكري اهو! هو بس انا مش بحب اني اتظاهر بالمعلومات اللي عندي لان ليه اصلا؟! بغض النظر عنهم، انا اصلا شايفه نفسي محترمه و جميله و ذاكيه، ثقه في النفس مش غرور. و عندي مواهب كتير او مش قادره حتي اكملها و حاسه اني هفشل لو كملت. و بسبب اني ماعنديش هوايه واحده ثابته و دايما متنوعه، ده مخليني شايفه اني بوهم نفسي اني موهوبه في كذا حاجه و مش عارفه اتحرك. عارفه ان كلام الناس المفروض ميفرقش و كده، بس بجد تعبت لان برده اكيد في ضغط كبير اوي عندي في البيت و مشاكل عائليه كتير. باقيت تايهه و مش عارفه حتي اذاكر.

كونت حابب اتكلم عن حاجه يعتبر بسببها حياتي وقفه خالص ومش عارف اخد اي قرارات ف حياتي ودايما قافل علي نفسي وقاعد مبتكلمش معه اي حاجه من اهلي ولا صحابي ولا اي حد. المهم انا خريج كليه هندسه ميكانيكا كان حلم من احلامي من صغيري وبفضل ربنا حققتو بس كان تمن نجاحي ده غاليي جدا لسبب ان قرايبي كانو دايما بيحطمو فيا وبيستقلو بلي انا في بس انا مكنتش بهتم لحد وبفضل ربنا مكنتش بحتاج لاي حاجه من اي مخلوق لاني كونت بشتغل وفنفس الوقت بدرس منعا لاي حد من اهلي بعد كده يعايرني فا كونت بحب واحده من قريبي وهيا الشخص الي اول لما فتحت عيني قبلتو وكونت لما بجي افتحها ف الموضوع لا ياعبدالله استنه لما تخلص لدرجه ان شكيت ف الامر بس مهتمتش وكانت لما بتيجي تكلمي اي شي تطلب فلوس المكالمه مكنتش بتنتهي غير وهيا وخده فلوس فنا ولله كان علي قلبي زي الفل بس لما خلاص اتخرجت واتعينت ف شركه جيت علشان اتقدم لقيتهم رغم اني الوحيد الي في العائله متعلم تعليم عالي بس خالتي استقلت بيا وقالتلي انت معاك مهر كذا وشبكه كذا ملخص الموضوع يعني حاجات تعجيزيه ونا لسا ف بدايه حياتي فا أتمناه اسمع رايكم ف الموضوع ده وشكرا❤️

انا عارفة ان محاولاتى مش كفاية وانى محتاجة أعمل مجهود أكبر وإن القصة كانت ممكن تبقى مختلفة تماما لو بس عرفت أبدأ بشكل صح.. من وانا طفلة ولفترة كبيرة من حياتى مكانش عندى أوبشن الاختيار او ع الاقل سؤال نفسك تعملى ايه ويلا نخطط نعمله ازاى.. دايما كنت بمشي ع خط مرسوملى زى مثلا المذاكرة والمدرسة انا عمري م فكرت وقتها نفسي أبقى ايه كل الى كان بيشغلنى هى الدرجات عشان بابا وماما مش حيهتموا بمجهودى إهتمامهم دايما كانت بالنتيجة وانا مكنتش نفس المستوى ف كل المواد .. المهم ان وقت المدرسة كله عدى من غير خطة وهدف بعينه.. دخلت كلية واتخرجت وبعدين إتصادمت بالحياة فهمت ان كل الى فات انا مستفدتش منه بأى حاجة .. محاولتش أشتغل بشاهدتى لانى مكنتش متخيلة نفسي ف الشغلانة دى بس كان لازم أملى فراغ انى أكون بعمل حاجة قدام أهلى ف إشتغلت فشركة ليها علاقة بالاتصالات بس مكملتش وبعديت اشتغلت ف شركات تسويق مكملتش برضو لانى مكنتش فاهمة انا بعمل ايه وبعمله ليه .. مكانش عندى هدف ف كل حاجة بعملها .. كنت دايما ف موضع مقارنة من بابا وماما بيني وبيم اختى لان هى كانت بتحب تخصصها وكملت فيه بعد كدا وبتعمل ماستر واشتغلت فيه لكن انا بالنسبالهم كنت كسولة .. مخى إتشتت ف سكك كتير من غير نتيجةلدرجة انى حسيت فعلا انى فاشلة وكسولة .. بس بعدها ركزت مع نفسي و اكتشفت ان عندى مواهب كتير وان ربنا ميزنى بحاجات زى زى اى حد لكن كنت دايما بدور ع نظرة رضا ف عين بابا وماما انى انسانة طبيعية وعندى مواهبي مش لازم اشتغل او اعمل ماجستير عشان اكون ناجحة.. انا حد بيحب البيت بيحب الحياة الهادية بعيد عن الناس ولو اختلطت مش بيكون مع ناس كتير ومش طول الوقت.. كنت بحلم بحياة هادية محسش فيها انى محتاجة اثبت فيها حاجة لحد.. لكن طول الوقت كنت مضغوطة تحت فكرة انى لازم أعمل حاجة .. أنا بحب الرسم وبقيت رسامة محترفة ونزلت اخدت كورسات ديكور ورسم زيت وسوفت باستيل وفحم وكنت عايزة اكمل بس كنت بحس انهم شايفني انى بعمل اى حاجة وان دى مجرد مواهب مش حاجة مفيدة ف وصلت لمرحلة انى قعدت فترة مش برسم.. حاولت أفتح براند حلويات وهما شجعونى بس بصراحة انا الى تعبت كان مجهود كبير عليا كنت بعمل كل حاجة لوحدى ايوا اتعرفت والناس حبوا حاجتى بس الموضوع كان مرهق جدا .. حاولت أحفظ قران حاولت أعمل حاجات كتير بس مبكملش لانى من الاول مكانش عندى طريق واضح .. كل الى حوليا بيقولولى انى لازم انزل اشتغل عشان اشوف الدنيا والناس حتى مش فكرة احتياج مادي بس هو انزلى وخلاص .. انا لما جربت اشتغل كنت بنزل الصبح بعيط حاسة انى متعاقبة ليه اقعد طول اليوم برا البيت عشان اخد شوية فلوس ايه الهدف .. ايوا شوفت بنات تانية بتحب الشغل ومستمتعين بيه بس انا معرفتش.. ساعات بقول فيها ايه لو عيشت حياة هادية من غير م اكون مضطرة اثبت لحد حاجة و كفاية الى فات من عمري.. انا بحب البيت وجو البنت وانى اقعد اعمل حلويات وارسم واكتب واهتم بالزرع بتاعى واتعامل مع الناس في أضيق الحدود نفسي اعمل دا وانا مرتاحة من غير م يحسسونى انى غريبة ..

يجماعه انا مقهوره ومدايقه جوزي عايز يطلقني علشان يرضي مامتو وتقريبا هيتجوز بنت خالتو كمان وانا مبقتش قادره امسك فيه علشان كرامتي لكن في نفس الوقت مش قادره اطلق حد يقولي اعمل اي علشان تعبت

جماعة دلوقتي انا مخنوقة جدا جدا انا في اخر سنة جامعة كلية عادية مش علمي ،انا بتمني زوج يكون متدين عارف ربنا بشكل كويس وانا مختمرة وبسعى جاهدة اقرب من ربنا اكتر ،عايز يكون زوج سنه قريب من سني ميكونش فوق ال ٣٠ سنة ودا حقي اكيد دلوقتي كل اللي بيتقدم بيكونوا فوق ال ٣٠ ومش معاهم تعليم عالي او مش متعلمين وكدا اهلي والعيلة كلها شايفين انه عادي ،يجماعة بجد انا بالنسبة ليا عادي والله التعليم مش فارق بس انا مش عايزة اتجوز حد اكبر من ٣٠ سنة ،محدش مقتنع دلوقتي اتقدم عريس امبارح عنده ٣٢ سنة مش مكمل اعدادية ،وهو مسافر برا واهله لوحدهم هنا وعايز واحدة تقعد معاهم وخلاص انا بالنسبة ليا هو انسان محترم وكل حاجة بس انا مش مرتاحة ،مش شايفة ان دي حياتي اللي هعيشها بعد كدا ازاى بقا اهلي وبابا يسبوني في حالي كل شوية نازلين رن رن رن عليا خصوصا بنت عمي وانتي ازاى ترفضي ولو رفضتي يارب يحصلك كذا وتدعي عليا قولتلها انا قلبي مش مرتاح يستي هصلي استخارة والله يا جماعة بجد قلبي مقبوض اوي من ساعة العريس دا ، انا رفضته اصلا وكنت اتمني بابا يقف جمبي بقا لا بابا فضل يقولي انتي كل ما يجيلك عريس ترفضيه ، مش هو دا الرد اللي كنت مستنياه منه خصوصا ان مش بييجي عريس كل يوم يعني وكمان عمتي لما جت تكلمني تقولي ما اصل دي فرصة ليكي علشان انتي ضعيفة (رفيعة يعني ) قولتلها هو انتوا تفكيركوا دا ازاى بجد ؟ قالتلي محدش دلوقتي بيتجوز غير البنت اللي عودها كويس وجسمها شكله حلو والجو دا قولتلها دا في دماغكم بس محدش محترم عايز يتجوز بنت متدينة محترمة هيشوف هي رفيعة ولا مش رفيعة بجد يا جماعة انا هتشل من التفكير ،وكمان عيلة بابا بقالهم فترة بيزنوا عليا علشان اخد حبوب النفخ والحقن والحاجات دي وانا رافضة لانها غلط ،هتسالوني وفين مامتك هقولكم ماما ماتت من ٦ سنين وسابتني في الهم دا لوحدي وانا اكبر واحدا في اخواتي

لما واحد يروح يتقدم ويطلب انه مش هيعمل فرح ويستبدلها بعمره والاقي البنت بتقول انا محتاره مش عارفه اقبل بالعمره ولا افضل مصره عالفرح بحس اني هتجنن بجد ، محتاره ؟ يعني ايه ؟ محتاره في ايه وايه وجه الحيره وليه محتاره هو انا اللي اتجننت ولا انتو ولا مين نفس الموضوع مع الشباب اللي يروح لبنت تقبل ده كله ويقولها لا انا هعمل فرح غصب عنكو انتو بجد ولا Ai ؟

جماعة اناا بتعامل مع اسوا مشاكلى حالياا مش انى مبنامش لا خاالص ، اهلى اللى مبيناموش ودة كتيير علياا بجد انا قلبو نومى الليل نهار والنهار ليل وبقيت اسهر عشان مختلطتش بحد بقوا صاحيين طول الوقت محدش بينام بجد بيقلبوا عليا شيفتات 2 يصحوا و 2 يناموا مش عارفة اتعايش يا جدعان انا كنت بستنى ال كام ساعة بتوع بالليل حرفيا عشان اعيش حياتى😖

اقسم بالله انا تعبانه جسديا و نفسيا، انا عندي اختين اكبر مني، و الاثنتين بيشتغلوا، لهيك كل شغل البيت علي انا، و تخيلوا لو قررت اقعد شويه ايش بصير؟ بهدله و بيقولوا اني عديمة الفايده، تراني تعبانه، و لما اخلص شغل و ادخل للغرفة بيشكوا فيني اني بحكي مع واحد، تراني بكره الشباب اصلا، بكره اترك امي تشتغل لحالها لأنها كبيره و بتتعب بسرعه، و في يوم عطلة اخواتي، احيانا بسوي الشغل عنهم مقابل فلوس، هذا حقي اصلا، في وحده منهم بضلها تقلي يا طماعه يا خبيثه تراني تعبت و هذا حقي، اقسم بالله تعبت، و كل شوي لين و لين و لين و لين، لين جيبي هذا لين ودي هذا، المشكله احيانا انا بكون بالغرفة و بينادوني من اخر البيت مع ان اخواتي و اخواني حوليهم علشان بس اسوي شاي، ياخي خلص قرفت، ماني خدامه الكم

شخصيتي حرفيا ناتجه عن طريقه اهلي هما معاملتهم ممتازه معايا مش مخليني محتاجه حاجه ماديه لكن انا شخصيه مهزوزه لابعد درجه بترعب انزل لوحدي لأنهم بيخافوا عليا اوفر ممنوع تخرجي لوحدك صحابي لازم يعرفوهم واحده واحده كل كلمه بتحاسب عليها عصبيتهم الزياده بتخليني متوتره من اي حاجه قدامي ومبعرفش ادافع حرفيا صوتهم العالي في البيت بيقبض قلبي بس يعني بيجي بنافع كل الناس بتشكر في أخلاقي ومستوايا الدراسي ممتاز لكن جوايا مخنوقه من كل الناس حتى الناس اللي ملهاش ذنب في حاجه