الموضوع ده للبنات بالذات. دلوقتي لما انا كنت طفلة، كان شعري ناعم اوي ولامع بجد بطريقة رهيبة ما شاء الله. دلوقتي بقى، هايش وناشف ومتبهدل آخر بهدلة. بصراحة الموضوع كان مضايقني فترة كبيرة اوي ف كنت كل شوية افضل اقص فيه، لدرجة اننا مرة كنا مسافرين ومكانش معايا مقص رحت وانا من العصبية والعياط اصلا قصيته بكاتر لحد كتفي كده والله وهو كان معدي نص ظهري اساسا. الحوار ده حصل شهر سبعة اللي فات، وحاليا هو طول لحد نص ظهري، وحلفت مقصهوش تاني بعد الحركة اللي هببتها دي، وحاولت نوعا ما اديه اهتمام وكده. المهم، انا لما بمسكه ف ايدي ملمسه ناعم ولطيف، بس نيجي للشكل بجد هو ناشف وباهت ومتبهدل ومعدتش عارفة اعمل فيه ايه والله.. ومش عايزة اقصه تاني عشان خايفة بجد يبطل يطول او يبوظ من كتر م بقصه، وفنفس الوقت عايزاه يرجع زي لما كنت طفلة لاني مش قادرة اتعامل معاه كده..