بصي هو ربنا يوفقك دي اولا و ثقي ف ربنا و ثقي ف نفسك اعرفي ان ربنا مش هيديكي ابدا حاجة وحشة و ان كل اللي جاي خير و سيبك من اي كلام سلبي سواء من اهل او مستر او صحاب او اي حد ف العموم لأن في ناس بيبقي قصدها تقولك كلام سلبي فاكرة انها كده خايفة علي مصلحتك و بتقومك و ناس تبقي غيرانة او مؤذية ف العموم ف معلش امشي مع نفسك واحدة واحدة لحد ان شاءالله اما ترجعي احسن من الاول يارب و ربنا يصلح حالك و يوفقك يارب و خليكي متوكلة علي ربنا و واثقة انك ان شاءالله هتعدي من ده و هترجعي احسن من الاول مع الوقت ان شاءالله

عارفة أن الكلام بيضايق بس متربطيش قيمتك الذاتية بكلام الناس ....أو كلام حد ....، قيمتك مش بس في الحاجات اللي بتحققيها بل كمان المحاولات اللي بتعمليها لو وقعتي مرة مش معناها أنك فاشلة....بل بتجربي ....بتتعلمي.....مفيهاش حاجه يعني....حاولي ترجعي تاني على الطريق واحدة واحدة ظبطي وقت معين 30 دقيقه مثلا تذاكري شوية بتركيز و لما تخلصي كافئي نفسك و لو مخلصتيش عادي أهم حاجة أنك حاولتي ....و حتى لو مدخلتيش طب ف أنتي ناجحة برضو و رزقك مهما حصل محدش هياخده غيرك تخيلي أن الاكل اللي بتاكليه من قبل ما يتوجد على الأرض مكتوب ليكي ف اهدي و ثقي في ربنا و خدي بالأسباب و كل ما حد يقولك تعليق سلبي أسألي نفسك هل دي عقلية ٱخد منها رأي ؟ يعني الشخصية دي كويسة طيبة بتقول رأي باحترام و بأسلوب كويس تمام لو الشخصية دي بتكرهك و بتقلل من جهودك و نجاحك يبقى لا و افتكري أن بعض الناس يتغذون على نقائص الناس مهما كنتي كويسة في ناس مش هتشوف غير عيوبك ربنا يعينك و يخفف عنك

يارب متسبنيش ابدا مهما اذنبت وردني اليك ردا جميلا