بأختصار أنا كنت بحب واحده وصارحتها اني عايز اخطبها بس كان كله كلام شات وهيا كانت زميلتي ف الشغل وبقا بينا شغل فري لانس لحد دلوقتي بقالنا سنه نعرف بعض وعلاقتنا كانت غريبه كل حاجه حرفيا بتربطنا ببعض حتي لما كان بيجي فري لانس ليها بتكلمني اخش معاها فيه قبل رمضان بفتره لقيتها بتقولي ف حاجه جديده فحياتي ف فهمت عل طول وبعدها اتخطبت عل العيد لكن الشغل بينا مستمر أنا من اول يوم قالت فيه عندي حاجه جديده مدمر نفسيا ولحد دلوقتي مش عارف أتجاوز وصعبان عليا نفسي أنا كشخص عمري مكنت شاعري بس الموضع واصل معايا لدرجه اني مش قادر ومش مقتنع اني خسرتها وعرفت انها مش احسن حاجه مع خطيبها دا ف للاسف ظهر جوايا امل تاني قربت من ربنا الحمدلله ويمكن دي الحسنه الوحيده ف الموضوع ودعيت دعيت جامد أنه يشيلها من دماغي وعقلي حتي قولت اوقف الشغل معاها لكن هيا رفضت وقالتي سبها طيب الله دلوقتي ونتكلم بعدين أنا خلاص بجد مش شايف شغلي وحاسس بشعور خنقه ولما بصلي مبعرفش امسك نفسي والدموع غصب عني بتنزل عايز نصيحه عايز نصيحه تجربه حد مر بيها عايز حل فعال مش كلام أنا سمعته لنفسي عن النصيب وكدا شكرا مقدما
هقولك إنك كنت واهم نفسك انكم كنتوا متشابهين أنا عشت نفس تجربتك بس مدة أطول شوية 3 سنين ... وحرفيا وقتها مكنتش يقول لنفسي غير أكيد لقيت توأم روحي لحد م ف مرة شوفتها ماشية مع واحد صاحبي متكلمتش معاها خالص سبتها هي تيجي وتحكي لي وقالت لي انهم صحاب وانه أول واحد اتعرفت عليه وإلخ ف قولت تمام وقعدت تسألني إذا سامحتها ولا لا وانا كنت يكذب ويقول ايوة لأن حتى لو قولت لا وحاولت تخليني اسامح مكنتش هسامح لاني حبيتها ودماغها وشخصيتها و روحها و جمالها برضو . عاوز اقولك إن مش شرط علشان انت والناس في الشات شبه بعض يبقى في الحقيقة كدا لا يا صحبي مفيش كدا والشات عبارة عن كلام في الأول والاخر و انت طالما متعرفهاش في الحقيقة يبقى انت متعرفهاش اصلا 🙂💔 المهم ربنا يهون على قلبك ويعينك وييسر لك امورك ويرزقك بالزوجة الصالحة التي تقر بها عينك و تكون ليها الزوج الصالح اللي تقر عينها ❤️