منذ 11 أياميشعر بـ وحيد
يا جماعة انا بقالي فترة خايف بجد، خايف اعمل جريمة ق*تل انا طول حياتي انسان مُسالم لأقصي درجة بس الفترة دي عندي ضغوط واستريس جامد وبقيت بتعصب بسرعة اوفر وبمشي في الشارع بتلكك لأي حد علشان انزل فيه ضرب، الموضوع داخل في مرحلة الجد لدرجة اني كنت بفكر اروح قسم الشرطة واقولهم انا عندي مشكلة واحبسوني دلوقتي قبل المشكلة ما تكبر
الغضب ما هو إلا شعور زي اي شعور ممكن تكون كبت مشاعر كتير علي مدار حياتك يعني اتظلمت أو حزنت أو حد جيه عليك و عقلك فسر الموضوع بأي شكل عشان يعدي الموضوع و مع الوقت كل المشاعر دي تراكمت عندك و بقت تطلع علي شكل غضب و بردو ممكن يكون الغضب ده نابع من حاجه تانيه بشكل عام يا صحبي أنزل اتمرن اي رياضه دفاع عن النفس زي الملاكمه أو mma و حاول تدور جوه نفسك تشوف مالك في ايه و أهتم بالعباده و كمان بالمحتوى اللي بتتفرج عليه عشان زي ما بطنك بتاكل عقلك بردو بياكل بس الاكل بتاعه هو المحتوي اللي بتشوفه و ربنا يهدينا و يهديك للاختيار الصحيح 🤍
زي ما انت بتفكر في لذة الغضب عندك فكر شوية لو عملتها إيه اللي هيحصل هتلاقي المشاكل اكتر من الأنبياء ابعد عن الشر احسنلك
اية اللى حصل يابنى احكيلى ؟ متخفش وجمد قلبك
اهدى ومن كلامك باين انك لسه شخص كويس ولسه مُسالم لازم تخرج طاقة الغضب دي حالاً في چيم أو اي لعبة زي boxing مثلاً وهتلاقي الدنيا بتتحسن معاك بإذن الله ربنا يحميك وحاول تاخد خطوة بسرعة 🥺🖤