شوفي الاخت تقدري تقولي متفهم نوعا ما موقفك وهذاك الشخص يستمتع بشي هكا ممكن يحب يعلق ناس بيه ويخليهم في دوامة من الفراغ والكئابة كاين بزااف عيباد مراض هكا والتخطي لفتاة اكيد مش حاجة ساهلة سورتو اذا والفتيه مليح واذا كانت حياتك سيئة وهو كان يحسنهالك ممبعد يروح وتحسي بلي السعادة لي كنتي عايشتها معاه هي السعادة الحقيقية وماكاش حاجة خلاف تعوضو بصح نقولك مدامك تصلي وقارية وفاهمة تعرفي بلي التعلق بالعبد ما يفيدك بوالو واي شيء دنيوي فاني والباقي هو الله عز وجل جلاله سوو شدي في ربي صلي صلاتك قومي الليل او صلي صلاة قضاء الحاجة وادعي ربي يخفف عليك واش راه يصرالك وينزل سكينة على قلبك وتعلمي ماتتعلقيش بالناس من هب ودب خلي دايمن حدود بينك وبين اي شخص يدخل حياتك وتعلمي شي هذا يساعدني بزااف في تخطي الناس مهما كانو عزاز عليا هو ااي انسان يدخل حياتك اقنعي نفسك بلي راه مجرد محطة في حياتك ويجي وقت يروح فيه وسيي من حين لاخر تخدمي سيناريو في راسك كيفاه يروح سوا تتشاجرو ولا تتفارقو بالتي هي احسن ولا لا قدر الله ربي دا امانتو وكذا هذو التخيلات من حين لاخر تخليك دايمن واجدة للفراق وانا نفعتني بزااف هذه الطريقة

على الراس والعين نتي جيتي تطلبي نصيحة وانا عطيتلك نصيحة حسب خبرتي في الحياة اعلم ممكن شفتي شيء خاص فيه ماكاش في غيرو ومتفهم بلي الامر جد صعب للتخطي مي والله جاهدي نفسك تقدري والله واثق من القدرة تاعك برك شوية صبر وعزيمة وشدي في ربي اكثر فاكثر فهو المعين والقادر على كل شيء

وتقدري باذن الله تتجاوزي حالتك وتسعدي نفسك بنفسك وربي يخفف عليك ويسر ليك كل عسر ويفرحك ويرزقك من حيث لا تدري وايضا اكثري من الادعية باسكو الاكتئاب والحزن من عمل الشيطان باش يزيد التحكم بيه عليك اكثر باسكو هوما يتغذاو على الطاقة السلبية ويتقواو بيها اكثر وكل ما حزنتي اكثر زادت سيطرتو عليك اكثر سوو دايما ابهجي نفسك واذا حالتك تسمح دايمن ديري امور لي تسعدك وتخليك فرحانة وربي يحسن الاحوال ان شاء الله ونتمنى نكون افدتك يا لوكان بجزء صغير وماتكونش كامل كتابتي هدرا للجهد والوقت

خلاتني حرفيا نتقبل رحيل بزااف ناس كانو من اعز ما املك في الحياة ومع انني مش شاد في طريق ربي سواسوا وقدرت نتخطى ونصبر ونفهم بلي السعادة الحقيقية هي كي نسعد نفسي بنفسي ونكتفي بذاتي حتى وين يبعثلي ربي مكتوبي وثماك في الحلال نتقاسم معاه السعادة ونكمل الجزء الناقص فيا معاه باسكو الكمال لله وحده وبما انك تصلي وتطيعي ربي اكيد راح تكوني اكثر توفيقا مني اذا درتي هذه الطريقة وان شاء الله تصلح معاك وماتنسايش مهما نصحك اي شخص انتي هي الوحيدة لي تقدري تعالجي حالتك بنفسك باسكو مشكلتك حلها ذاتي يعني من غيرك ماكاش لي راح يخرجك من ذا الشي حتى ويجي شخص يعوضك عليه ويحسسك بنفس التميز وممكن اكثر مما كان يديرلك هو راح يجي وقت ايضا ويروح ذاك الشخص وحتى لوكان كمل وتزوجك يجي وقت يموت قبلك وهذا احتمال يبقى وارد في كل الحالات سوو من الافضل التعلق بالدائم لي هو الله واما الناس كيما قلت انفا مجرد محطات في الحياة ودروس نتعلموا منهم وتختبرنا الحياة بيهم وهذا الشخص من افضل تقطعي اي صلة تربطك بيه مهما كانت ومن الاحسن تكوني عرفتيه غير في المواقع اما اذا تعرفيه في الواقع امر صعب شوية باش تتخطايه بصح تقدري شوية جهاد نفس

الأمر لي تقدري تتحكمي بيه بدليه ولي ما تقدريش راه بيد ربي يعرف خير منك ..امني بهاد القاعدة تعيشي سعيدة

كلامك دواء ماشاءالله كل كلمة قريتها حسستني بلي مرانيش وحدي وكاين ناس صح تحب الخير ... شكرا بزاف بزاف والله وربي يحققلك كل شي تتمناه لانو حطيت دواء على جرح نتا أو انتي مشي سبب فيه