هو انا حقيقي! السؤال ده باسئلوا لنفسي كتير وافكر فيه لحد م احس اني دوخت وسرحاني وصل لمخي وبيسيح مني انا مش فاهم ليه نتحمل كل ده ف مرحله مهمه ف حياتنا ليه اساس حياتنا بيتبني علي قرار غلط من شخصين انهم يرتبطوا لمجرد ان الحياه تكمل فكره اعمار الكون جات من المشاركه بقينا بنعبد العادادات اكتر من ربنا وبقي كل جوازنا مبني علي قرار بين اتنين مراهقين حبوا بعض لنزوه او اتنين اتجوزا صالونات وف الاخر المجريين هيودوا لاطفال مشوهه نفسيا يعيدوا نفس الحلقه ليه لازم نستخدم الاسلوب النمطي ف الحياه ليه من منظور الحياه ده الجزء الشرير اللي بيلعب لعبتوا وعامل مؤامره علينا تعبت من التفكير وتعبت من مشاكلي لدرجه اني مليش نفس احكي تاني لاني انا مش فاهم نفسي ومش فاهم مشاكلي ومحدش فهمها زهقت من كوني شخص بدور علي حد يحللي مشاكلي او يطبطب عليا لاني استنزفت وخلصت كل حلولي هل هيجي يوم نحس بالشمس وهي بتشرق تاني جوانا! ولا اليوم ده مستبعد مبقاش فيه دفي ف العيله ولا الصحاب ولا الحياه الهاديه اللي بنحاول نعيشها ومشاكلنا النفسيه اللي مش بتتآلف مع الاف البشر اللي بتصنعوا انبساطهم هل اكبر مشاكلنا اننا اشخاص بنحاول نكتشف ذواتها المخرمه او الميته ف حين انهم مش مدينها اهميه هل فيه معني للسعاده فعلا وهل فيه ناس بتحس بالفرحه من قلبهم بجد!
فاهمة موقفك، ولو انت ولد، ففرصة إنك تبعد عن البيئة المؤذية وتسعى للاستقلال ممكن تكون أسهل شويه عن لو انت بنت، فحاول تمشي في الطريق ده بهدوء. مش علشان تهرب، لكن علشان يبقى عندك مساحة ترجع فيها لنفسك وتفهم مشاعرك، لأن مش كل الناس هتتغير علشانك. في ناس بتفتكر إن نفس الظروف “لمصلحة العيال”، مع إنها أحيانًا بتتعبهم أكتر، فخلي عندك هدف تطلع من ده، ولو لسه بدري على الاستقلال، ابدأ افهم نفسك واللي مضايقك وتحاول تتعامل معاه بأقل خسائر. الحياة مش بتقف، وإنت اللي بتقرر تكمل أو تفضل مكانك. فركّز على نفسك، ومدام مش بتعمل حاجة غلط، متخليش كلام حد يوقفك. فهمك لنفسك هو أول الطريق، السعادة قرار، قوم لنفسك من غير ما تستنى حد. وخلي تعلقك بربنا قبل أي حد فمن وجد الله فماذا فقد، ومن فقد الله فماذا وجد
حبيت اوضح نقطه ديه علشان لو اتفهمت غلط أنا مكنتش أقصد أقلل من وضعك و اسفه جدا لو كنت وصلت لك الموضوع بالشكل اللي يتفهم كده، كنت أقصد إن في مجتمعنا البنت غالبًا صعب تعيش لوحدها وبتنقل من بيت أهلها لبيت جوزها مفيش اوبشن تاني، وده اللي خلاني أتكلم عن فرق الفرص بين الولد والبنت في الاستقلال. غير كده أنا متفهمة جدًا إحساسك وربنا يعينك على اللي انت فيه.