مساء الخير انا عندي مشكلة تحتاج حد ناضج شباب بالاخص يفيدني فيها والكل طبعا انا دلوقتي في بين وبين واحد اعجاب صريح بقالنا كده 9 شهور وانا صلتي بيه انه اخو صاحبتي وانا وصاحبتي دي قريبين جدآ جدآ من بعض عايشين يعتبر سوا بس هو في الجيش ومشوفتوش غير ٣ مرات بس حرفيا وهو محترم واهلها ناس كويسه وبيعشقوني حرفيا واهلي كذالك بيحبوهم جدآ تمام؟ ، هو معترفش ولا انا طبعا اتكلمت احنا بينا كلام خفيف كل ما ييجي اجازه بس اهله عارفين انه معجب بيا وكلنا بنستعبط علي بعض لأن هو مينفعش ينطق حرف لانه مش قد المسؤولية دلوقتي وكمان ظروفهم الماديه صعبه انه يقدر يتكلم وهو في الجيش الفكرة اني دلوقتي دماغي مسوحاني وبتفكر كتير هو فرصه كويسه جدآ ليا لأن هرتاح مع أهله جدآ وانا وهو دماغنا قريبه من بعض بحكم عشرتي لصاحبتي انا عارفاه وهو عارفني فا بقعد افكر طيب انا نفرض استنيت ومخطبنيش؟ طب هو لسه قدامه كتير انا عاجبني ك كل حاجه وهو كذالك طيب وبعدين ؟ الفكرة أن لو اتغير نبرته مثلا معايا أو اقل حاجه حصلت بحس ان الاعجاب بتاعه راح بعدين يطلع تهيأت مني وهو لسه عايزني اه مقالش صريحة و دي الي تعباني بس هو بني ادم محترم ومش لعبي انا مش عارفه اعمل ايه ياريت اخواتي الشباب يفيدوني لو انتوا مكانه هيبقي الوضع ايه ؟
مش عايز اقولك كلام يضايقك ولكن انا عايزك تاخدي بالك لأن الناس الكويسة مش هترضى بالكلام ده يعني لو بنتهم مكانك تفتكري هيبقوا مبسوطين وهما اهل صاحبتها بيخلوها تكلم ابنهم اعتقد مش هيكونوا قابلين انه يكون عارف اسمها حتى فمتنخدعيش بالظاهر قدامك لأن الصح صح والغلط غلط ومتعيشيش نفسك في وهم عشان انتي الوحيدة اللي هتخسري وفي الاخر هيتقالك يا بنتي محدش فينا قال حاجة ولا صرح بحاجة ومش هتعرفي تغلطي حد ف هو لو عايزك هييجي يتقدملك غير كدة معرفش بصراحة ولا سمعت
بصي احنا كشباب بنتعامل مع البنات بلطف وبالذات اصحاب اخوتنا فممكن دا يكون لطف منه معاكي مش اكتر ثانيا انتي قولتي الحاله الماديه مش احسن حاجه وهو في الجيش ودا طبعا مشوار طويل لسا في حياته حاولي ماتتعلقيش بزياده علشان ترتيبات القدر ماتوجعكيش
صلي صلاه استخاره وادعي ربنا لو فيه الخير يبقا من نصيبك لو مفهوش الخير يبقا يبعده عنك وعن تفكيرك خالص الموضوع مش سهل لان هو معترفش بعجابه ليكي وممكن تكون لحظه او فتره اعجاب وتختفي اصلا وكمان لسه حاله الماديه مش احسن حاجه وتاني حاجه العادات والتقاليد اللى انتي فيها بتعطيكي حريه الاختيار ولا لا لان وقتها ممكن اختيارك يساعد شويه بانك ترفضي اي شخص لحد ما يتقدملك وان شاء الله خير
انتي حاسه انه بيحبك
طيب ما تكلمي صاحبتك