عندي مشكله بسيطه وانا عندي حلها بس حابب اثبت ع قراري من اي حد يشدني انا حاليا اولي جامعه 19 سنه بالمعني الحرفي باتكسف اطلع برا البيت من شكلي واهتمامي زهقت باكره نفسي طلبت اشتغل ع احاول اشوف نفسي بس للاسف قراراتي ضعيفه ضميري بيقولي لازم اشرك ابويا ف كل حاجه لاني هابقي اب كل م يكلمني يقولي مش راضي عنك وهو ف الحقيقه مبيعملش حاجه عشاني باكرهوا من كل قلبي بس بحبوا بيماطل انه يشغلني لمجرد انه مش عايزني اتمرمط زي م هو اتمرمط قبض ابويا اقتصاد دوله بس فين الله اعلم مش بنشوف منوا حاجه كل اللي اعرفوا انه خايف اني اشتغل لابعد عنوا وهو ده اللي هيحصل طول حياتو مش هامه غير امه واخواته لحد م كرههم فينا وكرهنا فيهم عمروا م اكل معانا ف طبق انا وامي واخواتي ف عزله يبقي قاعد مع اخواتوا وامو وعيالهم واحنا فوق مش قادر اكمل معلش بس مش من حقي اني اشتغل واتمرمط عشان اشوف نفسي ولا افضل محاوط نفسي بهالتي اللي الكل بقي شايفها
طاعة الوالدين واجبة في المعروف بس ولو عطلك عن مصلحتك أو شغلك (وهو حلال ومحترم) فمن حقك تسعى وتشتغل وده نوع من الجهاد عشان تبني نفسك وتساعد أهلك. استعين بالله وصلي استخارة وابدئ خد خطوات فعلية في الشغل. الثقة بتيجي بالانجاز وربنا مش هيضيع تعبك إن الله لا يضيع أجر من أحسن عملاً
ربنا يهديه ليكم يا اخويا انا برضه في مشكلة مع ابويا ومقاطعني بسبب اني اصريت ادخل الجامعة وهو كان عايزني اقعد من التعليم واكتفي بالدبلوم عشان ميصرفش وحاليا بصرف على نفسي وشغال بعيد عنه انا مش بقولك اني صح انا غلطان وغلط كبير اني مقاطعه بس اهم حاجة انك تعامله حلو وغير كده حاول تدبر حياتك وتستقل من بدري ومتخليهوش يحجمك عشان هو بعدين مش هينفعك هو اسس حياته خلاص انت لسة بتبدأ فيها ولازم تواجه الدنيا بره الدنيا بره مبترحمش حد حرفيا
انت هتبقى نسخة من ابوك لما تكبر ، بس هل يا ترا هتفضل على وضعك لحد ما توصل للنسخة دي ولا هتأخد قرار حازم بالتغيير للأفضل ده كله في ارادتك