السلام عليكم، الحقيقه انا كنت بحب بنت عمي في الطفوله، حب طفوله والحجات دي، انا شخص كنت انطوائي جدا وماذلت فمكنش عندي صحاب غيرها ومع صغر سني ولكن دوقت حرفيا طعم الحب وادركته من نص عمري تقريبا كان وقتها عندي تقريبا 10 سنين، ولكن الحقيقه خلاص كبرنا والموضوع كان شبه انتهى من عندها وصارحتها بدا تاني من سنين وقالت لا احنا اخوات، ومبطلتش مخاوله الصراحه معاها وسنين تجر سنين لحد ما قولت خلاص كفايه مش اني تعبت بالعكس لا عشان هي اتغيرت ومبقتش الاميره بتاعت زمان وحاليا هي بنت عاديه ويعني متأثره اوي بالسوشيال ميديا وموضوع الحجاب والميك أب حفالات لمغنين وحاجة كده انا عمري ما أقبل بيها، فسكت، وهي نسبيا من طبقة اجتماعيه اعلى مننا يعني بشوية كويسين(مش فارق موضوع الطبقات) ولكن خلاصة كل دا انا بشوفها مره في السنه في عيد الأضحى او ممكن مره كمان والمرتين دول سوا في 40 ثانيه بالضبط، بس دول اصعب حاجه لاني ببقا مشتاق اوي لايام زمان لكن بصبر وبمسك نفسي والموضوع بيعدي زي ما وضحت هي معتش فارقه ليا ولكن المشكله اني بشوفها حرفيا في احلامي اكتر من مره في الاسبوع، في حلم رومانسي يعني الي حد ما وبتكون هي حرفيا بتطلع نور زي الجرافيك بتاع الانبياء في قصص الانبياء زمان كده، فبس عاوز اتخلص كم الاحلام دي واعيش طبيعي واي سببها +شوفتها امبارح في الحلم