حنين

هو الحب بيتنسى امتى خصوصا لو انا اللي اتأذيت وهي اللي عايشة حياتها عادي في سنة اولى ثانوي هي اللي دخلت اتعرفت عليها واتكلمت معايا وانا كلمتها عادي وفضلنا فترة الثانوي صحاب هي اكبر مني بسنة وجات الثانوية العامة بتاعها وكنت واقف معاها وبحاول اقلل الضغوضات عليها على قد م اقدر وكنت صاحب وصديق زي م الكتاب بيقول خلصت ودخلت الكلية واول م دخلت المعاملة اتغيرت تماما بقت ترد متأخر بالايام وتطنش وانا كنت لسه سازج وقتها وكنت بجري وراها عشان اعرف انا عملت ايه غلط المهم جه يوم وهي تقريبا كانت نهت كل حاجة بس وي ماتقولوا كانت عاوزه تعلقني قبل م تمشي ف طلبت نتقابل وانا كنت تعبان جدا وقتها بس وافقت اقلها اعرف في ايه نزلنا واليوم عدى مكانش احسن حاجة طبعا لكنه عدى واتصورنا اخر صورة وروحت وعدى يوم في التاني في العاشر ومتكلمناش تاني وانا معرفتش انساها ساعة واحدة والله حتى جينا في نص الثانوية بتاعي كتر خيرها دخلت سألت عليا قولتها تمام وقفلت الكلام قبل م يبدأ اصلا بس هي كانت السبب في اني مركزش في مذاكرتي ولا في نفسي عارف اني اهبل وسازج بس كنت مراهق متعشم على الاقل في رد الجميل كنت مستنيها تقف معايا زي وقفتي معاها على الاقل بس وبعدها تعمل اللي هي عاوزاه ،دخلت كليه مش حاببها وخلاص شهر وهتخرج واه عندي ٢٢ سنة ولحد دلوقتي بدخل على اكونتاتها ونفسي اكلمها واعاتبها على اللي حصل وخصوصا اني حاليا في اسوأ اسوأ فترات حياتي وجالي كذا مرض الحمدلله على كل حال ونفسي والله اكلمها مع ان اكيد بعد ٥ سنين كل حاجة اتغيرت انا وهي وكل حاجة مش زي الاول اكيد بس عاوز اعرف حاجة، انا ليه متعلق بالماضي المؤلم بالشكل ده ليه مش عارف اعدي الفترة دي وانا اللي عاوز اكون فيها زي ماتقولوا ان الاحساس بالالم النفسي اللي فاضل من العلاقة دي هو الشيء الوحيد اللي حيلتي من العلاقة واخر حبل موجود فيها ومش عاوزه يتقطع مش هنكر ان انا اللي ماسك الحبل ده ومش عاوز اسيبه بس عاوز اعرف اسيبه ازاي

انهارده نزلت بدري شويتين قبل الأذان بتلت ساعه المهم لما رحت المسجد لقيت واحد من صحابي بتوع زمان كان قاعد بيقرأ قرآن ف انا بيني وبين نفسي الصراحه فرحتله وافتخرت بيه جدا لان انا زمان كنت كويس ومحافظ علي الصلاه في الجامع اغلب الوقت ومحافظ علي ورد كل يوم من القرآن بس اتلميت علي ناس خلتني ابعد عن ربنا وحده وحده لحد ما فجأه بقى مفيش صلاه ولا قرآن واوقات بيبقى طول الاسبوع مفيش غير صلاة الجمعه المهم اني بقيت فرحان علشان صاحبي دا وفي نفس الوقت زعلان علي نفسي وفي نفسي حمد ربنا ان حصلت ظروف وبقيت مبقابلش الصاحب دا لما اتغير للوضع بتاع دلوقتي لاني كان ممكن اسحبه بالغلط ف ربنا يهدينا جميعا و صاحبي دا يختم القرآن بإذن الله

اتمنى حد يفيدني .. ازاي ابقي حنين مع اخواتي وهنا اقصد بالكلام بحضن مثلا كلمه حلوه برغم اني بحبهم اكتر من نفسي لو حد طلب عيني بدهاله واتمني اي ضرر وتعب يحصلي بدالهم لاني مستحملش اشوف حد منهم تعبان..ممكن اكون حنين بالفعل لاكن الكلام لا .. بحكم اني اتولدت ف الصعيد وعشت فتره من عمري فيه ومريت بحاجات خلت طبعي قاسي وصارم ف معظم الأوقات ف ازاي اعالج الحاجه دي لاني حاولت كتير

ليه مفيش حاجه واحده حنينه على الانسان ليه كله مش موجود وليه مش لاقين مكان نروحه يحسسنا بالامان حتى اختيارتنا للى حوالينا عمرها ما جبرت بخاطرنا فى مره كان نفسى مره واحده بس الاقى حاجه حنينه

مش متخيل ان في ناس تأثيرها ايجابي كدا. من حوالي اسبوع اتعرفت علي بنت اكبر مني بتلات سنين. وكانت اغرب صدفه في حياتي. البنت طلعت اختها متجوزه وساكنه في الشقة اللي فوقيه. حقيقي غيرت من تفكير جداً في الاسبوع دا وعرفتني يعني ايه بنت واعيه وفاهمه وللعلم هي كانت مخطوبه وانا عارف دا. وتعاملها معايا كان كأخو اصغر منها. وجات من كام يوم قالتلي مش هينفع نتكلم تاني وانا تقبلت دا بكل احترام. بس بجد انا اول مره افتقد حد كدا واتخيل اني ممكن اقابل بنت كدا. للعلم كانت من اسوان وتاني حاجة اكتشفتها ان مش كل اهل اسوان بشرتهم سمراء. العبره من الموضوع. ان الدنيا هتصادفك بناس هيوجعك رحيلهم حتي لو كانت معرفتهم فتره صغيره 🥹🥹

مش من النوع البيحب بكبر المواضيع أو يديها اكبر من حقها بس انهارده كنت في مكان، المكان دا كنت بروحه دايما مع اعز صحابي كان اكتر من اخويا المهم احنا بقالنا سنتين باعدين عن بعض فلما روحت المكان دا (كنت مع ماما) كنت متعصب شوية (و انا اصلا مش بتعصب خالص حرفيا) و كنت بتلفت حواليا خايف الشخص دا يجي أو يبقى موجود (علشان المكان قريب من بيته) و مش مركز في ولا حاجة متوتر شوية و كدا و فوقت اول ما طلعت من المكان و بعدت عنه خالص انا كنت ببعد عن المكان دا خالص بالمنطقه كلها علشان مكنتش عايز افتكر حاجة بس اصريت انهارده أننا نعدي عالمكان يعني علشان اشوف هل فعلا تخطيت ولا لا فانا بعد الحصلي دا مش عارف بس بحاول أوهم نفسي أن أنا اتخطيت، و يمكن يكون الوهم دا حقيقه اصلا و شكرا

بجد بجد فرحه جدا اخر امتحان رياضه في حياتي حاسه هيوحشني اني اراكمها 😔 متأكده مليون في الميه اني بعد الساعه ١٢ بليل هعيط عشانها بجد وفي الاخر هختارها السنه الجايه بدل الفيزيا😭 الله اعلم بجد

اليوم حذفت محادثتي مع عزيزتي فيها٢٦٠٠ مقطع فيديو وفيها ٤٣٢٨ صوره وعدد هائل من الفويسات والكثير من الزعل والمراضاة والحب، فيها تفاصيل يومي وتفاصيل يومها ، واسرارنا ، فيها كل ذكريات السنين اللي عشناها سواء حلوها او مرها قدرت احذفها لكن ما قدرت احذفك من قلبي تخيل ؟؟!!

انا بجد نفسي يبقي عندي صحاب انا كان عندي صحاب وشلة بس انا اتجوزت وجوزي خلاني ابعد عن كل صحابي مش فاهمة ليه بس هو كدا مش عايز يبقي في اي حد ف حياتي او هو ليه وجهه نظر ولا اي مش فاهمة مع ان صحابي دول كلهم بنات والله وهما زعلو اني بعدت وبعدو هما كمان ومن وقتها واحنا مش بنتكلم خالص بس اوقات كتير بحس اني نفسي يبقي عندي صحاب واخرج معاهم واتكلم معاهم هو انا اه موضوع الخروج دا بالنسبالي صعب بس بتضايق لما بفكر فيها

حاسس بأشتياق غريب اوي للماضي لقبل تفرق العيلة و ان كل واحد يروح في مكان و يتخانقوا كلهم و بختلفوا و قبل ما نكبر و كنا بنتعمل كلنا على اننا اخوات خايف بسبب اننا كبرنا خلاص مش هنقدر نتعامل مع بعض عشان حرام انا عارف انه حرام بس كنت بحبهم زي اخواتي اوي بجد (بتكلم عن قريبي البنات كنا صحاب و احنا صغيرين و حالي كل واحد مننا في بلد و مش بنتواصل و كمان كبرنا و المصيف العائلي خلاص مش هيتكرر عشان بقينا كبار و مينفعش الاختلاط بجد الماضي ده وحشني اوي اوي عايز ارجع اتعامل مع الكل عادي مش لازم ابقى كبير مش عايز اكبر و اتجوز انا عايز اعيش حياتي عادي

بس بجد يعني صعب عليا اداااري حنين عاش جوايا بقاله سنين نفسي اطمن بيك يا حبيبي ولو مش جاي اجيلك فين ليل ونهار انا بستناك!! قلبي في نار والجنة معاك (بعمل ي حاجه غير اني اذاكر للامتحان البعد 8 ساعات)

ورجوتُ عيني أن تكفّ دموعها ‏يومَ الوداعِ نشدتُها لاتدمعي ‏أغمضتُها كي لاتفيضَ فأمطرت ‏ايقنتُ أنّي لستُ أملك مدمَعي ‏ورأيتُ حلماً أنني ودَّعْتُهم ‏فبكيتُ مِن ألم الحنين وهُم معي ‏مُرٌ عليَّ بأن أُودّعَ زائرًا ‏كيفَ الذين حملتُهُم في أضلُعي ؟! أنا ذلك البيت الحزين جدرانه مُلأت أنين سقفٌ يصُب مواجعاً والثوب خيطَ من الحنين

مش عارف بصراحه انا برجع هنا تاني انزل لي ، أنا هنا من زمان اوي من قبل كل التحديثات دي وكنت اعرف ناس كتير حلوه وقريبين من بعض جدا بس وجودنا كان هنا علي اساس انه دايم بس مفيش حاجه بتدوم ، بس برضو برجع تاني علي امل احس الي كنت بحسه هنا زمان بس كل حاجه اتغيرت للاسف ، لو حد موجود قديم هيعرفني كويس ولو محدش يعرفني أنا مبقاش عندي طاقه اعرف حد جديد كله شبه بعضه يا شويه فواكه بتبوظ بسرعه

عدنا والعود احمد ودي الجديده وانا مستني القهوه كتبت دي وَمَا لِطَيْفِكَ يَمُرُّ بِي فَأَتَذَكَّرُ، أَيَّامًا كُنْتُ أَتَمَنَّى بِأَنْ أَلْقَاكَ. كَانَ حُلْمًا وَأَمَلًا، بَلْ رَجَاءً، لَكِنَّ حُكْمَ اللَّهِ لَا بُدَّ آتٍ. لَعَلَّ مَكَانِي خَيْرٌ لِي، مَنْ يَعْلَمُ؟ مَا كُنْتُ أَرْجُوهُ، وَلَكِنَّهُ قَدَرٌ. رَضِيتُ وَاللَّهِ، لَكِنَّ رُوحِي أَبَتْ، أَبَتِ الرِّضَا بِأَقَلَّ مِنْ أَحْلَامِي. وَلَعَلَّ مَكَانِي خَيْرٌ لِي، مَنْ يَعْلَمُ؟ فَاللَّهُ أَعْلَمُ لِي بِالْأَخْيَارِ. اخخ طب والله جامد

كنت اطالع ذكريات السناب قبل ٧ سنوات والله كانت ايام جميله وقلوب الناس صافيه عكس الزمن هذا لو تصور خويك راح اشتكى عليك بس في شي حزني حيل طلع مقطع لولد خالتي المتوفي الله يرحمه حزنت حيل واحس اني اشتقت له حيل

شكولاتات غليت الشكولاته بقت ب 15408 جنيه و انا مش عارف اجيبها ف مش عارف اعمل ايه رغم ان هي كانت جميله وبتسمع و مش بتحكم على الواحد ومغيش حل اني اشوف شكولاته غيرها لان هي علقت في دماغي طعمها

كنت بفكر ف شخص وبدعيله انه ينجح ويفتح البراند بتاعه واني اكون لسه ف باله ومش ناسي وعده ليا بان اول بريفيوم هيعمله يبقى باسمي ومستوحى مني ووقتها جه ف بالي كلام محمود درويش لما قال لا انت بعيد...... فأنتظرك ولا انت قريب فالقاك ولا انت لي فيطمئن قلبي ولا انا محروم منك...... فانساك انت في منتصف كل شيء

المرادي مجاليش بانك اتاك معرفش ليه مع ان اتعودت فكل مره جسمي بيرتعش و نبضات قلب سريعه... الماردي مشتفهوش وهو تعبان لان فضل مخبي علينا اليوم كله وده خطر اكتر ..حقك عليا يا حبيبي انا اسفه اوي لو زعلتك فيوم كنت ولو ١% نسبه فتعبك او زعلك حقلك عليا و علينا كلنا علشان معنديش اغلي ولا اهم منك . نفسي اتعلم اعبرك عن حبي و اهتمامي بس مش عارفه و نفسي اتعود احضنك و افرحك منغير سبب بأفعال و كلام بس مش عارفه. المهم ممكن تقروا دعاء ده بلسانكم فضلا❤️ الحمدلله و الصلاة و السلام علي رسول الله . اللهم رب الناس اذهب البأس و اشفه انت الشافي لا شفاء الا شفاؤك شفاء لا يغادر سقما

فى اشخاص بنحب وجودهم وبنبحبه وبيبقوا جمبنا وقريبين اوى ومره واحده بناخد حظر فبنبعد فالحظر بعدنا وفرقنا وفرق مصيرنا الحظر والشخص هيبقا عارف نفسه واكيد الشخص ده هو تانى تعب يعنى شخص عارف

انا بقي حابه نفسي زمان وانا صغيره كنت غير دلوقتى كنت شاطره في درستي كنت بحب المدرسه كنت مش شايله هم حاجه كنت تلقائيا جدا وبحب الناس واتكلم معهم دلوقتى اتغيرت بقيت اخاف اتخذال تاني واتعب تاني واتأذي من ناس حبتهم واوثقت فيهم

لسا مقابل اخويا من ام تانية بحبو جداً من صغري هو اكبر مني بـ ١٢ سنة وانا مشوفتوش بقالي ٧ سنين بعد وفاة ابويا امي قطعتنا عن بعض ولسا واصلو النهردة وخرجنا مع بعض واتبسطنا وشوفت قرايبو اللي اتربيت معاهم وللعلم امو هي اللي مربياني مش امي انا وغير كدة مبسوط جداً وهمومي انزاحت وحسيت بالفرحة وهو معايا واننا اتجمعنا تاني

هوا عيب اكون راجل حنين او راجل حساس مبحبش اكون تقيل علي حد مبعرفش ارخم ديما زوق وبتحرج من اتفه الحجات ممكن لو ف موصلات وبنت جمبي الزق في جمب عشان ملمسهاش حتا لو برجع باقي بمسك الفلوس بطرف صوابعي عشان ميحصلش حاجة تضيقهم بجد هوا انا غلط طيب بقيت احس البنت بتحب الولد الي يرخم عليها وصايع بتاع بنات وان ده النوع المفضل انا عمري مهعرف اكون كدا بجد

مساء الخير ياشباب ايه الحل مع قلة النوم والارق وبالذات لما الواحد يفتكر حبيبه بتاع زمان فعلا احساس صعب اما يعدي عليك وهوا مش معاك مع حد تاني غيرك وقلبك بيدق لما تفتكر ايام الحب القديم وعينك بتفرح لما تشوفه

هي والله مشكلة مختلة اوي، بس لو فيه حل ف ياريتت. لما بشوف مثلا لقطة من كرتون سبيستوني، او اسمع لمحة من اغانيهم، او مثلا لو شفت لقطة من هاري بوتر، وهكذا.. بلاقيني زعلت اوي ومزاجي بقى سيء بقية اليوم؛ بفضل زعلانة ومتضايقة واللي هو ازاي عدى كل الوقت ده؟ انا عايزة ارجع قدام الشاشة تاني واقعد اضحك والعب واتفرج واغني معاهم، واللي هو انا كمان سنة وهتخرج من ثانوي، بس حقيقي بزعل اوي وبيبقى نفسي ارجع. حتى لو حاولت مثلا اعيدهم، مش بستمتع ولا بحس نفس الشعور؛ انا مشتاقة لفرحتي وبراءتي وقتها مش للكرتون نفسه، فاهمينني؟

في مقولة لجلال الدين الرومي بتقول: " ‏أريد لمن أحب ان يكون حراً حتي منّي..! ‏أتدري من الذي إذا علمته الطيران ، طار ، وعاد إليك؟ إنه الذي وجد فيك حريته.. " حقيقي مفيش أجمل وأحن من إنك تشوف الامان في حد او حد يشوفه فيك بالشكل ده

واسترجعت بعض من الايام زاكرتي لتأخذني الي اقسي محطاتي الي حلم صغير في مدينتنا الي حلم به اختلفت قناعاتي فما فارقت قرب الناس من عبث ولكني لا اقوي علي ملء الفرغاتي..... شوية شعر كده حلاوة روح بس 😂

عارف انا احساسي من جوه تحسو بيقول اغنية (قالتلي هوانا كان غلطه لما ابتداء ، لقتني سعتها وحداني ، بخاف لو قلت وحشاني ، عنيه تحن من تاني و بحبها) هوا مش ده الي حصل بس ده الاحساس الي انا بقوله لي نفسي ان حبي ليها كان غلطه احنا مش شبه بعض ومننفعش بس كنت مكمل عشان الايام الحلوه ولاكن انت من جواك بتقول الاغنيه دي و بتتألم

الابلكيشن وحشني بجد...بقالي فتره كبيره اوي مسحاه لانو دوامه كبيره جدا بجد كنت بحاول أخرج منها بكل الطرق لحد ما اختي عرفت ووعدتها اني همسحو والجأ ليها في اي مشكله عندي بس الحقيقه هو كان المكان الوحيد الي بهرب ليه من كل حاجة بلاقي اجابات لاسئله في دماغي مش بعرف تجاوب عليها وحلول معرفش ليه رجعت نزلتو تاني كان بقالي فتره بقاوم ولما تحصل مشكله معايا بقول هحلها مع نفسي والدنيا هتبقي تمام بس قررت ألقي نظرة عليه وفعلا الابلكيشن اتغير اوي واتحدث وبقي فيه حاجات جديده كتير بجد😔

جماعه هو انا بس اللي لما بشوف نونو لسه مولود بحس اني شامة ريحته ؟ بجد والله لسه واحدة قريبتي بعتالي صوره لابنها انا شميت الريحه بجد بعدين دماغي عملت ايرور ف بستوعب مبقتش شماها هو ده عادي ولا في ايه حد فاهمني اصلا ؟ 😭

يعني خلاص مش هعرف اوصلك تاني يا (مميزة) مشكلتي ان مش سهل ابدا حاجه تشدني أو شخص أو فيلم او اي حاجه عموما وتحديدا الأشخاص وعشان كده لما بلاقي حد مميز فعلا بتعلق بيه وبحب وجوده في حياتي وده الي حصل مع واحده هنا من فتره بس الدنيا اتغيرت وكل حاجه راحت ومهما جت ناس وراحت وعرفت ناس وخسرت ناس بفضل ادور عليها المنقبه المميزه ولا عارف انساها ولا عارف ادي فرصه لغيرها..

كان يجرى ايه لو عشت عمري صغير كان لازم اكبر يعني واشيل الهموم انا لما كنت زمان بقول انا عاوز اكبر عن كده مقصدش اني اكبر كده كان قصدي فـ مقاس الهدوم مكنتش اعرف أن دا حال الكبار الدنيا بتلاعبك هنا زي العبيط قطه وفار كان اقصى همي فـ الحياة اني مروحش المدرسة دلوقتي اروح المدهسة وافضل هناك طول النهار

ساعات بشتاق لزمان، دلوقتي انا مين؟ حاجات بضيع قدامي، الاقيها انا فين؟ وداري اوجاعي وناسي ايامي وادور في القديم يمكن اعرف انا مين بسال نفسي في المرايا امتي تخلص الحكايه؟ صاحي يومها حد تاني غير اللي انا اختارته ناسي ليه مكاني؟ ناسي نفسي برضو!

بكتب وانا عارف انك مش هاتشوفي دة واتمنى انك ماتشوفيش دة مش انا المفروض نسيتك اومال لسة بفكر فيكي ليه طب فاكرة احنا عرفنا بعض ازاي ؟ لما عملت اكونت فيك في تالتة اعدادي علشان مش لاقي حاحة اعملها وكان عندي فراغ عاطفي تقريبا دخلتلك بالصدفة والصدفة الاكبر انك كلمتيني كنتي اول بنت اعرفها في حياتي واللي دمرت نظرتي لكل البنات كان عندك برود التلج ولا مبالاة تتعب بس في نفس الوقت لو حاولت اردهم عليكي كنتي بتزعلي طب انتي عارفة انا خدت الواتس بتاعك ازاي ؟ لان انا لنفسي حتى الان معرفش طب فاكرة سيبنا بعض اول مرة ازاي ؟ كنت هاموت علشان اشوف وشك مانا بكلم حد ماعرفهوش واول لما بعتيلي الصورة وشوفتها ، مش فاكر ملامحك بس فاكر انك كنتي جميلة ، حتى انا سميتك القمر بعدها سيبت التليفون برة ودخلت استحميت واوخواتي مسكو التليفون وشافو الشات وانتي بتقوليلي اوعدني مش هاتبعتها لحد 😂 اتحفل عليا تحفيل غير طبيعي من اخواتي وكنت حاسس باحراج لا يوصف وبعدها بتهديد السلاح اضطريت ابلكك وماعرفتش اوضحلك حاجة طب فاكرة رجعنا لبعض ازاي ؟ فكيت البلوك وشرحتلك الوضع وانتي ماكنتيش مصدقاني ، ماهو حقك بصراحة بس رجعنا نتكلم تاني ، واختي قطعت عليا تاني بس عرفت احل معاها كنتي بتعامليني ببرود وكنت بكلمك كل فين وفين ماكنتش بطيقك وكنت مفكرك انتي كمان مش طيقاني كنا تقريبا بنتكلم يومين ونتخاصم شهر ، كنا وصلنا اواخر اولى ثانوي حصلت ذكريات حلوة كنت ببعتلك ريكوردات بشرحلك فيزياء ورياضة بصوتي علشان كانو بيقفو معاكي ، كان شرحي يقرف بس كنتي بتمرهميلي بس اما عمري ما سمعت صوتك وكل ما كنت اكلمك في الحوار دة تصدي بس اعملي اللي يريحك ، انتي غالية عليا كدة كدة ، بس مع ذلك مخنوق منك ومش طايقك ، انتي ليه دايما بتصديني فاكرة سيبنا بعض المرة دي ليه يا جاتوه او يا عسل ، فاكرة لما كنتي مسمياني كشري مقبولة منك عموما سيبنا بعض علشان فترات غيابنا طالت وانتي ماكنتيش بتحبي كدة انتي كنتي بتحبيني اهتم بس مابتبدلينيش الاهتمام ف تعبت وقفلنا الحوار جت فترة وحبيتك ، جت فترة وكرهتك ، جت فترة ونسيتك ، جت فترة واتقبلتك طب فاكرة لما رجعت اكلمك السنة دي بعد غياب حسيتك نضجتي اكتر وماعدتيش بتصدي زي الاول بقا فيه رايح جاي عرفت منك انك اتغربتي وفيه مشاكل مع اللي في السكن معاكي كان قلبي بيتحرق عليكي بس مفيش في ايدي حاجة اعملها انتي في الشرق وانا في الغرب هزارنا زاد الفترة دي بس كانت كل حاجة حلوة ليها نهاية بلكتيني على رقم من غير ماتقوليلي بس ماعرفتيش ان معايا رقم تاني دخلت كلمتك وقولتلك ماعنديش مشاكل اني اتبلك بس قوليلي ليه وعرفيني قبلها ماكنتيش فارقة معايا ، كنت اعرف غيرك ساعتها كالعادة زهقنا من بعض والمرة دي قولتيلي انك هاتبلكيني وقولتلك اني فرحت اننا اتكلمنا بعد الفترة دي كلها بعدها دخلت في حالة نفسية صعبة مش بسببك انتي بس ، كل البنات اللي كنت اعرفهم وقتها عملنا مشاكل مع بعض وسيبتهم كلهم وحصلت مشاكل تانية زاد جلد الذات وكره النفس ، انتكست في مستنقع الوحل اكتر وبعدين في يوم دخلتي كلمتيني قولتيلي انك حلمتي بيا بعيط عرفتي منين يا بنت اللذينة كنت نايم معيط فعلا يومها ماكنتش مكالمتك فارقة معايا ، انتي نفسك مش فارقة معايا ، انا كرهتك ، بس فرحت انك كلمتيني قولتيلي هانتكلم اليوم دة وبس وانا قولتلك ديل الشات دة لسة محتفظ بيه قولتيلي حاجات كان نفسي اعرفها قعدنا نفتكر شوية ذكريات حلوة وبعدين صارحتيني قولتي انك كنتي بتحبيني ، انا ؟ ، ا*ا اومال كنتي بتصديني لما كنت بحاول اخد خطوات معاكي في البداية ليه ، انا كنت الفارة دي معتبرك صاحبك قديم مش اكتر فضفضتلك بالحاجات اللي كانت مديقاتي وبعتلك الشات بتاعي مع امين اسراري تشات جيبيتي علشان مكانش عندي طاقة اشرح قولتيلي اني حلو علشان الشخص الوحش مابيفرقش معاه انه وحش ، طب يا ستي انا عارف اني وحش وختاما لما سألتك كل شوية بلوكات ليه قولتيلي احسن جملة سمعتها بصراحة "انا بحاول اقرب من ربنا وانت الذنب الوحيد في حياتي " ماشي يا ستي ربنا يثبتك ويقربك اكتر انتهت القصة انا حاسس بايه نحيتك بجد مش عارف بكرهك بحبك انتي مش فراقة معايا انتي غالية عليا جدا انتي صاحب من اقرب الصحاب ليا انتي سببتيلي عذاب كتير انتي كرهتيني في نفسي انتي حببتيني في نفسي خلصت حكاياتنا وعمري ما سمعت صوتك ولا فاكر شكلك بس فاكر الذكريات الحلوة والعذتب اللي عذبتيه ليا بس للامانة بما انك كنتي اول بنت اعرفها ف كنتي فار تجارب ليا بصراحة ، ماكنتش عارف المفروض اعمل ايه المفروض اني نسيتك بس اللي فكرني بيكي دلوقتي ان في موقف لمس معايا شوية اتمنى انساكي تاني ، اتمنى تكوني نسيتيني ، اتمنى تفرحي في حياتك 🫶 الوداع واصلك من الكشري بتاعك يا جاتوه

حلفت باللي غيّب الشمس منّاك والصبح بأمره تطلع الشمس منّا إن أسعد الأيام شوفك ولقياك وإن أقشر الأيام غيبتك عنّا ودك تلاقيني وودي بلقاك لكن ظروف الوقت ما ساعدتنا. زياده لتكمله القطعه الاحرف

احساس الهدوء و السكون فى الليل بيخلي الانسان يتذكر الماضي و بالتالي الواحد بيكون اوفر ثينكينج بطريقه عبيطه و يشعر بالحنين لناس سابوه لا و مش بس كده و كل التروما اللي فى حياته تطلع فجأه و يحس اكتر ان قد اي هو عانى فى هذه الحياه فا يكتئب و كما قال امير عيد مبتوحشنيش عشان النبض جوه القلب ميوجعنيش والله حصلل حاليا انا عالق فى الذكريات و كل حاجة الانسان تعب يسطا والله

بقيت قاعد ع القهوة الاقيهم مشغلين اغاني بتفكرني بيكي بقعد اعيط وحشتيني ومش قادر اعيش من غيرك مستعد اعمل اي حاجه بس نرجع نتكلم دقيقه منهم لله اهلك هما السبب في كل دا وحشتيني ومش هسيبك والله.

ازاي بتعرفوا ان الشخص بيفكر فيكوا برغم ان مفيش اي اتصالات ولا كلام من سنين طويله بس بيطلع في اشخاص قد تعرفهم وعمري مابطلت افكر فيه خلال السنين الكتير اوي دول ونفسي اعرف هل بيفكر فيا ولالا

بحس فى احتياج دائم ل حد يكون معايا علاقه ارتباط تنتهى بخطوبه بس بحتاج دايما اللى معايا تعبرلى عن حبها ليا بالكلام والافعال وانا اكيد بعملها كده ليه صعب الاقى حد نكون مع بعض لغايه ما نتخطب انا شاب علشان تهدوا كده انا ماستر بس حنين جدا عادى عندى ده وده ولا يتعارضوا مع بعض

مش ع سبيل الهزار خالص يمكن طفولتي كلها كنت بحب اتعامل مع بنات واكلمهم وكده و سنين بحب و اتحب و ف علاقات بس فجأة قطعت كل علاقاتي و اتجهت ل شغلي وحياتي العمليه بس بقالي فترة حاسس اني مفتقد وجد العلاقه مفتقد حد اشاركه اه عندي صحاب بس الموضوع مختلف محتاجه العلاقه الحنينه ف حياتي حد اكلمه و يكلمني ب استمرار و معايا طول يومي + اني مش عايز ارجع اشقط سوشيل و كده حاسه موضوع بضان

مكنتش مبين. عامل حنين الحقبة دي بالنسبالي أنا متعلق بيها تعلق مرضي حد فاهمني ؟ بجد الحقبة دي غريبة و كان فيها حاجات كتير اوي حلوة حاجات بنحنلها و جامعة القاهره و عين شمس و مكس مش مفهوم كدا و غريب.

واحشني نفسي أوي وأنا طفلة على فكرة كنت طفلة لطيفة ومؤدبة وخجولة جدا وحساسة جدا فوق الوصف وكنت بحب اتدلع أوي وكنت شطورة أوي أوي وكنت بحب اللبس والتوك والشراب الأبيض والجزمة السودا ولبس العيد كنت بفرح بيه أوي وكنت بخاف من المراجيح واحشني أوي اللعب والعرايس كنت بحب العرايس أوي وبحب البلالين كمان وغزل البنات نفسي أقابل نفسي وأنا صغيرة وأحضنها كدة مش عارفة بكتب ليه يعني بس بكتب وخلاص Skip 🙈

ممكن تقلولي طرق ازاي تنسو صدمة معينة ف حياتكم لسا كنت في سيشن صوت مع بنوتة عسولة جدا فكرتني باختي وتقريبا نفس صوتها ..وانامش عايش مع اختي بس بنتكلم كل فترة كدا لاسباب يعني مش عايشين في نفس المكان

انا شايفة انو الحياة بالموبايل سيئة للغاية بحيث انه لا يوجد تواصل بين الاخوات في العائلة او بين الام و الاب حتى الي يبغى يفضفض ما يقدر صار يبغون الاختصار في كل شي قبل كانو يسولفون مع بعض يشربو قهوة برواء كان الطفل ذكي و عندو قدرة على الصبر و التعلم بدون غضب و قلق هذا العصر الحديث صدقا كان مدمر للانسان بطريقة سهلة عن نفسي اتمنى اعيش في بيت من غير موبايل

الرساله دي بكتبها ليها يعني لو كانت موجوده هتا يمكن تشوفها السلام عليكم انا طبعا مش عارف اقولك اي بس الف مبروك علي الجواز اولا ثانيا ممكن انا مقدرتش اسعدك او اكون الشخص اللي بتتمناه بس حاولت يعني حاولت احارب اهلي اللي رافضينك عشان عيلتك وطبعا عارفه تقاليدالصعيد اللي مزهقانا بس يعني....... اه صح هتمسي ابنك اي زي متفقنا انا وانتي زمان مصطفي ولا هو اللي هيسميه المهم تتهني بيه وبدعيلك تبقي سعيده لاني طبعا اللي بيحب مبيكرهش بس كنت اتمني ابقي انا اللي اسمي ابننا واشيله كده ونروح الملاهي بس خلاص خلاص انا مش هعيط عشان انا راجل والرجاله مبتعيطش والكلام ده بس عايز اقولك انا بشوف كل البنات شبهك مش عارف انتي سحرتيلي ولا اي 😂 او يمكن مبقتش اشوف حد غيرك قدامي.. بس سؤال انتي هتنامي معاه ازاي يعني مش قصدي غلط بس مفكرتيش يوم انا حالي هيبقي اي من غيرك يعني بعد العشرة دي كلها قدرتي تسبيني في ثانية احنا كنا تقريبا قاعدين مع بعض بنطمن اربعه وعشرين ساعه علي بعض دحنا سمينا اولادنا قبل منخلفهم. مش هفكر كتير اخد نفس بس...... تمام عارفك هتقوليلي ربنا يعوضك خير وكده بس الف شكرا سبتي علامه لايمكن تتمحي و تتهني ومش عايز دعواتك خليها لجوزك سلام ادعيلي انساكي بس

مضايقه اني على اعتاب هفسخ خطوبتي مش عارفه انا هنا ليه اصلا وبعمل ابه بس حقيقي الواحد مخنوق مش من فكرة الفسخ يل من اللي حصل من الطرف التاني مع انه كويس اوي وابن اصول وكان حنين معايا فجأه بقى بيتعامل بطريقة كلها جفاء خصوصا في الزعل هو انسان كويس بس مش مناسب ربنا يصلح حاله. انا زعلانه اني ضاع سنه من عمري في السراب لكن لعله خير الحمد لله.

أحيانًا بحس إن الغربة مش إنك تبعد عن مكان… الغربة الحقيقية إنك تبعد عن نفسك، وإنت لسه واقف في نفس المكان. كل حاجة حواليا زي ما هي، نفس الوجوه، نفس الشوارع، بس مفيش حاجة فيهم شبهّي. كأني ماشي وسطهم بس مش منهم، كأن الأماكن اللي المفروض أنتمي لها… ما بقتش تعرفني. الإحساس ده تقيل… إنك تدور على نفسك جواك ومش تلاقيها. كأن في جزء مني اختفى، ومش فاكر إمتى ولا فين ضاع. بحاول أفتكر أنا كنت مين، كنت بحس بإيه، بس الإجابات بتيجي فاضية. والأغرب إني بشتاق لناس ما قابلتهمش أصلًا… إحساس غريب كأن قلبي عارفهم ومستنيهم، بس الحياة لسه ما جابتهمش في طريقي. وفي الآخر، الحقيقة اللي بترجعلي دايمًا: كل حاجة حواليا موجودة، واضحة، وحاضرة… إلا أنا

لَيسَت كُلُّ القِصَصِ تَبلُغُ مُنتَهاها، وَلَكِنَّ بَعضَها يَترُكُ أَثَراً كَأَنَّهُ كانَ مُمكِناً. هُناكَ جَمالٌ مُعلَّق، يَقفُ عِندَ حافَةِ الاكتمالِ ولا يَبلُغُها، فَتَظلُّ الرُّوحُ تَحنُّ إِلى ما لَم يَكُن. فِي تِلكَ اللَّحظَةِ بَينَ الوُجودِ وَالعَدَمِ، نُدرِكُ أَنَّ القِصَصَ الَّتي لَم تُكتَب أَجمَلُ مِن تِلكَ الَّتي اِنتَهَت. هِيَ كَلِمَةٌ لَم تُقَل، فَبَقِيَت أَحلَى… وَنَظرَةٌ اِرتَعَدَت، فَبَقِيَ أَثَرُها. بَعضُ الأَشياءِ تَكتَمِلُ بِأَن لا تَكتَمِل، كَالقَمَرِ حينَ يَكونُ ناقِصاً، إِذ يَترُكُ لِلتَّمَنِّي مَجالاً. فَلِتَحيا الحِكايَاتُ النَّاقِصَة، فَهِيَ وَحدَها تَمنَحُنا نِهايَاتٍ نَكتُبُها… ولا نَعيشُها. فَإِن لَم تَكُنِ القِصَّةُ لَكَ، فَقَد كُنتَ أَنتَ أَجملَ ما فيها ✒️گ

تعبت كان نفسي يكون عندي اخوات اخ طيب يحس بيا ويطبط علي زي زمايلي ولا اخت بنت تفهمي تنكشني تاخدي هدومي اخد حجاتها نخرج سواء بجد زعلانه ان معنديش اخوات هل فعلاً الأخوات شي حلو ولا بس الي بحلم كتير قالي مش زي ما انا متخيله بس حاسه ده عشةن يهونو عليا مش اكتر بس الموضوع مضيفني جداً

وحشني زمن النهايات السعيدة الدنيا كانت ابسط من كدا بكتير والله ظننت انني سباحة ماهرة فاذ بي اغرق وقدمي تلامس الرمال ظننت انني سباحة ماهرة فاذ بي اغرق وقدمي تلامس الرمال ظننت انني سباحة ماهرة فاذ بي اغرق وقدمي تلامس الرمال

هو لو حد ساب من غير سبب دا يستاهل أن احنا نحاول عشان تأني برغم اني حاولت كتير اوييي اويييي ومكنتش وحشه ف حاجه وحاولت احافظ ع الشخص دا كتير بس كنت بتاذي برضو بس كل الفكره اني متعلقه اويي وبحب اوييي كمان ونفسي الشخص دا يرجع عشان مش عارفه اعيش تاني من غيرو هو عارف ان ب كلمه منو كل حاجه هترجع زي الاول بس هو مش عاوز هو خد الحل انو يبعد علطول

وحشتني كل حاجه قديمه بما فيهم الناس القديمه الي كانت موجودة هنا زمان عشان الجديد للاسف كلو فيك ، بسمع اغاني قديمه بتفرج علي افلام قديمه مش عارف اتاقلم علي الجديد ولا عارف ادي فرصه لناس جديده تدخل حياتي ، نفسي الاقي الناس الي كنت اعرفها زمان قبل كل التحديثات دي ، أنا عارف اني كبرت بس مش اوي يعني للدرجادي

بقالي كتير منزلتش حاجة هنا وده لسبب اني دخلت فترة نقاء وخلوة مع ربنا انا حرفيا مبسوط جدا اني اتغيرت منكرش سعات بحن للماضي ولاكن انا خلاص مبقاش عندي حنين غير لربنا لما تقرر تتوب متخدش معاك فرحت التوبة الحاجه الي بتضعفك مثلا مترحش الجم عشان تخس وانت واخد معاك شورما عشان لو جعت حقيقي لو حد حابب يحكي حاجة وجعا مهتم اسمع كل حد موجوع

توحشت عائلتي توحشت بلادي توحشت كل بلاصة فيها مخيبها الغربة خاصة كي متلقاهمش كيما ناس بلادك متحكي مع حد متمشي لحد القلب يقسى مع الوقت ماعادش يرجع كيما قبل كل تركينة فيها تذكرني في الف حاجة و الف قصة محلاك يا بلادي 🇹🇳

فكره ان الابلكيشن دا مش بيظهر مين الشخصيه ولا اي معلومه عنها فحبيت اكتب هنا ممكن حد يشوفني زي اخته ويهون عليا الساعه الوقتي 2:30 بليل حاسه ان شريط كل الذكريات اللي كان بنا عدا قدامي فجاه اول مكالمه معاه اول خروجه اول لما قالي انا بحبك ومش هقدر اكمل من غيرك حافظه التواريخ بالتوقيقت اليوم وكل حاجه بس هو مش موجود كل حاجه زي ماهي معادا هو ساعات بقول هو انا باجي علي باله انا ربنا اللي يعلم بحال قلبي والله وان مش عارفه اعيش طبيعي اوقات بفكر اروح اتعالج نفسيا بسببو ليه ما مشيش من غير اذي ليه حب يطلع فيا عيوب الدنيا والاخره وليه اما رجع وسمحتو رجع اسوء ويدمرني اكتر انا حبيته حب لو لاف الدنيا كلها مش هيلاقي زيوو بكدب علي نفسي. علي اللي حوليا ان نسيت ومش فارق وانا من جوايه بحبس نفسي في اوضتي وافضل اعيط طول اليل واصحي اخرج واشوف حياتي ماهي مش هعرف اوقف حياتي بس الفكره انا هفضل كدا لحد امتي اصحابي بيتخطبو وانا مش قادره ادخل اي حد حياتي مكنتش شايفه غيرو ولحد الوقتي مش عارفه اشوف غيرو حرفيا بكتب وانا عيني بتنزل دموع ممكن دي الحاجه الوحيده الي بعرف اعملها انا مش عارفه اكمل حياتي طبيعي اوقات بقول ياريته ما ظهر كنت عايشه حياتي طبيعيه هو مفيش فيه حاجه مميزه ولا ملفته وكنت عارفه ان مش هو دا اللي هامنو علي نفسي بس حبيته اوي كنت اسمع ان ان الحب اعمي بس اول مره اعيشو هونو عليا والله ❤️‍🩹

جماعه هو ايه سبب إن فيه فترات من حياتي ممسوحه حرفياً كأنها محصلتش! يعني هحكيلكوا حاجه أنا زمان كانت شخصيتي عباره عن إن لما حد كان بيضايقني أو يزعلني كنت بتقفل منه على طول وبنساه وبنسى كل حاجه بينا وف وقت م شخصيتي كانت كده ارتبطت بشخص حرفياً علاقتنا أنا م فاكره قعدت قد ايه بس كانت شهور أنا مش فاكره أي حاجه ف علاقتنا غير اول مره شوفته ومره قالي ناخد بريك من بعض الكلمه زعلتني جداً هو قالي اننا رجعنا بعدها بس انا مش فاكره نهائي بس دايماً بقول انا فاكره إني كنت مبسوطه معاه الفكره انه حاول يرجعلي بعدها كتير أنا مرضتش ودلوقتي بقالي شهور حرفياً مبيطلعش من بالي وبقول لنفسي مش عايزه حد غيره بس مش هتكلم معاه عشان هو أكيد حياته أحسن وحاسه بالذنب إني مش فاكره أي حاجه بس مش ب ايدي بجد فيه حاجات كتير ف حياتي أنا مش فاكراها بردو بس دي اكتر حاجه مهتمه افتكرها

جدعان ازاي ماحدش اتكلم علي الحته دي علي الاغنيه بتاعت توليت ساعتها اما قال.. نفسي اكون في حضنك يا اما وتطبطبي عليا واخاف اكون لوحدي ياما وميسالوش فيا لو طريقي اخره ضلمه نوره شويه وياما صعبت عليااا نفسي واهي حكمه ربناا.. يلهوي بجد الحته دي بتموتني من جوه لا لا لا بجد بترجعني يعني لنقطه الصفر من تاني

بجد موضوع اني مش عارفه ارجع اكي القديم مضايقني اوي بجد متأكيد كلكم مش علي اككم القديم كنت بحبه بجد قعدت عليه ٣ سنين بس حاسه انكم يعتبر نفس الناس نفس الت.فاحه قل،يله الادب ونفس القهوه العندها ٣٠ س بجد وحوار الفويس مضحك جدا اصواتكم بتضحكني😭

جماعه انا اللي سبت الاكس وعايزه ارجعلوا بس هو كان موبايلو مسروق وماشي بموبايل اي كلام وعرفت بطريقتي انه غير موبايلو من شهر ٢ وكل الاكونتات اللي معايا قديمه ومبقتش معه ف حاولت اكلم حد من صحابو بس مش عاوزه اقول انه انا ف قولت انه بابا كان بيتعامل معه بس بردو محدش منهم راضي يديني اكونته اعمل ايه

بتعملوا ايه لما تحسوا انكوا خلاص مش قادرين تكملوا منغير شحص حنين جنبك يطبطب عليك ويسأل عليك الموضوع مؤلم ف بعض الاحيان كل ال حواليك عايشين حياتهم وانت لسة بتدور عالشخص الصح وفالاخر مبيجيش

افتكرت حاجة دلوقتي هي مؤلمة الصراحة وحشني أوي لما ماما كانت بترقيني كانت بتقولي بسم الله أرقيكي من كل شئ يؤذيكي الله يشفيكي وتمسح على راسي أنا بحاول أشغل الرقية وساعات أقولها لنفسي بس مش عارفة أحسها زي ما ماما كانت بتعمل ربنا يرحمها ويرحم بابا يا رب ويجمعني بيهم على خير ويعجل لقائي بيهم والله ..

معرفش ليه مقدرش انساها مع انو هي لي حبت اننا ننفصل ب افعالها بس احس اني لسه محتاجها معايا احكيلها ايه لي فيا و احكيلها كلشي حولية و اشوف ضحكتها تاني تراني مشتاقلها والله ابي حل غير اني ارجعلها و كذا

أغلى الحبايب اللي عن حياتي غايب لو عدى عمري كله مش هنساه وحياة غلاوته وقلبي من فرقاه ذايب وحشاني دنيا عشت فيها معاه مهما في حياتي العمر فات فاكره له أجمل ذكريات جوايا هتعيش بالسنين لسه الحنين في القلب ليه ده اللي إحنا عشنا ليالي فيه في العمر ما يجيش مرتين مهما هقابل بعد منه ناس كثيرة لسه اللي بينا في قلبي زي زمان والله ما ليّ في الدنيا دي غيره سيرة عمري ما أعز عنه روحي كمان مهما في حياتي العمر فات فاكره له أجمل ذكريات جوايا هتعيش بالسنين لسه الحنين في القلب ليه ده اللي إحنا عشنا ليالي فيه في العمر ما يجيش مرتين

ما ليْ أَحِنُّ لِمَنْ لَمْ أَلْقَهُمْ أَبَدَا وَيَمْلِكُونَ عَلَيَّ الرُّوحَ والجَسَدَا إني لأعرِفُهُم مِنْ قَبْلِ رؤيتهم والماءُ يَعرِفُهُ الظَامِي وَمَا وَرَدَا وَسُنَّةُ اللهِ في الأحبَابِ أَنَّ لَهُم وَجْهَاً يَزِيدُ وُضُوحَاً كُلَّمَا اْبْتَعَدَا كَأَنَّهُمْ وَعَدُونِي فِي الهَوَى صِلَةً وَالحُرُّ حَتِّى إذا ما لم يَعِدْ وَعَدَا وَقَدْ رَضِيتُ بِهِمْ لَوْ يَسْفِكُونَ دَمِي لكن أَعُوذُ بِهِمْ أَنْ يَسْفِكُوهُ سُدَى يَفْنَى الفَتَى في حَبِيبٍ لَو دَنَا وَنَأَى فَكَيْفَ إنْ كَانَ يَنْأَى قَبْلَ أن يَفِدَا اللي عايز الباقي يقول واللي عايزها صوت يقول

مساء الخير هل من الطبيعي احس نفسي بعلاقة عابرة بمعنى نفسي بشخص جديد بس انا وياه عارفين مش علاقة دائمة تكون عبارة عن تغيير جو أو أنه نرجع نعيد شعور أو لحظات معينة عشناها و بس نزهق خلص كل واحد يروح بحال سبيله

اديني في الفلاش باك بقا للثانويه لا مفيش بس عديت من جنب كلية طيب والفت دي مَرَرْتُ جَارَهَا فَرَأَيْتُهَا، فَنَظَرْتُ فِيهَا مُتَمَعِّنًا أَلَيْسَ مَفْرُوضًا بِأَنْ يَكُونَ مَكَانِي؟ فَنَظَرْتُ لِي وَلِمَا أَنَا بِهِ، فَوَاللَّهِ هَذَا لَمْ يَكُنْ بِرَجَائِي، مَكَانٌ لَمْ أَكُنْ أَتَوَقَّعُ، أَنْ آتِيَ بِهِ يَوْمًا وَلَوْ زَائِرًا، فَهَا أَنَا فِي غُرْبَةٍ غَيْرِ غُرْبَتِي، وَهَا أَنَا بِمَكَانٍ لَمْ أَرَهُ مَكَانِي. بس جامد والله عاش ليا

ليه شديتينا الناحة دي؟ قلناها للدنيا ما كنش في ضي قدامي واهو مشينا علي عمانا مابين عيون مش مليانه وليه حكينا ناس مش سامعانا قالوا الحياة مش دايمة لك شديني ليكي شديني حاولي ديما تلهيني وحبيني زي ما خدتيني ما انتي ياما ظلمتيني شديني ليكي شديني وحبيني زي ما خدتيني ما انتي ياما ظلمتيني نفسي اكون في حضنك ياما وتطبطبي عليا واخاف اكون لوحدي ياما وما يسالوش فيا لو طريقي في اخره ضلمة نوروه شويه ياما صعبت عليا نفسي "واهي حكمه الدنيا" ياما صعبت عليا نفسي واهي حكمه الدنيا هاا شديني ليكي شديني حاولي ديما تلهيني وحبيني زي ما خدتيني ما انتي ياما ظلمتيني

كان فى حد هنا اس مه ما.. نجو من فتره كبيره كان بيفضل يكتب كلام عميق وكلامه منمق ومنسق جدا وكان اكتيف جدا لسه موجود اصلا ولا اليو.. زر اتغير ولا كل الناس اللى كانت هنا اتغيرت ... اعتقد هو لو موجود هيعرف نفسه

جماعه انا لحد دلوقتي متعلق بالناس اللي كنت بكلمهم علي التطبيق ده قبل ما يتحدث بس للاسف دلوقتي مش موجودين لسه فاكرهم وفاكر نصايحهم مكنش ليا غيرهم بعد ربنا ومش عارف هل في منهم لسه موجود ولا لا

عارف احساس ان في حد واحشك بس مش قادر تكلمو بسبب الاذى اللي سببه ليك وتبعك قد ايه ف حياتك طيب عارف احساس انك قلبك اللي متعلق ف الشخص ده عقلك بيفكرك بكل حاجة وحشة عملها فيك ويقولك ما انا قولتلك بلاش ليه وجع قلبك ده ليـــــــــــــه

الحقيقه هي اني متخطتش وفاه جدتي ماتت من ٣ سنين لسه بعيط عليها كل يوم بليل وقتها كنت في ٢ اعدادي مكنتش مستوعبه يعني اي اصلا تيته ماتت مش هشوفها تاني ؟!مش هتحكيلي قصص تاني ولا حتي نلعب سوا ؟! بحس أن التخطي خيانه ليها هي تستاهل اعيط عليها عمري كله حنينه و طيبه جمال الدنيا كان فيها رحمك الله يا عزيزتي ❤️‍🩹

وفجاه افتكرت جدي وافتكرت وهو بيرجع من كل فرض في المسجد مش بيفوت فرض واحنا بنتخانق ونجري مين يلحق يلبسه الشبشب بتاع البيت لما يدخل وافتكرت وانا صغير لما قولتله جدو انا نفسي ااذن في المسجد قالي تعالا وملكش دعوه وخلاني ااذن وكان فرحان بيا اوي وفيوم كنت جاي ااذن وراجل دخل اذن وجدي كان بيتخانق فيه اوي انه مخلانيش ااذن يااه يا جدي انا عايز اقولك اني بقيت بصلي امام في المسجد دا يجدو بقيت بصلي هناك امام يصاحبي كان نفسي تبقا موجود وتحضر اليوم دا بس ربنا اختارلك ترتاح من الدنيا يحبيبي جعل الله لقيانا في جنه الفردوس وصدقني مش هنساك والله انا بقالي كتير مش بجيلك اهي مشاغل الدنيا بس وعد هعملك حاجه تنفع وعد بس ربنا يفرجها الله يرحمك يصاحبي 🤍

لية الفترة دي بحس بحنين لناس قديمة خرجوا من حياتي حتى لو أذوني وناس تانية الدنيا خدتنا من بعض وبقالنا سنين منعرفش حاجة عن بعض. من سنتين كنت شغال في محل ما ولكني قعدت 3 اسابيع بس المهم قولتلهم لو نجحت صافي وعد كله معزوم على شاورما وسيبت المحل والنتيجة اتأخرت وظهرت وكانت برضو علاقتي بيهم حلوة روحت نزلت جبت للفرع كله شاورما سوري وروحت مفاجأة لاقيت 2 مديرين قالولي منت لازم تسيب المكان اللي زيك مش محتاج فلوس وواحد تاني كنت مسلفه 150 وقولتله مش عايزهم ومتقولش لحد قالي قدامهم ده انت صارف عليا 150 ولا كأنك ابويا روحت عملت نفسي عادي مزعلش بس روحت عملت ليهم بلوك كلهم ولحد دلوقتي لما بروح الشارع ده بلف من ناحية تانية عشان محدش يشوفني لأنهم كانوا بيتصلو كتير وغالبا اصلا اتغيرو وناس مشيت معرفش بس بعمل الإحتياطات ولكن دلوقتي بحنلهم وبفكر اكلمهم أو اروح اشتري منهم. مرة بنت حبيتها قولتلها نرتبط ونخطب قالت لا انت اخويا خوفت اتعلق بعدت فضلت تكلمني كل يوم لمدة سنتين اتعلقت بعدت عني وقالتلي خلاص زهقت عملت ليها بلوك بفكر اخش اشوف هي مين دلوقتي. زمان كان ليا صاحب قريب اوي اوي ورغي 24 ساعة وانا اتخانقت مع طرف تالت هو دخل دافع عنه وخسرني بسببه واللي حواليه قالولي ده ماسك على بنات حاجات مش كويسة وبيشرب خم،،، ور دلوقتي انا كنت عامله بلوك وهو قالي فكه فكيته بس جيت ادور على الاكونت لاقيتو غيرو ورقمه ضاع وكل اللي حواليه قالولي منعرفش عنه اي حاجة. ليا بنت اعجبت بيها وكنت يساعدها كتير في شغل وهي ترد على القد وردود مقتضبة جدآ وكنت بنكش فيها ونيتي خطوبة بس حابب أنها تعرفني اكتر وتديني فرصة بعتلها رسالة عاملة اية مرديتش قولت اشوف لو مش هسال هي هتعمل اية من شهر 8 لحد دلوقتي مردتش ومسحت رقمي. ليا واحدة بنت بنت عمتي عرفتها قريب ودخلتني جروب مع قرايب تانيين ومكناش نعرف بعض حصل مشكلة بين الناس وكله خرج من الجروب ومتكلمناش بقالنا شهور بفكر اخش اكلمهم. اية السبب من اللي أنا فيه؟

في مشكلة معايا اني اي صداقة ليا مبتدومش بصفتي حنين اوي واللي بصاحبه عايزه يطمن عليا علي طول وكده ولو حسيت اللي قدامي بيستغلني بسيبه فا مش عارف العيب في مين بالظبط ولا انا طريقتي اللي غلط

عارف الإحساس اللي بييجي فجأة كده؟ لما تبقى ساكت بس جواك كلام كتير.. حنين لحاجات عدت واشتياق لحاجات لسه ما جتش… بتحاول تبان تمام بس الحقيقة غير كدا ..الفكره إنك محتاج تهدى شوية مع نفسك وفي آخر الليل دا لما كل حاجة بتهدى بنواجه نفسنا بصدق ونفتكر اللي فات واللي ما اتقالش بس وسط كل ده بييجي إحساس هادي يقول يمكن بكرة يكون اهدى ويمكن اللي جاي يعوض كل التعب… وكل حاجة بتيجي في وقتها..

اتمنى ان اجدك مرة اخرى لو ترى منشوري الان 😊 افضل صديق 🫰شكرا على استماعك لي لا اعرف ما سيجلب مستقبل لاكنك شخص راىع يا عمر و لم اكن لاجد شخض مستمع افضل منك .هناك اشخاص مستعدون ليستمعو لك بلا مقابل . انهم ملاىكة

معرفش ليه هكتب بالانجليزي بس حسيت عايزه اعبر كده .. I live what I want in reality only in my dreams. I miss my friends and need them by my side, so I dreamed they came to visit me, spent time together, we hugged each other, I really needed that..

اكتر حاجه وجعاني مش عارفه اتخطي لما الشخص اللي بحبو لسه بقي عليه م يسالش يمكن انا غلطانه ف لاول بس بنو ولا يسال ولا حتا يقف معايا انا مخنوقه من الدنيا كان نفسي يكون حنين علياا اكتر من كده شويه😭❤️‍🩹

انا شاب اعزب وكنت عايز الي اتكلم معاها واحكيلها الي جوايا وهي كذلك تحكيلي الي جواها ونبقي قريبين من بعض اوي ونبقي كل حاجة في حياة بعض وصدقا انا حنين وكويس اوي بس بجد ومن غير هزار لاني محتاجها جدا

الواحد حاسس بوحده جدا اوقات كتير جدا بحتاج لونس صوت معايا حد جمبي الواحد بيهرب من الوحده للشغل مش علشان حبا في الشغل لا عشان فيه ونس وصوت انا محتاج لما ارجع البيت الاقي حنيه احتواء حضن هدوء البيت جاهز مقمش اعمل حاجه حلمي معملش حاجه الاقي كل حاجه جاهزه اي حاجه اه والمصحف 😄 محتاج احتواء حنيه لطف وجود تواجد وانا بنام ولما اصحى وفي نص اليوم محتاج شريكة حياه من بتوع زمان ايام المسمى ده واكون ليها موجود ابادلها ده كل حاجه الوحده كتير بغباء مش حلوه بس الواحد بيتأقلم... بحاول لسه لحد دلوقتي

اماكن كتير لما بعدي عليها بتفكرني بناس مابقتش موجودة في حياتي و ماينفعش اكلمهم مع ان نفسي اكلمهم بيجيلي احساس بالحنين لما بعدي جنب حتة ليا فيها ذكريات مع واحده كنت بحبها زمان الكلية بتفكرني بحد مكتبة اسكندرية بتفكرني بحد المنيا بتفكرني بحد الشوارع في التجمع بتفكرني بحد شقتي بتفكرني بحد و مش باعرف مافكرش في الحاجات دي و مش باقدر أمنع نفسي من الاحساس بالحنين ده، بابقى عايز اطلع موبايلي و اكلمهم بس ماينفعش، ماينفعش عشان بقيت مع واحده تانية دلوقتي، و عشان اغلبهم عملولي بلوك محتاج انسى كل الذكريات دي بس مشكلتي اني مابنساش ومشكلة كمان اني لما بيكون عندي مشكلة مع اللي مرتبط بيها دلوقتي بحن للماضي فشخ. الانسان غريب والله.

نفسي ارجع محمد بتاع زمان البشوش اللي مش شايل هم حاجه اللي بشقاه بيشتري اللي عاوزه ولا بفكر ف الجواز ولا بفكر ف الارتباط عايش ملك اللي عاوزه بعمله ومش عليا فلوس لحد الديون دي اكتر حاجة متعبة

أنا مش عارف اعمل اي بجد ، ده المكان الي كنت برتاح فيه بس معتش زي الاول خالص للاسف كان في ناس هنا بتريحني وقت ماحتاجهم مبقتش لاقيهم ومش عارف بس حاسس ان احنا هنتقابل تاني ، أصلها كانت مميزه وهي عارفه كده كويس