متعب
كنت عاوزة اعرف لو حد عنده نفس الحالة دي واتعامل معاها ازاي انا من ١٠ شهور كدة جالي تعب وهبوط شديد ووقعت في الشغل كزا مرة .. وبعد لف كتير وكشف وكدة لقيت ان ضربات قلبي بتتسارع جامد جدا حتى لو مجهود بسيط عملت هولتر مفيش حاجة بس ضربات قلبي بتوصل لأرقام عالية جدا من غير مجهود ..فحاليا ماشية على أدوية تهدي ضربات القلب دي بس كل فترة الدكتور بيزودلي الدوا لانه مش جايب نتيجة ولسه بنهج ونفسي بيضيق حتى مع الكلام الكتير وبتجيلي دوخة وارهاق أغلب الوقت فمش عارفة هفضل كدة لغاية امتى .. ومتابعة مع الدكتور بس لسه مش عارفة حاجة فلو فيه حد مر بنفس الحالة .. ممكن يقول تجربته انا عارفة كل واحد وليه حالته بس يعني اعرف اكتر . لان الموضوع مزعج جدا بجد
