تفكير مفرط

بتعملوا ايه لما بتجيلكم فترة كده بيبقا الهم والتفكير المفرط عاملك شلل وحاسس انك مطفي ولوحدك زائد انك مقصر اصلا فتحس بيها اكتر وتحس من الناس اللي حواليك نظرة شفقة او انك معزول بتتظاهر طول الوقت بأنك طبيعي وانت مش طبيعي لو حد مهتم يكلمني او يرد بحل بس

انقذوني من ال overthinking الموضوع عندي متطور لدرجه كبيره جدا ومش عارفه المفروض اتخلص منه ازاي او حتى اقلله شويه نفسي مره انام علطول مش لازم اقعد خمسين سنه ضوئيه بفكر فالموقف ال عملته مغلطتش ولا عملت فيه اي حاجه بس مجرد بفكر انه محرج مع انه مفيهوش حاجه محرجه (بتكلم مع حد مثلا عادي 😭) لما بقعد مع حد من صحابي وقعدنا كتير مع بعض واكيد بنتكلم برجع دماغي تقعد تجيب كل كلمه اتقالت مني واقعد افكر فيها مجرد تفكير فكل كلمه حتى دماغي مش بتقولي دا غلط ودا صح لا هي بتفكر فيها بس بصوت عالي وان ازاي قولتي كدا مع ان والله كلام عادي مفيهوش حاجه بجد الصوت عالي جدا بجد يجماعه ومسموع انا سامعه صوت دماغي بجد الصوت مزععععججج لازم لما اتعامل مع أي شخص ايا كان مين تفكير مستمر من ساعه ما سبت الشخص دا تفكير فكل حرف وكلمه قولتها انا مش عارفه ايه السبب بجد بس انا دماغي بتق.ت.لني بجد ومش عارفه اعيش حياه طبيعيه الموضوع اوفر فوق ما تتخيلو -حاجه ملهاش علاقه انهارده وانا رايحه الكليه في قطه جاتلي كانت كيوت اوي بس كانت غريبه فضلت ماشيه جمبي الشارع كله وكل ما أسرع خطوتي الاقيها بتجري ورايا 😭😂😂😂 المشكلة بجد اني اول مره اشوفها فحياتي 😭

بتتعاملو ازاي مع فرط التفكير، التفكير المفرط الصعب دا اللي مبيعرفش يخليك تنام ودايما ف حالة قلق، جربت ثيرابي وكمان دكتور للمخ والاعصاب برضو مفيش فايدة، حاسس ان دماغك طاحون طول الوقت شغال مبترحمكش، حاسه اني بتخنق من كتر القلق ع اي معرفش، حاسه اني مش مرتاحه وعايزا امشي من اي برضو معرفش، مش عارفه انا بقا فيا اي وصلني لكدا بس انا بجد عايزا حل، نفسي ابطل تفكير ودماغي تهدي، نفسي انام عادي من غير ما اقعد نص يوم ع المخدة بس عشان اقدر اغفل وانام، نفسي ابطل اشوف كوابيس، نفسي ابطل قلق بقا ودماغي تسكت 💔

حياتي القديمة وحشتني بيتي القديم واحشني صحابي وضحكي معاهم وحشني كل حاجه حتى دراستي سعتها انا بقيت وحيدة ومش واثقه من نفسي ديما توبيخ وانا وحشة وكذا وكذا تعبت خلاص من التفكير الي مش بينتهي خلاص هكمل اسبوع وانا مبفكرش غير في موضوع واحد ومش بعمل اي حاجه حاسة بقرف نفسي ارجع باي طريقة انا تعبانه بجد

ايه حل فرط التفكير الشديد جدا و اختلاق سيناريوهات وهمية... حرفياً مفيش لحظة بدون تفكير و بالذات في اوقات الضغط أو لو في مشكلة او حوار دايما في تفكير او سيناريوهات وهمية سواء عن الماضي او المستقبل

انا محتاج حد افضفض معاه و احكيله كل حاجة انا مخبيها عشان ارتاح لاني بجد مش قادر استحمل الي انا في ده و التفكير المفرط الي انا فيه مش عارف انا صح ولا غلط حلو ولا وحش اتحب ولا لا فقد الاحساس بجد

الفتره دى الواحد بدا يفكر بزياده فى حاجات كتير و مش عارف يوقف تفكير مهما حاول فكرة الدخول للنوم دلوقتى مرعبه عشان خايف من التفكير و بقى فيه ارق جامد و مش عارف انام اى الحل مش فاهم الغريب انى مكنتش كده

ازاي اقدر اتخلص من الخوف والقلق لانهم بيأثرو عليا صحيا جامد لما بقلق او بخاف من حاجة مبعرفش انام وبحس بحرقان في ايدي الشمال وبتبقي تقيلة وخصوصا ان الخوف والقلق ده دايم + ان دماغي ديما مبتسكتش وشغالة تفكير

انا لا أستطع التحكم في نفسي وردات فعلي مرات كثيرة خاصة عندما أغضب او اتعرض للمضايقة او تنمر او كلام جارح واحاول الرد عليه وحتى لو كان خصمي ولد صغير وانا اقوى منه وعارف اني اقوى منه لكن أبدأ في التنفس بصعوبة وتبدأ يدي في الإرتجاف واشعر بشيء غريب وحتى إن عروقي تبرز واذا حاولت التكلم او الرد بخشونة أجد نفسي اصرخ بكلامي دون أن أشعر وبعدها حتى وان ذهب الشخص وانتهى الموقف لكن تبقى حالتي مستثارة لوقت أطول وابقى افكر فيها ليوم كامل او اكثر وخاصة قبل النوم صراحة مشكلة والله