سؤال عبيط معلش و يفضل الرد من بنات (عشان هما هيبقوا فاهمين طريقة تفكير نفسهم) دلوقتي انا فيه بنت عجبتني في فرح واحد صاحبي، شوفتها واقفة مع اختها بعد شوية روحت عشان مليش في اللف و الدوران سلمت و طلبت رقم تليفون الاب او الام بكل هدوء....البنت اللي عجبتني مقالتش لا بس ابتسمت بتوتر شديد و متكلمتش🤷🏻♂️...اختها الكبيرة قالتلي تعالى معايا بابانا على ترابيزة هناك قولتلها ماشي....بعد ٥ خطوات اختها الكبيرة قالتلي ولا تحب تاخد رقمه احسن قولتلها تمام بس لو هي موافقة اصلا و بصيت للبنت اللي عجباني و قولتلها تسمحي اخد رقم التليفون ولا بلاش احسن (عشان مكنتش عايز افرض نفسي لو هي مش متقبلاني من الاول) البنت فضلت مبتسمة بتوتر شديد برضه و مردتش 😅....اختها الكبيرة قالتلي معلش هي مخضوضة شوية بس و انا هديك الرقم...ساعتها اختها اللي عجبتني عملت لاختها بإيدها (لا لا) بس قدامي مش ورايا و هي مبتسمة اوي برضه بس بتوتر....المهم اختها ادتني الرقم بعيد عنها شوية و سالتني شوية اسئلة بسيطة عني و قالتلي شوية معلومات بسيطة عنهم 🙏🏻 سؤالي بقى: كده البنت بتقولها لا لا عشان مكسوفة او متوترة ولا مش عايزاني؟ عشان مبحبش بجد افرض نفسي على حد انا بقول لنفسي لو مكنتش قابلاني خالص اكيد كانت رفضت او مبتسمتش او حتى اختها فهمت انه لا بجد...بس في نفس الوقت معرفش تفكير البنات