هحكي موقف تاني عشان زهقانة جدا عامة، واهو بالمرة اتسلى. لو حد كان قارئ الموقف اللي فات ف هو نفس الواد تاني والله 🙂.. المهم يعني، هو واد كده معايا ف الدروس وحاطين نقرنا من نقر بعض والمدرسين واخدين بالهم اوي وبيتعمدوا يحطونا ف منافسة وكده. ف المهم، انا ف مرة، قمت ارمي ورقة بسكوت ف الباسكت ف امان الله، والباسكت ورا الباب بتاع قاعة الدرس. المهم انا واقفة ف سمعت صوت تخبيط، وانا مفيش غيري وغيره اللي بنخبط قبل م ندخل اصلا، ف انا حرفيا اتسمرت مكاني، والمشكلة ورايا الstage اللي المستر بيقف عليها وجنبي السلالم بتاعتها ومفيش مجال اروح ف حتة اصلا. ف المهم فضلت واقفة وهو فتح الباب وقام مسلم ومعرفش وقف ليه والله، هو فضل واقف ثانيتين تلاتة كده مدخلش ع طول، كنت انا فيهم شديت الباب اللي هو كاني بشده بخيط حرفيا، عشان بس موقفي كان هيبقى زبالة اوي وانا محشورة كده. المهم، لقيته قام قافل الباب وبيبص ورا بيشوف فيه مين (معرفش والله حس بيا ازاي)، وفضل واقف قدامي متنح فيا يمكن دقيقة وباصصلي اللي هو انتِ ايه اللي موقفك هنا؟ وانا هموت مكاني والمستر واللي ف الدرس بيتفرجوا ع المنظر البهيج ده ما شاء الله. المهم قام لف ومشي وراح يقعد، ف صاحبه بقى داخل وراه؛ هو كان واقف برا كل ده، ف داخل بقى وبيشوف صاحبه كان بيبص على ايه، راح شافني نط حرفيا من الخضة معرفش ليههه ف داخلة اقعد بقى وبحسبن والله وموطية راسي من التخلف اللي حصل ده، وصحبتي هتموت ضحك عشان دي مش اول مرة يحصل موقف زي ده، والمستر ما شاء الله متوصاش، هو اصلا كان مركز معانا ف الاول بقى مركز معانا اكترررر البوينت انه موقف عادي اوي بس معايا انا بيبقى بجد موقف زفتتت