موقف محرج

انا في موقف بايخ سعدوني من حوالي اسبوعين كدا في بنت معايا ف الشغل هي تعملها مع الفون بسيط ومش بتفهم وجت مره بتقولي ان الصور بتعتها كلها اتمسحت وكده قتلها ممكن تكون علي الجميل قلتلي يعني ايي ف خت الفون فتحت جوجل وفجات من المنظر بجد

كنت بكشف عند دكتور و هو بيشرحلي حالتي ف انا طبيعي بصاله و سرحت منه شوية بصيت ف الأرض و بصيتله تاني لقيته اتكسف وبص تحت وضحك وتاني مرة الاقيه رجع سند ضهره ع الكرسي اكنه داخ كده ومسك القلم قعد يلعب بيه و يتهته ف الكلام ويبلع ريقه بعدها الاقيه فرد ضهره و بص لرجلي فجأة زي دقيقة كده وبص لعيني وضحك ... ده ماله بقي 🙄🙄

السلام عليكم يا اخواتي هو الموضوع اني نزلت شغل من اربع ايام قولت انزل اي حاجه قبل ما ابدا تالته ثانوي الشغل نفسه حلو بس المشكله في المشرف اللي عليا لو مثلا زبون سبلي تبس عايزني اقسمه معاه في زباين بتسيب وجبه مثلا وسط العيد ميلاد يدهوهالي وهما ماشيين ف يجي ياخده وينزل ياكل تحت وحاجه قمة العبط(المهم انا عملت موقف كنت هموت من الاحراج بعدها وهو اني وانا بغير الزباله الكيس اتقطع في السحبه (الزباله ممكن توصل ل خمسه وعشرين كيلو عادي لانن بنقعد نضغط لتحت المهم ف طلبت من واحد في الممر يسحب معايا بعد ما غيرنا وحطيت الكيس الجديد ف لقيته بيقولي انت جديد هنا صح قولته ايوا وقولتله اسمي لقيته بيقولي اتشرفنا وانا اسمي كذا اللي عرفته بعد ما سألت المشرف انه مدير الفرع🙂🤡) الحمدلله مطردنيش

حصلي موقف زفت محرج و مضايق اوي اوي بجد احكولي ايه اكتر موقف محرج حصلكو عشان تهونو عليا ايا كان بقااا الواحد ساعات بيبقا نغسه الارص تنشق و تبلعه او يرمي نفسه في البحر من كتر الكسوف مضااايق

السلام عليكم الموضوع هو ان انا معجب بواحده كنا في جروب بس انا مش عارف ادخلها ازاي بعد ما صاحبي المتخلف راح قالها اني عايز اكلمها (ساعتها مكنتش اعرفها)ف بدايتها بقت زي الزفت ف مش عارف اعمل ايه

مشكلتي هتبقا بالنسبه لناس كتير تافهه بس بالنسبالي لا انا مرات اخويا حامل ف اخر الشهر الثامن لتاني مرا البنت الاوله ف السبوع بتاعها ابن خال مامتها جابولها سلوبت عليها اسمها وجدتها جابتلها فستان لسبوع لبست السلوبت ف التبيته والفستان ف السبوع المهم انا قولت ف البنت دي هجيب انا السلوبته المهم انا مخطوبه قولت لخطيبي وقولتلو تيجي نجبها سوا قالي ماشي قولتلو انت 400 وانا 400 لانها ب 800 بالاسم مخصوص المهم قالي ماشي وحجزتها ودفعت 250 من ال 400 بتوعي المهم النهاردة المندوب كلمني وقالي انو جايبها قولتو خاليها للخميس عشان خطيبي بيقبض الخميس قالي ماشي بكلم خطيبي اقولو عشان يجهز الفلوس قعد يزعق ويقولي م معايا انا ومعرفش اي وانا والله قولتلو من قبل مطلبها عشان محطش نفسي ف موقف زاي دا المهم هو عمال يقولي انا ف جمعيات واعمل اي ومعرفش اي وانا عرفت اهلي ان انا وهو هنجيب للبيبي حاجه اقولهم الوقتي هاتو الفلوس ليه لان خطيبي م راجل كلمتو واحده انا م عاوزه تهجموني انا مضربوش ع ايدو من الأول يوافق وهو بيقولي رجعيه وم ينفع حرام عليا دي معموله مخصوص ب اسم بنت اخويا وحرام عليه البسها للبنت وبالذات ان مستحيل تلاقي حد يطلب الاسم لانو م كل الناس بتحبو ولو لقت م هيطلوب نفس الشكل والكلام انصحواني اعمل اي وحولت استلف معرفتش انا هتجنن من الموقف اللي حطني فيه معلومه مڪنتش عاوزه اقولها عشان م تيجو عليا خطيبي دا حب سنتين وللاسف بينا علاقه مترضيش ربنا حولت انهيها كتير بس وقتها لو طلبت عنيه هيديهالي عادي متجمونيش لاني م ناقصه والله

جدعااااااااان حصل معايا موقف انهاردة من عليه من الضحك واستغربته ف نفس الوقت انا بنت و كنت ف مكان معين و رشيت بادي اسبلاش المهم واحدة جاية من برة ف نفس الوقت و قالت ايه الريحة الحلوة ديه في ريحة نسواان .. المهم الكلمة خضتني خلتني اشك ف البت ديه 😂😂😂😂

انهارده حصل معايا موقف زعلني اوي من نفسي كنت راحه مشوار انا وصحبتي واخويا كان رايح نفس المكان اللي احنا هنروحو ف ركبنا معاه في العربيه ف جيت افتح بابا الكرسي اللي جنبه كان مقفول والباب اللي ورا فتح ف ركبت معوصحبتي ورا والصراحه مضايقه من نفسي جدا وعارفه ان اخويا اكيد اضايق بس انا والله كنت هقعد جنبه بس لما الباب متفتحش اتكسفت اقولو افتحه معا اني لما فكرت فيها قولت عادي بس انا اتكسفت واتصرفت بتلقائية

حصل معيا موقف هاوز اعرف رئيك كنت ماشي مع حد في الشارع وفي طفل صغير سلم عليها بيقول يعني هاااي وبيهزر وهي هزرت معاه فهي بصيت لي وانا عملت نفسي مختش بالي من الموقف تمام فانا عاوز اعرف في المستقبل لما بقا ماشي بقا معا خطيبتي او مراتي اي احسن حاجه اعملها ؟ اسئلها مثلا مين ده او كدا ولا لا انا في الموقف ده استنتجت يعني ان هو حصل ما بينهم موقف قبل كده او هزروا مع بعض قبل كده فقلت تمام يعني ما اسالش بس (عايز اعرف بقى ايه الصح المفروض اعمله من وجهه نظر كل واحد وليه)

انهارده ياجدعان كان في مطره وليلة بس كان لازم انزل ونزلت ااصلا متأخرة المهم حظي الاسود قاعدت جمب ست كبيرة فس السن أنا قاعدت من هنا هي فضلت تصوت وتقول أيدي من هنا واللي هو قولتلها في اي قالتلي قاعدتي علي أيدي ياللي منك لله قولتلها أنا شوفتك بتشيلي أيدك قبل ما أقعد وأكيد مش هكون قاصده يعني أقعد عليها المهم الست حطت طرحتها علي وشها وعملت نفسها بتعيط وفضلت تدعي عليا المهم في واحد ادخل وقالها خلاص وبتاع وسكتت شوية بعدها بدقيقة قالتلي طيب هاتي حاجة راضيني عرفت بقا انها بترمي بلاها عليا و إستفزني اللي حصل واللي هو باي وش تدعي عليا وتوقعي قلبي اني اكون مثلا اذيتك وانا ومش واخده بالي وشككتني في نفسي فعلا أصل شوفتها بتشيل ايدها المهم قولتلها مش معايا فكة قالتلي هادعي عليكي قولتلها ادعي ولو ليكي حق عندي هتاخدي وسكتت المهم بعدها بشوية السواق وقف في مكان وقالها أن ده المكان إللي عاوزه تروحه قالته خلاص انها مش نازلة وكمل طريقك وبالفعل مشي و بعد شوية كتار قالها عاوزه تروحي فين فصلت تزعق وتقول مش معاها فلوس ترجع قالها أنا ماخدتش منك أجرة واديتك فلوس المهم السواق كان وقف أصلا والرجل اللي سبق وادخل قالي انزل عشان انزلها وبالفعل نزلت وهي بعد ما نزلت شتمت السواق و أم السواق وتفت عليه والسواق ردلها الشتيمة أنا بقا اخدت ديلي في سناني وقولت يافكيك وقفت عربية ومشيت ومصعبش عليا غير البنت إللي كانت وراء السواق و الست وراها والتفة جات عليها وحاجة يعني قمة في العبث  المهم أبو الفقر اللي خلاني اركب ميكروباص

في مرة كنت في 5 ابتدائي ومدرس التربية الرياضية شافني وانا بتكلم مع صاحبي في الطابور راح مسك المايك وناداني قدام كل صحابي وضربني شلوت برجله قدام كل اللي فالطابور وقالي روح مكانك .. الموقف دا كاسرني للأسف

حصل موقف مش عارفه اتصرف ازاي امبارح كنت متقفه مع صحباتي الاتنين نخرج تالت يوم العيد هما اتنين صحابي في مكان الشغل بس ف واحده منهم بوضت الخروجه بسبب انها نايمه وبنرن عليها ومش بترد وصحيت بعدين في وقت متأخر المهم انا بينت لها اني اضايقت من الموقف ده وازاي تبقى والاستهتار ده قالتلي حقك عليا ونعوضها تاني يوم بس انا الموقف زعلني ف مكنتش حابه أخرج معاهم هما تاني يوم في الشغل كانو عاوزين يعوضو الخروجه اللى باضت بسببها بعدين قولتلهم لا عندي مسؤوليات في البيت ولازم اروح المهم هما قالو خلاص احنا كمان هنروح ومش هنخرج لقيتهم بليل منزلين صور أنهم خروجو من غيري اتصرف ازاي معاهم بعد كده خاصه اني اخدت على خاطري بجد

حصلي موقف من كام يوم لازم أشاركه بجد مش عارف اتخطاه كنت بحب بنت عملت معاها كل حاجة وحاولت اتقدملها واخد خطوة مع ان ده عكس طبيعتي الجبانة البنت كانت محترمة بصراحة ورفضت اني اتقدم بس كنت حاسس ان عادي مش مشكلة لحد ما كنا في خطوبة واحد زميلنا لقيتها واقفة هيا وصاحبتها بيبصولي ويضحكوا من تحت لتحت في الاغلب بيتريقوا عليا بجد دي من اكتر المواقف الصعبة الي عدت عليا مش عارف اتخطاها لحد دلوقتي

حصلي موقف ف الشغل و عاملي مشكله حابه اسمع اراء ناس تانيه عنه من فتره سبت شغلي القديم و بدأت شغل ف حته تانيه ف مجال مختلف - المجال دا انا مبتدأ فيه بس بحبه و كنت متعمله شويه حجات عنه - ف اول الشغلانه فهمتهم حدود معرفتي ف المجال و هما كانوا طيبين جدا و قالولي ماشي و الدنيا كانت زي الفل - امبارح صاحب المكان جاب اله جديدة ليها علاقه بالشغل يعني - انا كنت بشتغل علي اله زيها بس بنوع احدث و متعوده علي الحديثه و هو جاب نوع قديم و مختلف عن الي انا متعوده عليه بس مش مختلف اوي اقدر اتعامل معاه عادي - المهم قلتله الكلام دا و قالي مفيش مشكله و علمني ف الاول بهدوء و انا فهمت و بدأت اشتغل عليها - المهم في زرار ف الاله دي انا عارفة ان بيعمل وزيظة معينه ف الاله الحديثة ف دست عليه و هو ف الاله القديمة بيعمل وظيفة تانيه خالص - المهم بوظت الشغل بس مش اوي هي كانت مشكله بسيطة - اتاسفت و قولتله هدفع الخساير من معايا - هو مزعقش بس قالي كلام بهزار بمعني اني مش بفهم و لو معرفش ف الشغلانه ف مشتغلهاش احسن - ف العادي كنت هبتسم و خلاص بس انا بقالي فتره المشاكل حرفيا مش بتسبني ف حالي و مظغوطه اوي دراسيا و نفسيا و جسديا - المهم اني عيطت هناك - هما اتصدموا و بصولي كأني مجنونه لاني مش بالحساسيه دي ف الاوقات التانيه - المشكله اني عيطت بطريقة هستيريه و جاتلي نوبه هلع و معرفتش اتنفس من كتر العياط - انا مكنتش بعيط علشان هو قالي الكلام دا بس - انا كنت بعيط علي كل حاجة حصلتي من مشاكل -المهم حاولت الم الدنيا و اخدت انهاردة اجازة - بس انا محرجة اوي اروح بكره لاني بقيت ف نظرهم عيله بتعيط علي اي حاجة و هو اتضايق مني - هو طبيعته كان بيهزر معايا لاني قد عياله بس اظن بعد الموقف دا مش هيهزر معايا تاني و انا مش عايزة الموضوع يبقي غريب بعد كدا - ف اعمل ايه؟؟ اسفه اني طولت🙏🙏