طيب خلاص مش محتاج ان انا اعرفكم على نفسي انتوا خلاص عرفتوني حبيبين اهلي يعني وكده. كنت باتكلم على ان انا مع اثورابيست وياسي اتفاضلة جدا بس انا مش عارف اتكلم معها. فالمهم قررت ان انا احكي لكم موقف تافه ما يستحقش ان انا افكر فيه دقيقتين. بس انا عشان راجل دماغي وطعبانة فمضام داجقني وحسنا انا هبقى احسن لو انا اتكلمت فيه. وعمتن تظل اي حد شايف ان موقف ده تافه. بس اه انا هبقى تمام لو انا اتكلمت. فالمهم احنا ارضا في المسجد كنا قاعدين قاعدين جدا في امان الله. بعد كده جاه وقت اقامة الصلاة. شيخ المسجد جاه واقف جنبي قال لي قوم صلي. بس وقت اللي اصلي اه قال لي قيم الصلاة وصلي. بس المهم قمت اقمت الصلاة وصليت كنت متوتر وركنة كانت بتتخبط. لو هو حرفين لو حد بص على رجلي هيشوف ان رجل من الادم ده رايحة جاية. هيشوفها بعين واضحة يعني هو اكيد شافوها اصلا اكيد كلهم شايفين ان انا كبير بتخبط ببعض يعني. وكنت واقف بتراش وغلطت غلطتين اه والدنيا كانت بايزة معي خالص يعني. مشكلة في حاجة ان هو فجأني. انا مشكلتي في المفاجأة مش اكتر من كده. يعني انا صليت بيوم او كده كتير. بس هو جاي يفجأني يقول لي قم صلي. انا حبش كده. انا فعلا ما يحبش كده. بس فانا من ساعتها انا شايف الاداء المخزي اللي انا قدمته. بس يعني عادي حصل خير. مش مشكلة. حاسنا انا بقيت احسن شوية لما اتكلمت في الموضوع ده. وموضوع موضوع تافه جدا بس انا انا مش لازم اقدم مبررات يعني. بص فيك لو مش عجبكم. انتم راس محترمة والله بس مش مشكلة وحصل خير.
تعرف احسن حاجه فيك انك بتبعت الفويس بتطلع اللى جواك ومش مشكله راى حد ودى فى حد ذاتها حلوة جدا وبالنسبه للنوقف انا شايفه عنصر المفاجاه كفيل يوتر اى حد فعادى
ازيدك من الشعر بيت كمان سعات بردو بتحصل معايا حاجات زي كده مع اني بصلي بيهم علي طول وللعلم انت مش غلط ولا حاجه لان الامامه بتحتاج تحضيير ومراجعه لان الواحد بيبقي عارف انو في مكان مش سهل الوقوف امام الله له رهبه حتي لو بقالك سنين انا سعات بتحصل معايا بردو ويغفلوني وابقي واقف عادي في الصف والااقي حد من ورايا قام زقني علي المحراب انت عارف ساعتها بحس أن دقاااات قلبي فظيعه ومش قادر اتنفس ولا قادر اجيب الاحكام بتذكر قول الله تعالى.. إذ القلوب لدي الحناجر وده اقرب تشبيه للحاله اللي بيبقي الواحد عليها وللعلم دي عاده في بني البشر لان الانسان عدو ما يجهل بس لو الموضوع ده حصل معاك تاني حاول تاخد شهيق طويل تملا بيه صدرك وتخرجه بسرعه كذا مره عشان بيبقي هرمون الكرتيزول والادرنيالين مرتفع وربنا يتقبل يا خويا ويجزيك خير.
الموقف مش تافه ابدا فين التفاهه في كدا ؟ انا لو قلت موقف من المواقف اللي بفكر فيها اللي قدامي هيبصلي بقرف ويمشي 🙂
لا طبعا انا اتعرضت للموقف دا كذا مره
هو انت عندك حس كوميدي انت تقريبا مش واخد بالك منه عامة 😭. المهم يعني،حاسة بالعكس، اعرف أئمة بيتعمدوا ييجوا لحد معين عارفين انه بيلقلق وبيتأتأ وبيغلط وكده ويقولوله مرة واتنين وتلاتة انهو يقرأ قرآن مثلا او يصلي بالناس لانها حصلت مع اخويا الصغير. ف بالعكس، حوار التأتأة والتوتر ده مش هيخليه يشوفك وحش ابدا، ده ممكن يكررها تاني ف جهز نفسك 😂.
بالعكس انت شطور حتي لو هتغلط عادي
ولا يهمك يخويا دي رهبه مش اكتر وبتحصلنا كلنا عادي ريلاكس خالص ارمي ورا ضهرك مفيش اي حاجه ودا اصلا هيديك مناعه بعد كدا لأي مفاجأه تانيه زي دي وربنا يتقبل يارب اهم حاجه متفقدش ثقتك ف نفسك انت لسه قايل كنت متوتر يعني كان عندك احسن من كدا اعتبرها كبوه وعدت ❤️
عادي ي اخويا ولا يهمك ربنا يكتبه في ميزان حسناتك انك حاسس انك مادتش صلاتك ب اكمل وجه وكله عند الله طبعا ربنا يثبتك
كلنا بشر و بنغلط يا صاحبي فعادي والله ❤️